लहानच काय तर मोठेही होतील खुश, संध्याकाळच्या नाश्त्याला बनवा टेस्टी चीज पॅकेट्स, रेसिपी नोट करा

Cheese Pocket Recipe : चीज पॉकेट्स हे खुसखुशीत, मऊ आणि चवदार स्नॅक्स आहेत. संध्याकाळच्या नाश्त्यासाठी किंवा पार्टीसाठी ही एक परफेक्ट डिश ठरते. घरच्या घरी ही चिजी रेसिपी कशी तयार करायची ते जाणून घ्या. 

• चीज ब्रेड पॉकेट्स हे चवदार आणि खुसखुशीत स्नॅक्स आहेत.
• यामध्ये मोझरेला चीज, ब्रेड, कांदा, हिरवी मिरची यांचा वापर केला जातो.
• ही रेसिपी त्वरित तयार होणारी आहे आणि पार्टी स्नॅक्स किंवा संध्याकाळच्या नाश्त्यासाठी उत्तम पर्याय ठरते.

खुसखुशीत, मऊ आणि सुगंधी चीजयुक्त पदार्थांची ओढ अनेकांना असते. चिजी आणि टेस्टी पॉकेट अनेकांची पसंत बनत आहेत. लहानांनाच काय तर मोठ्यांनाही याला पाहताच खाण्याची इच्छा होते. घरच्या घरी बनवलेले चीज ब्रेड पॉकेट्स हे अगदी साध्या साहित्यापासून तयार होणारे, पण चवीने समृद्ध असे स्नॅक्स आहे. दुपारच्या नाश्त्यासाठी, मुलांच्या डब्यासाठी किंवा पाहुण्यांसाठी पटकन काहीतरी खास बनवायचे असेल तर हे पॉकेट्स उत्तम पर्याय ठरतात.

रात्रीच्या जेवणात हिरव्यागार पालकपासून १० मिनिटांमध्ये बनवा खमंग कुरकुरीत भजी, नोट करून घ्या रेसिपी

बाहेरून हलकंसं कुरकुरीत आणि आतून वितळलेल्या चीजचा ओलसर पोत, यामुळे हा पदार्थ खाणाऱ्यांच्या लक्षात राहतो. या रेसिपीची खासियत म्हणजे ती अगदी कमी वेळात तयार होते आणि कोणत्याही साइड डिशशिवायही पूर्ण समाधान देते. पार्टी स्नॅक्ससाठी अथवा संध्याकाळच्या नाश्त्यासाठी ही एक परफेक्ट रेसिपी आहे. चला तर मग चीज पॉकेट्स घरी तयार करण्यासाठी कोणकोणत्या साहित्याची गरज लागेल ते जाणून घेऊया.

साहित्य

• ब्रेडच्या स्लाइस
• किसलेले मोझरेला किंवा प्रक्रिया केलेले चीज
• बारीक चिरलेला कांदा
• बारीक चिरलेली हिरवी मिरची
• थोडी बारीक चिरलेली कोथिंबीर
• ओरेगॅनो किंवा इतर आवडीनुसार हर्ब्ज
• चिमूटभर तिखट
• मीठ
• पाणी (ब्रेडचे कडे चिकटवण्यासाठी)
• तळण्यासाठी तेल

साधी चव पण अनोखं रूप… कुरकुरीत शीटमध्ये दडलीये स्टाफिंग, पॉकेट समोसा कधी खाल्लाय का? पार्टी स्नॅक्ससाठी परफेक्ट रेसिपी 

कृती

• यासाठी सर्वप्रथम ब्रेडच्या स्लाइसचे कडे हलकेच कापून घ्यावेत. प्रत्येक स्लाइस थोडासा रोलिंग पिनने दाबून पातळ करावा.
• एका भांड्यात चीज, कांदा, मिरची, कोथिंबीर, तिखट आणि मीठ घालून चांगले एकत्र करा.
• प्रत्येक ब्रेड स्लाइसच्या मध्यभागी हे मिश्रण ठेवावे आणि कडा थोड्या पाण्याने ओलसर करून हलकं दाबत पॉकेटच्या आकारात बंद करावे. कडा नीट चिकटल्या पाहिजेत, अन्यथा तळताना मिश्रण बाहेर येऊ शकते.
• कढईत तेल गरम करून हे पॉकेट्स मंद ते मध्यम आचेवर सोनेरी रंग येईपर्यंत तळून घ्यातयार झालेले पॉकेट्स टिश्यू पेपरवर काढून अतिरिक्त तेल शोषून घ्या.
• गरम गरम चीज ब्रेड पॉकेट्स तुमच्या आवडीच्या चटणी किंवा सॉससोबत सर्व्ह करा.