शनिवार, 14 नोव्हेंबर 2026
पावसाळ्याच्या दिवसांमध्ये का वाढतो पायांच्या गँगरीनचा धोका?
संपूर्ण देशभरात मुसळधार पाऊस पडत आहे. सतत पडणाऱ्या पावसामुळे आरोग्यासंबंधित अनेक समस्या उद्भवू लागतात. या दिवसांमध्ये त्वचेवर इन्फेक्शन होण्याची जास्त शक्यता असते. त्यामुळे त्वचेसह संपूर्ण आरोग्याची योग्य काळजी घ्यावी. पावसाळ्यात चिखल, खराब पाणी आणि इतर अनेक कारणामुळे पायांचा संसर्ग होण्याची जास्त शक्यता असते. त्यात अनेकांमध्ये दिसून येणारी समस्या म्हणजे गँगरीन. गँगरीन इन्फेक्शन झाल्यानंतर पायांचे आरोग्य पूर्णपणे बिघडून जाते आणि आरोग्यासंबंधित अनेक समस्या उद्भवू लागतात. गँगरीन झाल्यानंतर सुरुवातीच्या दिवसांमध्ये योग्य वेळी लक्ष न दिल्यास समस्या आणखीनच गंभीर होत जाते. याशिवाय पाय कापून टाकण्यास लागू शकतो.(फोटो सौजन्य – istock)
पावसाळ्याच्या दिवसांमध्ये साथीच्या आजारांसोबतच त्वचा आणि पायांमध्ये इन्फेक्शन वाढण्याची जास्त शक्यता असते. पावसाळा ऋतू संसर्ग वाढवण्यासाठी अनुकूल ठरतो. त्यामुळे पावसाळ्यात हातापायांना कोणतीही जखम होणार नाही याची जास्त काळजी घ्यावी. मधुमेह, रक्ताभिसरण, पायाला जखमा पावसाळ्याच्या दिवसांमध्ये लवकर भरत नाहीत. गँगरीन हा अतिशय धोकादायक आणि जीवघेणा आजार आहे. ज्यामुळे रक्तवाहिन्यांचे मोठ्या प्रमाणावर नुकसान होते. हा संसर्ग झाल्यानंतर योग्य वेळी लक्ष न दिल्यास पाय कापावा लागतो, अन्यथा गँगरीन संपूर्ण शरीरात पसरण्याची जास्त भीती असते.
पायाचा गॅंगरीन होण्यामागे अनेक कारण आहेत. त्यातील प्रमुख कारण म्हणजे रक्तप्रवाहाच्या कमतरतेमुळे किंवा गंभीर जिवाणू संसर्गामुळे शरीरातील निरोगी पेशी मृत पावतात. ज्याचा परिणाम बोटांवर आणि संपूर्ण पायांवर होण्याची जास्त शक्यता असते. पावसाळ्याच्या दिवसांमध्ये सतत जाणवणारा ओलसरपणा आणि घाणेरड्या पाण्यामुळे त्वचेचे नुकसान होते आणि संसर्गाचा धोका वाढू लागतो.
कंबर आणि पोटावर वाढलेला चरबीचा घेर कमी करण्यासाठी स्वयंपाकघरातील ‘हे’ दोन पदार्थ ठरतील गुणकारी
गॅंगरीन टाळण्यासाठी काय करावे?
रक्तातील साखरेची पातळी नियंत्रणात ठेवा. जखमा वेळेवर स्वच्छ करा आणि त्यावर योग्य उपचार करा.धूम्रपान रक्तवाहिन्यांचे नुकसान करते.नियमित व्यायामाने रक्तप्रवाह सुधारतो.
गँगरीन म्हणजे काय?
गँगरीन ही एक गंभीर वैद्यकीय स्थिती आहे ज्यामध्ये शरीराच्या एका भागाला रक्तपुरवठा पुरेसा होत नाही, ज्यामुळे ऊती मरतात.
