Heart Health: हृदय निरोगी ठेवायचंय? मग आहारात ‘या’ ६ सुपरफूड्सचा करा समावेश

Healthy Foods For Heart: हृदयाला निरोगी ठेवण्यासाठी दररोजच्या आहारात कोणत्या पदार्थांचा समावेश केला पाहिजे, जाणून घ्या.

• हृदय निरोगी ठेवायचंय?
• आहारात ‘या’ ६ सुपरफूड्सचा करा समावेश
• हृदय निरोगी ठेवण्यासाठी काय करावे?

आजकाल बदलती जीवनशैली, तणाव, फास्ट फूड आणि व्यायामाचा अभाव यामुळे हृदयविकाराचा धोका झपाट्याने वाढताना दिसत आहे. कमी वयातही हार्ट अटॅकच्या घटना समोर येत असल्याने हृदयाच्या आरोग्याकडे विशेष लक्ष देणे गरजेचे झाले आहे. डॉक्टरांच्या मते, नियमित व्यायामासोबत योग्य आहार घेतल्यास हृदयविकाराचा धोका मोठ्या प्रमाणात कमी करता येतो. काही खास पदार्थ असे आहेत जे कोलेस्ट्रॉल नियंत्रणात ठेवण्यास, रक्ताभिसरण सुधारण्यास आणि हृदय मजबूत ठेवण्यास मदत करतात. तसेच, अनेक पौष्टिक कमतरता दूर करण्यासही मदत होते. हृदय निरोगी ठेवण्यासाठी दररोज कोणत्या सूपरफूडचे सेवन केले पाहिजे, जाणून घ्या.

High Blood Pressure: हाय ब्लड प्रेशरच्या रुग्णांसाठी ‘हे’ पदार्थ ठरू शकतात धोकादायक; आजच खाणं टाळा

बदाम

बदामामध्ये फायबर, व्हिटॅमिन ई, मॅग्नेशियम आणि हेल्दी फॅट्स भरपूर प्रमाणात असतात. हे शरीरातील खराब कोलेस्ट्रॉल कमी करण्यास मदत करतात. रोज मर्यादित प्रमाणात बदाम खाल्ल्यास हृदय निरोगी राहण्यास मदत होते. म्हणून दररोजच्या आहारात बदामाचा समावेश करा.

हिरव्या पालेभाज्या

निरोगी हृदय राखण्यासाठी हिरव्या पालेभाज्या खाणे देखील आवश्यक आहे. पालक, मेथी, शेपू आणि इतर हिरव्या पालेभाज्यांमध्ये अँटिऑक्सिडंट्स, आयरन आणि अनेक पोषक तत्त्वे असतात. या भाज्या ब्लड प्रेशर नियंत्रणात ठेवण्यास आणि रक्तवाहिन्या निरोगी ठेवण्यास मदत करतात.

ग्रीन टी

दूधाच्या चहाऐवजी ग्रीन टीचा समावेश केल्यास शरीरातील चांगले कोलेस्ट्रॉल वाढण्यास मदत होते. ग्रीन टीमधील अँटिऑक्सिडंट्स हृदयविकाराचा धोका कमी करण्यास फायदेशीर ठरतात.

अक्रोड

अक्रोडमध्ये ओमेगा-3 फॅटी अॅसिड आणि हेल्दी फॅट्स मोठ्या प्रमाणात असतात. जे रक्तवाहिन्या निरोगी ठेवण्यास मदत करतात. तसेच कोलेस्ट्रॉल नियंत्रणात ठेवण्यातही अक्रोड फायदेशीर मानले जाते.

डार्क चॉकलेट

डार्क चॉकलेटमध्ये फ्लेव्होनॉइड्ससारखे अँटिऑक्सिडंट गुणधर्म असतात, जे हृदयाचे आरोग्य सुधारण्यास आणि हृदयविकारांचा धोका कमी करण्यास मदत करू शकतात.

मासे

तुम्ही सॅल्मन, मॅकरेल, सार्डिन आणि ट्यूना यांसारखे मासे खाऊ शकता. यामध्ये ओमेगा-३ फॅटी ॲसिड भरपूर प्रमाणात असते जे निरोगी हृदय राखण्यात महत्त्वाची भूमिका बजावतात.

हृदय निरोगी ठेवण्यासाठी ‘या’ गोष्टीही महत्त्वाच्या

• दररोज किमान ३० मिनिटे व्यायाम करा
• तेलकट आणि जंक फूड कमी खा
• धूम्रपान आणि मद्यपान टाळा
• नियमित हेल्थ चेकअप करा
• तणाव शक्य तेवढा कमी करण्याचा प्रयत्न करा

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

रफ केसांना म्हणा बाय-बाय! केस धुण्यापूर्वी करा ‘हा’ सोपा उपाय; केस होतील सॉफ्ट, सिल्की आणि चमकदार