रविवारी घ्या कोल्हापुरी जेवणाचा आस्वाद; घरी बनवा लज्जतदार अन् झणझणीत तांबडा रस्सा

Pandhara Rassa Recipe: यंदाच्या विकेंडला नॉनव्हेजचा बेत आखत असाल तर पांढरा रस्सा एक चांगला पर्याय आहे. हा कोल्हापूरचा एक पारंपरिक पदार्थ आहे जो मटण आणि मसाल्यांपासून तयार केला जातो.

महाराष्ट्रीयन खाद्यपदार्थांमध्ये तांबडा रस्सा फार फेमस आहे. हा कोल्हापुरी स्टाईल रस्सा मटण अथवा चिकनपासून बनवला जातो. तांबडा रस्सा म्हणजे मटण किंवा चिकन आधारित कोल्हापुरी करी, जो लाल रंगाचा असतो. पारंपारिकपणे हा रस्सा विशेष मसाल्यांच्या मिश्रणाने बनवला जातो. अनेक मसाले वापरून हा रस्सा तयार केला जातो आणि भाकरी अथवा भातसह याला खाण्यासाठी सर्व्ह केले जाते.

जेवणाची चव वाढवण्यासाठी दुपारच्या जेवणात झटपट बनवा शेवग्याची कढी, आंबटगोड कढी सगळ्यांचं आवडेल

कोल्हापुरी जेवण हे त्यांच्या झणझणीत आणि मसालेदार पदार्थांसाठी प्रसिद्ध आहे. यामध्ये तांबडा रस्सा हा एक अत्यंत लोकप्रिय आणि पारंपरिक पदार्थ आहे. रविवारचा दिवस जवळ आला आहे अशात या विकेंडला तुम्ही घरी कोल्हापुर स्टाईल तांबडा रस्सा तयार करू शकता. हा रस्सा चवीला अप्रतिम लागतो. नॉन व्हेज लव्हर्ससाठी हा तांबडा रस्सा स्वर्गसुखाहून कमी नाही. तुम्ही आजवर याचा आस्वाद घेतला नसेल तर आजच ही रेसिपी फॉलो करा आणि या झणझणीत पदार्थाचा आस्वाद घ्या. जाणून घेऊया यासाठी लागणारे आवश्यक साहित्य आणि कृती.

साहित्य :

• मटण – ५०० ग्रॅम (साफ केलेले)
• कांदे – २ मध्यम (सिरा आणि रस्सा वेगळे वापरायला)
• आलं-लसूण पेस्ट – २ टेबलस्पून
• हळद – ½ टीस्पून
• मीठ – चवीनुसार
• तेल – ३ टेबलस्पून
• कोरडं खोबरं – ½ वाटी
• कांदा – १ मध्यम (स्लाइस करून)
• सुकं लाल मिरच्या – ५-६ (कमी झणझणीत हवं असल्यास कमी घ्या)
• धणे – १ टेबलस्पून
• जिरे – १ टीस्पून
• दालचिनी – १ इंच तुकडा
• लवंग – ३-
• काळी मिरी – ७-८
• तमालपत्र – १
• बडीशेप – ½ टीस्पून (ऑप्शनल)
• हिंग – १ चिमूट

Mango Puranpoli Recipe: आंब्याचा गर आणि पुरणपोळीचा अनोखा संगम; आंब्याची पुरणपोळी कधी खाल्ली आहे का?

कृती :

• यासाठी सर्वप्रथम कढईत तेल गरम करून त्यात चिरलेला कांदा घालून लालसर परतून घ्या
• यानंतर त्याच कढईत कोरडं खोबरं घालून खरपूस भाजून घ्या
• आता सुकं मिरचं, धणे, जिरे, दालचिनी, लवंग, मिरी, तमालपत्र, बडीशेप आणि हिंग घालून सर्व मसाले मध्यम आचेवर भाजून घ्या
• हे सर्व मिश्रण थंड झाल्यावर मिक्सरमध्ये थोडं पाणी घालून गंधीत पेस्ट तयार करा
• एका कुकरमध्ये तेल गरम करून त्यात बारीक चिरलेला कांदा परतून घ्या
• नंतर त्यात आलं-लसूण पेस्ट, हळद आणि मटण घालून ५-६ मिनिटं परता
• मीठ घालून थोडं पाणी शिंपडून ३-४ शिट्ट्या होईपर्यंत कुकरमध्ये शिजवून घ्या
• शिजलेल्या मटणात तयार केलेला कोल्हापुरी मसाला घाला
• यानंतर यात आवश्यक तेवढे पाणी घाला
• चवीनुसार मीठ घालून मध्यम आचेवर १०-१५ मिनिटं रस्सा उकळून घ्या
• तांबडा रस्सा गरम गरम भात, चपाती किंवा भाकरीसोबत सर्व्ह करा