Mango Puranpoli Recipe: आंब्याचा गर आणि पुरणपोळीचा अनोखा संगम; आंब्याची पुरणपोळी कधी खाल्ली आहे का?

उन्हाळा म्हणजे आंब्यांचा सीजन, या ऋतूत आंब्याचे अनेक पदार्थ बनवले जातात. अशात तुम्ही घरी टेस्टी आंब्याची पुरणपोळी तयार करू शकता. आंबा आणि पुरणपोळीचे हे कॉम्बिनेशन चवीला फार अप्रतिम लागते आणि सहज बनून तयारही होते.

(फोटो सौजन्य: Pinterest)

Follow Us:

Follow Us:

पुरणपोळी ही महाराष्ट्रीयन पारंपरिक खाद्यपदार्थ आहे. ही एक गोड पोळी आहे जी डाळ आणि गूळ यांच्या मिश्रणाने भरलेली असते. पुरणपोळीला अनेक ठिकाणी विशेष महत्त्व आहे आणि ती विविध सणांमध्ये बनवली जाते. आपल्या घरी कोणताही खास प्रसंग असला किंवा सण-समारंभावेळी पुराणपोळी आवर्जून बनवली जाते. याची चव लहानांपासून मोठ्यांपर्यंत सर्वांनाच फार आवडते.

चिकन लव्हर्ससाठी खास; एकदा घरी नक्की बनवून पहा हॉटेल स्टाईल Afghani Chicken Tikka

गोडसर आंब्याचा गर आणि पुरणपोळी यांचा सुंदर संगम म्हणजे आंबा पुरणपोळी! उन्हाळा म्हणजे आंब्याचा सीजन, या ऋतूमध्ये बाजारात मोठ्या प्रमाणात आंबे येतात. अशात आंब्यापासून अनेक पदार्थ बनवले जातात. आंब्यापासून बनवला जाणारा लोकप्रिय पदार्थ म्हणजे आमरस मात्र तुम्हाला माहिती आहे का? तुम्ही आंब्यापासून गोड अशी पुरणपोळी देखील बनवू शकता. विचार करा दोन महाराष्ट्रीयन गोड पदार्थांचे हे मिलन चवीला किती अप्रतिम लागेल. यंदाच्या उन्हाळ्यात ही अनोखी डिश एकदा नक्कीच बनवून पहा. जाणून घेऊया यासाठी लागणारे साहित्य आणि कृती.

साहित्य

• गव्हाचे पीठ – २ कप
• मीठ – १ चिमूट
• तेल – २ टेबलस्पून
• पाणी – लागेल तसे
• चण्याची डाळ – १ कप
• साखर – ¾ कप
• हापूस आंब्याचा गर – ½ कप
• वेलदोडा पूड – ½ टीस्पून
• जायफळ पूड – १ चिमूट
• साजूक तूप – पोळी भाजायला

कृती

• आंब्याची पुरणपोळी बनवण्यासाठी सर्वप्रथम गव्हाच्या पिठात मीठ, तेल टाकून मऊसर पीठ मळा आणि झाकून ३० मिनिटे ठेवून द्या
• यानंतर चण्याची डाळ स्वच्छ धुऊन कुकरमध्ये २ वाट्या पाण्यात २ शिट्ट्या होईपर्यंत शिजवा
• शिजलेल्या डाळीत साखर आणि आंब्याचा गर एकत्र करून मंद आचेवर गरम करत राहा
• मिश्रण थोडं घट्ट झालं की त्यात वेलदोडा आणि जायफळ पूड टाका आणि मिश्रण पूर्ण थंड करा
• तयार मिश्रणाला पुराणाच्या साच्यात घालून पुरण तयार करा
• आता गव्हाच्या पिठाचे गोळे करा आणि यात तयार पूर्ण व्यवस्थित भरून घ्या
• एका पिठाच्या गोळ्यात पुरण भरून, जाडसर पोळी लाटा. आंब्याच्या गरामुळे पुरण थोडं ओलसर असते, त्यामुळे हलक्या हाताने पोळी लाटून घ्या
• गरम तव्यावर ही पोळी दोन्ही बाजूंनी तूप लावून छान खरपूस भाजून घ्या
• तुमची गरमा गरम आंबा पुरणपोळी तयार आहे
• आंबा पुराणपोळीला एका प्लेटमध्ये काढा आणि तुपासह खाण्यासाठी सर्व्ह करा
• आंब्याचा गर खूप पातळ असेल तर पुरण घट्ट करताना जास्त वेळ शिजवा

Web Title: These summer make tasty mango puranpoli at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com