२५ कोटींचे डीएसए यंत्र पुन्हा वापरात; ट्रॉमा रुग्णालयात बंद ‘न्युरोइंटरव्हेन्शन’ सेवा सुरू

स्ट्रोकच्या उपचारात वेळेला मोठे महत्त्व असल्याने मुंबईतील ट्रॉमा रुग्णालयाने मोठा निर्णय घेतला आहे. तीन वर्षांपासून बंद असलेली न्युरोइंटरव्हेन्शन सेवा पुन्हा सुरू करण्यात येत असून, अत्याधुनिक यंत्रणेचा अधिक प्रभावी वापर केला जाणार आहे.

• २५ कोटींच्या डीएसए यंत्राचा पूर्ण क्षमतेने वापर
• तीन वर्षांपासून बंद असलेली न्युरोइंटरव्हेन्शन सेवा पुन्हा सुरू
• स्ट्रोकसह मेंदूच्या रक्तवाहिन्यांवरील उपचारांना मिळणार वेग

स्ट्रोकच्या उपचारात प्रत्येक मिनिट महत्त्वाचे असल्याने जोगेश्वरीतील हिंदुहृदयसम्राट बाळासाहेब ठाकरे ट्रॉमा रुग्णालयात बंद पडलेली न्यूरोइंटरव्हेन्शन सेवा पुन्हा सक्रिय करण्याचा निर्णय घेण्यात आला आहे. गेल्या तीन वर्षांपासून बंद असलेली आणि एकेकाळी ‘फ्रायडे ओपीडी’ म्हणून प्रसिद्ध असलेली विशेष ओपीडी सुरू करण्यात आली आहे.

Breastfeeding: पूर्वीच्या तुलनेत आता स्तनपान अधिक आव्हानात्मक का वाटतेय? ‘या’ कारणांमुळे वाढू शकतात अडचणी

विशेष म्हणजे, तब्बल २५ कोटी रुपयांचे अत्याधुनिक डीएसए म्हणजे डिजिटल सबस्ट्रॅकशन अँजिओग्राफी यंत्र उपलब्ध असूनही त्याचा अपेक्षित वापर होत नव्हता. आता या यंत्राचा पूर्ण क्षमतेने वापर करून स्ट्रोक आणि मेंदूतील रक्तवाहिन्यांच्या आजारांवरील उपचारांना गती देण्याचे नियोजन अधिष्ठाता डॉ. छाया शिंदे यांच्या मार्गदर्शनाने होत आहे. दर शुक्रवारी सकाळी ८ ते दुपारी १२ या वेळेत सुरुवातीच्या ओपीडीत न्यूरोव्हॅस्क्युलर इंटरव्हेन्शनचे तज्ज्ञ डॉ. गुरुप्रसाद चंद्रशेखर यांच्या मार्गदर्शनाखाली रुग्णांची तपासणी व उपचारांचे नियोजन केले जाणार आहे.

बंगळूरू आणि ट्रॉमा रुग्णालयात डीएसए यंत्रणा

डीएसए हे अत्याधुनिक मॉड्युलर यंत्र असून त्यात इन-बिल्ट सीटी स्कॅनची सुविधाही आहे. भारतात अशा स्वरूपाची यंत्रणा मोजक्या ठिकाणी असून बंगळुरूनंतर ट्रॉमा रुग्णालयातील यंत्रणा महत्त्वाची मानली जाते. मेंदूतील रक्तवाहिन्यांचे फुगवटे, तीव्र स्ट्रोक आणि अन्य न्यूरोव्हॅस्क्युलर आजारांच्या निदानासह मेकॅनिकल थ्रोम्बेक्टॉमी, कॉइलिंग, एम्बोलायझेशन यांसारख्या उपचारांचे नियोजन यामुळे अधिक प्रभावीपणे करता येणार आहे.

Travel News : बजेट आणि वाइब्समध्ये सर्वोत्तम ठरतात जगातील ही 4 ठिकाणे

बाळासाहेब ठाकरे ट्रॉमा रुग्णालयाचे वैद्यकीय अधीक्षक डॉ. निरंजन क्षीरसागर यांनी म्हटले, “66 गेल्या तीन वर्षांपासून ही ओपीडी बंद होती, ‘फ्रायडे ओपीडी’ म्हणून तिची ओळख होती आणि आठवड्यातून एकदाच सुरू असतानाही सुमारे १५० रुग्ण येत होते. आता तीन न्यूरोसर्जनव्या माध्यमातून सोमवार ते शनिवार ओपीडी सुरू करण्याचे, तर रविवार शस्त्रक्रियांसाठी राखीव ठेवण्याचे नियोजन आहे. या महिन्यात सेवा पूर्ण क्षमतेने सुरू करण्याचा आणि पूर्वर्वीपेक्षा अधिक रुग्णाना उपचार देण्याचा आमचा प्रयत्न आहे”.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)