Summer Special : आइसक्रीमला द्या ब्रेक, उन्हाळ्यात थंडगार लिंबाच्या चवीसह घरी बनवा ‘लेमन सॉर्बेट’, रेसिपी नोट करा

Lemon Sorbet Recipe : निवडक साहित्यांपासून तयार होणारी ही डिश उन्हाळ्यासाठी एक उत्तम पर्याय ठरते. मुख्य म्हणजे हे बनवण्यासाठी फार वेळ आणि मेहनतीची गरज भासत नाही.

• उन्हाळ्यात थंड पदार्थ खाण्याची फार इच्छा होते.
• म्हणूनच आज आम्ही तुमच्यासाठी एक खास पदार्थ घेऊन आलो आहोत.
• पदार्थाचं नाव लेमन साॅर्बेट असून ते काही अंशी आईस्क्रिमसारखे लागते.

गरम हवामानात शरीराला थंडावा देणारे आणि ताजेपणा देणारे पदार्थ आपण नेहमी शोधत असतो. अशा वेळी साधं, हलकं आणि नैसर्गिक चवीचं काहीतरी खायची इच्छा होते. लिंबू सॉर्बेट हा त्यासाठी एक उत्तम पर्याय आहे. हे पारंपरिक आईस्क्रीमपेक्षा हलकं असतं आणि त्यात दुध किंवा क्रीम नसल्यामुळे ते पचायलाही सोपं असतं.

सणासुदीला बनवली जाणारी गोव्याची खास स्वीट डिश… तुम्ही कधी ‘मन गण’ खाल्ला आहे का? आजच नोट करा रेसिपी

लिंबाचा आंबट-गोड चव आणि त्याची रिफ्रेशिंग चव उन्हाळ्यात विशेष आनंद देते. लिंबू सॉर्बेट बनवणं खूप सोपं आहे आणि त्यासाठी फार कमी साहित्य लागतं. घरच्या घरी तयार केल्यामुळे त्यात कोणतेही कृत्रिम रंग किंवा प्रिझर्वेटिव्ह नसतात, त्यामुळे हे आरोग्यासाठीही चांगलं ठरतं. थोड्याशा तयारीने तुम्ही हा फ्रोजन डेझर्ट तयार करू शकता आणि पाहुण्यांसाठीही एक खास डिश म्हणून सर्व्ह करू शकता. चला नोट करून घेऊयात रेसिपीसाठी लागणारे साहित्य आणि कृती.

साहित्य:

• १ कप लिंबाचा रस (ताजा काढलेला)
• १ कप साखर
• २ कप पाणी
• १ टीस्पून लिंबाच्या सालीचा किस (झेस्ट)
• चिमूटभर मीठ

उष्णता कमी करण्यासाठी कोल्ड्रिंक पिण्याऐवजी झटपट बनवा थंडगार नाचणीचे आंबील, पारंपरिक पेयामुळे शरीरात राहील गारवा

कृती:

• सर्वप्रथम एका भांड्यात पाणी आणि साखर एकत्र करून मध्यम आचेवर गरम करा. साखर पूर्णपणे विरघळेपर्यंत हलवत राहा.
• साखर विरघळल्यावर गॅस बंद करा आणि हे मिश्रण पूर्ण थंड होऊ द्या.
• आता थंड झालेल्या साखरेच्या पाकात लिंबाचा रस, लिंबाची साल (झेस्ट) आणि मीठ घाला.
• सर्व मिश्रण चांगलं एकत्र करून एका हवाबंद डब्यात ओता.
• हा डबा फ्रीजरमध्ये २-३ तास ठेवा.
• दर ३०-४५ मिनिटांनी डबा बाहेर काढून काट्याने किंवा चमच्याने मिश्रण हलवा, त्यामुळे बर्फाचे कण मऊ राहतील.
• पूर्णपणे सेट झाल्यावर लिंबू सरबत तयार होईल. स्कूप करून थंडगार सर्व्ह करा.
• अधिक चवदार बनवण्यासाठी थोडी पुदिन्याची पाने घालू शकता.
• जर तुम्हाला जास्त गोड आवडत असेल तर साखरेचं प्रमाण थोडं वाढवू शकता.
• थंडगार, ताजेतवाने आणि हलकं लिंबू सॉर्बेट उन्हाळ्यात तुमचा मूड फ्रेश करेल.