Prawns Tempura Recipe: विकेंड स्पेशल घरी बनवा टेस्टी आणि क्रिस्पी प्रॉन्स टेम्पुरा

प्रॉन्स टेम्पुरा ही एक कुरकुरीत डिश आहे जी स्टाटर्सला सर्व्ह केली जाते. यात कोळंबीला बॅटरमध्ये बुडवून छान क्रिस्पी होईपर्यंत तळले जाते आणि मग चिली सॉससह खाण्यासाठी सर्व्ह केले जाते.

खरं तर प्रॉन्स टेम्पुरा (Prawns Tempura) ही एक जपानी डिश आहे, जी हलक्याशा बॅटरमध्ये कुरकुरीत तळून तयार केली जाते. ही डिश खूपच हलकी आणि चवीला क्रिस्पी अशी लागते. विशेषतः सीफूडप्रेमींसाठी ही एक अप्रतिम रेसिपी आहे. हा एक स्टाटर्सचा प्रकार असून अनेक हॉटेल्समध्ये तो सर्व्ह केला जातो. तुम्ही फिश लव्हर्स असाल आणि यंदाच्या विकेंडला घरी काही टेस्टी बनवण्याचा विचार करत असाल तर ही रेसिपी तुमच्यासाठी एक उत्तम पर्याय आहे. बाहेरील कुरकुरीत आवरण आणि आतमधील कोळंबी यांची चव फार अप्रतिम लागते. शिवाय हे बनवणेही फार सोपे असते, यासाठी तुम्हाला फार मेहनत घेण्याची सवय नाही. तुम्ही झटपट ही रेसिपी तयार करू शकता. चला तर मग जाणून घेऊया यासाठी लागणारे साहित्य आणि कृती.

भाकरी खायचा कंटाळा आला आहे? मग सोप्या पद्धतीमध्ये बनवा चटपटीत भाकरीचा चिवडा, नोट करून घ्या रेसिपी

साहित्य

• मध्यम आकाराचे प्रॉन्स (सोललेले व स्वच्छ केलेले) – १० ते १२
• मैदा – १/२ कप
• कॉर्नफ्लोअर – १/४ कप
• थंड पाणी (ice cold) – १/२ कप (गरजेनुसार कमी-जास्त)
• अंडं – १
• मीठ – चवीनुसार
• बेकिंग सोडा – एक चिमूट
• तळण्यासाठी तेल – आवश्यकतेनुसार

रविवारी घ्या कोल्हापुरी जेवणाचा आस्वाद; घरी बनवा लज्जतदार अन् झणझणीत तांबडा रस्सा

कृती

• यासाठी सर्वप्रथम प्रॉन्स स्वच्छ धुवून घ्या
• यानंतर त्यांना थोडं मीठ लावून काही वेळ बाजूला ठेवून द्या
• आता एका बाउलमध्ये मैदा, कॉर्नफ्लोअर, बेकिंग सोडा आणि मीठ एकत्र करा
• त्यात अंडं फोडा आणि मिक्स करा
• थंड पाणी हळूहळू घालत मिक्स करत जा. बॅटर फार जाडसर किंवा फार पातळ नको. थोडंसं थिक पण ओघळेल असं असावं
• कढईत तेल गरम करा
• प्रत्येक प्रॉन बॅटरमध्ये बुडवून मध्यम आचेवर कुरकुरीत होईपर्यंत तळून घ्या
• खूप जास्त तळू नका, अन्यथा प्रॉन्स टाईट होतात
• तळून झाल्यावर त्यांना एका प्लेटमध्ये काढा
• गरम गरम टेम्पुरा स्वीट चिली सॉस अथवा तुमच्या आवडीच्या सॉससह खाण्यासाठी सर्व्ह करा