रात्री झोपण्याआधी नियमित करा 'या' आयुर्वेदिक काढ्याचे सेवन, वाढलेले वजन महिनाभरात होईल कमी
वजन कमी करण्यासाठी उपाय?
काढा बनवण्याची कृती आणि फायदे?
आतडे स्वच्छ करण्यासाठी काय करावे?
वाढलेले वजन कमी करण्यासाठी खूप जास्त प्रयत्न करावे लागतात. जगभरात लठ्ठपणा, मधुमेह, उच्च कोलेस्ट्रॉल, उच्च रक्तदाब इत्यादी गंभीर आजारांच्या रुग्ण संख्येत झपाट्याने वाढ होत आहे. शरीरावर वाढलेल्या अनावश्यक चरबीमुळे आरोग्यासंबंधित गंभीर आजार होतात. वजन वाढल्यानंतर अनेक लोक तासनतास जिम, डाएट, महागडे सप्लिमेंट्स, डॉक्टरांची औषध इत्यादी अनेक गोष्टी करतात. पण याचा फारसा परिणाम शरीरावर दिसून येत नाही. चुकीची जीवनशैली, मानसिक तणाव, पाण्याची कमतरता, पोषक घटकांचा अभाव, अपुरी झोप, आहारात होणारे बदल इत्यादी गोष्टींच्या परिणामामुळे आरोग्य बिघडते. शरीरावर वाढलेली अनावश्यक चरबी कमी करण्यासाठी कोणतेही चुकीचे उपाय करण्याऐवजी आयुर्वेदिक काढ्याचे सेवन करावे. आयुर्वेदिक काढ्याच्या सेवनामुळे शरीराला भरमसाट फायदे होतात. यामुळे पचन आणि मेटाबॉलिझम व्यवस्थित होते आणि चयापचय क्रिया सुधारते. चला तर जाणून घेऊया आयुर्वेदिक काढा बनवण्याची कृती आणि फायदे.(फोटो सौजन्य – AI)
आयुर्वेदिक काढा बनवण्यासाठी सर्वप्रथम, टोपात अर्धा गॅस पाणी गरम करून घ्या. गरम केलेले पाणी ग्लासात काढून त्यात लिंबाचा रस टाका. त्यानंतर त्यात दालचिनी पावडर, चमचाभर मध घालून व्यवस्थित मिक्स करून घ्या. तयार केलेल्या मिश्रण मिक्स करून गरम असतानाच प्यावे. हा काढा शक्यतो रात्रीच्या वेळी प्यावा. महिनाभर नियमित काढ्याचे सेवन केल्यास आतड्यांमध्ये जमा झालेली घाण बाहेर पडून जाईल आणि शरीर स्वच्छ होईल. पोट मांड्यावर वाढलेला चरबीचा थर कमी करण्यासाठी आयुर्वेदिक काढा खूप जास्त फायदेशीर ठरेल.
सकाळी उठल्यानंतर नियमित आयुर्वेदिक काढ्याचे सेवन केल्यास सकाळी उठल्यानंतर खूप जास्त फ्रेश आणि चांगले वाटेल. अंगात वाढलेला जडपणा कमी करण्यासाठी हे पेय खूप जास्त फायदेशीर ठरेल. बऱ्याचदा सकाळच्या वेळी झोपेतून उठल्यानंतर त्वचा खूप जास्त थकल्यासारखी वाटते. याशिवाय डोळ्यांभोवती सूज येऊन चेहरा विचित्र दिसतो. या सर्व समस्यांपासून आराम मिळवण्यासाठी आयुर्वेदिक काढ्याचे सेवन करावे. आतड्यांमध्ये जमा झालेली घाण बाहेर काढून टाकण्यासाठी दालचिनी मधाचा काढा गुणकारी ठरेल. यामुळे आतडे आणि संपूर्ण शरीर डिटॉक्स होईल.
सकाळी उठल्यानंतर तुमचे पोट जर व्यवस्थित स्वच्छ होत नसेल तर काढा प्यावा. दालचिनी शरीरातील घाण स्वच्छ करते आणि शरीर नैसर्गिकरित्या फ्रेश आणि ताजेतवाने ठेवते. हा आयुर्वेदिक काढा तुम्ही लहान मुलांनासुद्धा पिण्यास देऊ शकता. मेटाबॉलिझम चांगले राहण्यासाठी आणि आतील अवयवांना आलेली सूज कमी करण्यासाठी काढ्याचे सेवन करावे.
Ans: जेवणात प्रथिने (डाळी, अंडी) आणि फायबर (भाज्या, फळे) वाढवा
Ans: स्ट्रेंथ ट्रेनिंग (वजन उचलणे) आणि कार्डिओ (धावणे, पोहणे, सायकलिंग) यांचा मिलाफ सर्वोत्तम आहे.
Ans: अंडी, डाळी, मोड आलेली कडधान्ये, पनीर, हिरव्या पालेभाज्या, फळे, सॅलड
