उकाड्यामुळे मांड्यांमध्ये जळजळ आणि पुरळ उठतेय? ‘या’ घरगुती उपायांनी मिळवा कायमची सुटका

उन्हाळ्यात किंवा दमट हवामानात मांड्यांमध्ये घर्षण आणि घामामुळे जळजळ, लालसरपणा आणि त्वचा सोलण्याचा त्रास होऊ शकतो. वेळीच काळजी घेतल्यास हा त्रास वाढण्यापासून रोखता येतो.

• मांड्यांमधील घर्षणामुळे त्वचा सोलण्याचा त्रास
• घाम आणि ओलावा टाळा, सैल कपडे वापरा
• त्वचेला आराम देण्यासाठी पेट्रोलियम जेली किंवा एलोवेरा वापरा

उन्हाळ्यात किंवा दमट हवामानात अनेकांना मांड्यांमध्ये जळजळीचा सामना करावा लागतो. यामुळे त्वचा लाल होऊ लागते आणि त्वचेवरील भाग हळूहळू सोलू लागतो ज्यामुळे चालताना, पळताना समस्या जाणवतात. या समस्येवर जर वेळीच कोणती उपाययोजना केली नाही तर पुढे जाऊन हा त्रास आणखी वाढू शकतो. अनेकदा ओले कपडे, मांड्या घासणे, खाज यामुळे जळजळपणा येऊ शकतो. जर वेळीच यावर लक्ष दिले नाही तर त्वचेवर व्रण किंवा लहान फोड येऊ शकतात.

घरात उंदरांचा सुळसुळाट वाढलाय? मारण्याची गरज नाही, ‘हे’ ५ भन्नाट उपाय करा; उंदीर स्वतःच घर सोडून पळतील

मांड्यांमधील त्वचा का सोलते?

मांड्यामध्ये होणाऱ्या जळजळीचे किंवा त्वचा सोलण्याचे प्रमुख कारण म्हणजे त्वचे घासली जाणे. जर चालताना किंवा कोणत्या दुसऱ्या एक्टीव्हीटीत मांड्यांवरील त्वचा घासून निघत असेल तर या घर्षणामुळे ही समस्या निर्माण होऊ शकते. ओले कपडे आणि कपड्यांमधून होणाऱ्या घासण्यामुळेही ही समस्या वाढू शकते. याचबरोबर सतत येणारा घाम या समस्येला आणखी वाढवतो आणि म्हणूनच उन्हाळ्याच्या दिवसांत याचा त्रास अधिक जाणवतो.

सुरुवातीला कशी करावी ओळख?

या समस्येत सुरुवातीला तुमची त्वचा सोलणार नाही पण तुम्हाला मांड्यांवर लालसरपणा किंवा हलकी जळजळ जाणवून येईल. यासोबतच खाज, कोरडेपणा जाणवू लागेल. घर्षण वाढल्यानंतर त्या भागावर लहान फोड किंवा वर्ण देखील आल्याचे दिसेल. गंभीर स्थितीत त्वचा सोलून निघू शकते ज्यामुळे रक्तस्त्राव देखील होऊ शकतो. यामुळेच सतत वाटणाऱ्या जळजळकडे दुर्लक्ष करु नका आणि वेळीच उपाययोजना करा.

सर्वात आधी खाजवणे थांबवा

जर त्वचा सोलत असेल, खाज वाढली असेल तर त्यावर खाजवणे हा उपाय नसू शकतो. यामुळे समस्या दुपटीने वाढेल. त्वचेला ठिक होण्याासाठी थोडा वेळ द्यावा लागेल. यासाठी काही दिवस घट्ट, त्वचेला चिपकणारे आणि जाड कपडे घालणे बंद करा. साॅफ्ट, हलके आणि थोडे सैलसर कपडे घालायला सुरु करा ज्यामुळे त्वचेचे घर्षण होणार नाही.

ओलाव्याला कंट्रोल करा

मांड्यांवर जास्त ओलावा टिकवून ठेवू नका. जर सतत घाम येत असेल तर तो लगेच पुसा आणि हवेशीर जागेत बसायला सुरुवात करा. कपडे असे घाला ज्यातून घाम शोषला जाईल आणि त्वचेवर टिकून राहणार नाही. त्वचा खूप जास्त फाटली असेल तर यावर डाॅक्टरांचा सल्ला घेणे एक चांगला पर्याय ठरेल.

पार्लरला जायचा कंटाळा येतो? मग घरच्या घरी ‘या’ पदार्थांचा वापर करून करा होममेड फेशिअल, चेहऱ्यावर येईल नैसर्गिक चमक

त्वचेला आराम

आंघोळ करताना असा भागावर फार साबण किंवा घासून स्वच्छता करु नका. हलक्या हाताने पाण्याने त्वचा साफ करा. यानंतर त्या भागावर एलोवेरा जेल किंवा पेट्रोलियम जेली लावा, यामुळे त्वचेला थंडावा मिळेल. पेट्रोलियम जेली त्वचेतील घर्षण कमी करण्याचे काम करते. जर त्रास वाढत असेल तर घरगुती उपाय करणे सोडा आणि डाॅक्टरांकडे जाऊन योग्य तो सल्ला घ्या.