आतड्यांमध्ये कुजलेली घाण होईल स्वच्छ! नियमित करा ‘या’ पदार्थांचा आहारात समावेश, तयार होतील चांगले बॅक्टेरिया

अपचन-गॅसेसचा त्रास जीवघेणा! अपचनाची समस्या उद्भवू नये म्हणून अशी घ्या आरोग्याची काळजी, पोट राहील स्वच्छ

कलिंगड आणि लिंबू:

उन्हाळ्यासह इतर सर्वच ऋतूंमध्ये बाजारात मोठ्या प्रमाणावर कलिंगड उपलब्ध असतात. कलिंगडमध्ये ९० टक्के पाणी असते. त्यामुळे उन्हाळ्याच्या दिवसांमध्ये नियमित कलिंगड खावे. कलिंगड खाल्ल्यामुळे केवळ पाण्याची कमतरता भरून न निघता आतड्यांमध्ये जमा झालेली घाण सुद्धा बाहेर पडून जाते. शरीरातील इलेक्ट्रोलाइट्सची पातळी संतुलि ठेवण्यासाठी कलिंगड खाण्याचा सल्ला कायमचा दिला जातो. कलिंगडासोबतच लिंबाच्या रसाचे सुद्धा सेवन करावे. सायट्रिक ॲसिड पचन क्रियेतील एन्झाईम्सना चालना देतात. आतड्यांमध्ये जमा झालेले विषारी घटक बाहेर काढून टाकण्यासाठी कलिंगड आणि लिंबाचा रस एकत्र करून प्यावा. यामध्ये असलेल्या फायबरमुळे आतडे स्वच्छ होतील.

खजूर:

सकाळच्या नाश्त्यात किंवा इतर वेळी भूक लागल्यानंतर नियमित एक किंवा दोन खजूर खावेत. खजूर खाल्ल्यामुळे शरीरात उष्णता टिकून राहते आणि शरीराला भरमसाट फायदे होतात. कायमच साखरेपासून बनवलेले पदार्थ खाण्याऐवजी खजूर खावा. पोटातील फायदेशीर जीवाणूंना पोषण देण्यासाठी खजूर खाण्याचा सल्ला दिला जातो. यामध्ये पोटॅशियम, अँटीऑक्सिडंट्स आणि मॅग्नेशियम इत्यादी अनेक घटक आढळून येतात. खजूर खाल्ल्यामुळे शरीरातील उर्जेवर तात्काळ परिणाम दिसून येतो.

ब्रोकोली:

ब्रोकोलीचे नाव ऐकल्यानंतर अनेक लोक नाक मुरडतात. पण ही भाजी आतड्यांसाठी खूप जास्त फायदेशीर मानली जाते. ब्रोकोलीमध्ये खूप जास्त फायबर असते. फायबर असलेले पदार्थ शरीरासाठी अतिशय महत्वाचे ठरतात. तसेच यामध्ये असलेली सल्फोराफेन सारखी संयुगे आतड्यांचे अस्तर मजबूत करतात आणि सूज येण्यापासून रोखतात. सकाळच्या नाश्त्यात किंवा इतर वेळी ब्रोकोलीपासून बनवलेले सॅलड किंवा सूप बनवून प्यावे. ब्रोकोली जास्त शिजवू नये. हलकीशी वाफवावी.

धक्कादायक! १ वर्षाच्या चिमुकल्याच्या श्वासनलिकेत अडकला बदाम, डॉक्टरांच्या तत्परतेमुळे वाचले बाळाचे प्राण

बेरीज:

आंबट गोड चवीची बेरीज खायला सगळ्यांचं खूप जास्त आवडतात. ब्लूबेरी, रास्पबेरी आणि स्ट्रॉबेरी सारख्या चमकदार रंगाच्या बेरीज रोजच्या आहारात खाव्यात. यामध्ये असलेले फायबर आणि पॉलीफेनॉल आतड्या निरोगी ठेवतात. याशिवाय यामध्ये असलेले अँटीऑक्सिडंट्स शरीरातील आतील अवयवांना आलेली सूज कमी करण्यासाठी मदत करतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.