1 रुपयाही खर्च होणार नाही, चेहऱ्यावरील सर्व डाग होतील दूर… फक्त बाल्कनीतील या पानांचा वापर करा

Home Remedies : चेहऱ्यावर पिंपल्स येणे सामान्य गोष्ट आहे पण जेव्हा याचे डाग चेहऱ्यावरून जाता जात नाहीत तेव्हा खरी समस्या उद्भवते. योगगुरूंनी चेहऱ्यावरील समस्या दूर करण्यासाठी एक सोपा घरगुती उपाय शेअर केला आहे.

• प्रदूषण, धूळ, बदलते वातावरण, चुकीच्या सवयी आणि रासायनिक उत्पादनांचा जास्त वापर यामुळे मुरुमांची समस्या वाढते.
• रासायनिक प्रोडक्ट्स त्वचेला नुकसान करून लालसरपणा, सूज आणि फोड वाढवू शकतात
• याउलट चेहऱ्यावर घरगुती उपाय अधिक सुरक्षित ठरतात.

चुकीच्या सवयी, बदलते वातावरण, प्रदुषण आणि अशी कारणे चेहऱ्याला खराब करण्यास महत्त्वाची भूमिका बजावतात. तसं पाहायला गेल तर चेहऱ्यावर मुरुम, पिंपल्स येणे सामान्य गोष्ट आहे आणि याचे कोणतेही एकच असे कारण नाही तर यामागे वेगवेगळी कारणे असू शकतात. कधीकधी ते आपल्या निष्काळजीपणामुळेही घडून येऊ शकते. पण अधिकतरवेळी ते नैसर्गिक कारणांमुळे घडते जसे की, प्रदूषित हवा, धूळ आणि घाण. रासायनिक घटकांचा जास्त वापर हे देखील यासाठी कारणीभूत ठरु शकते. ही तर झाली मुरुमे होण्याची कारणे आता त्यांना त्वचेवरुन दूर करण्यासाठी नक्की काय करायला हवं ते जाणून घेऊया. आज आपण या लेखात मुरुमे दूर करण्यासाठी कोणत्या घरगुती उपायंची मदत होऊ शकते ते जाणून घेणार आहोत.

कालांतराने लोकरीच्या कपड्यांवरील धागे निघायला लागलेत? मग या ट्रिकचा वापर करा; जुना स्वेटर दिसेल नव्यासारखा

महागड्या उत्पादनांचा वापर

वर नमूद केल्या प्रमाणे अनेकजण आपल्या चेहऱ्याला सुंदर बनवण्यासाठी रासायनिक प्रोडक्टसचा वापर करतात खरं पण ते प्रत्येकवेळी आपल्या त्वचेसाठी योग्य असतील असे नाही. बाजारातील रासायनिक प्रोडक्ट्स अनेकदा त्वचेवर वाईट परिणाम करतात ज्यामुळे त्वचेच्या समस्या आणखी वाढू लागतात. यामुळे फोड येणे , लालसरपणा आणि सूज येणे यांसारख्या समस्यांना आमंत्रण मिळते. नैसर्गिक असल्याचा दावा केल्या जाणाऱ्या प्रोडक्ट्समध्येही बऱ्याचदा काही असे घटक मिसळलेले असतात जे आपल्या त्वचेला हानी पोहचवतात. अशावेळी आम्ही तुम्हाला सांगतो की, तुम्ही घरगुती उपायांची अधिक मदत घ्या. यात कोणतेही रसायन नसल्याने चेहऱ्यावर याचा वाईट परिणाम होत नाही.

See more

चेहऱ्यावर येईल सेलिब्रिटींप्रमाणे चमकदार ग्लो! चमचाभर मसूर डाळीचा ‘या’ पद्धतीने करा वापर,पिंपल्स होतील कायमचे नष्ट

उत्पादनांऐवजी काय करावे?

योगगुरु कैलाश बिश्नोई यांनी स्पष्ट केलं की, चेहऱ्यावरील मुरुमांची समस्या दूर करण्यासाठी आपण तुळशीच्या पानांचा वापर करु शकतो. त्यांच्या मते आरोग्याच्या आणि त्वचेच्या अनेक समस्या घरबसल्याच दूर करता येऊ शकतात. आजकाल जवळजवळ सर्वांच्याच घरी तुळशीची रोपे पाहायला मिळतात. अन्यथा आपल्या शेजाऱ्यांच्या घरी तर तुम्हाला नक्कीच हे रोप मिळून जाईल. तुळशीचे पाने फक्त त्वचेसाठीच नाही तर आरोग्यासाठीही अनेक पटींनी फायदेशीर ठरतात. याच्या मदतीने त्वचेवरील समस्या दूर करायचे असल्यास प्रथम तुळशीची पाने मिक्सरमध्ये फिरवून याचा रस तयार करा. पाने पूर्णपणे पिळून रस काढा. तयार रस दररोज रात्री त्वचेवरील मुरुमांवर लावा आणि सकाळी चेहरा धुवा. याच्या मदतीने चेहरा हळूहळू साफ होईल. तुम्ही तुळशीच्या पानांचा रस बर्फाच्या ट्रेमध्ये टाकून रोज एक ते दोन बर्फ देखील मुरुमांवर चोळू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.