विधान परिषद निवडणुकीनंतर (MLC Election) आता शिवसेनेच्या (Shivsena) आमदारांनी बंड (Rebellion) केले आहे. शिवसेना नेते एकनाथ शिंदे (Eknath Shinde) यांच्या नेतृत्वाखाली हे आमदार सुरतमध्ये (Surat) दाखल झाले असून ते नेतृत्वावर नाराज असल्याची चर्चा आहे. यामध्ये ५५ पैकी ३५ नॉट रिचेबल (Not Reachable) असून त्याची समजूत काढण्यासाठी शिवसेचे नेते मिलिंद नार्वेकर (Milind Narvekar) आणि रवींद्र फाटक (Ravindra Fatak) सुरतला तातडीने रवाना झाले आहेत.
राज्यात राजकीय भूकंप (Political Earthquake) घडवणाऱ्या शिवसेनेतील आजवरच्या सर्वात मोठ्या बंडाने ठाकरे सरकार अडचणीत आले आहे. याचवेळी एकनाथ शिंदे यांच्यासोबत ३५ आमदार असल्याची चर्चा आहे. या आमदारांची भूमिकाही आता समोर आली असून त्यांना काँग्रेस-राष्ट्रवादीबरोबरचे सरकार अमान्य असल्याचे कळते. भाजपबरोबर गेल्यास आम्ही अजूनही शिवसेनेसोबत असल्याची भूमिका बंडखोर आमदारांची आहे. आम्ही शिवसैनिक आहोत आणि अजूनही शिवसेनेसोबतच आहोत, अशी त्यांची भूमिका आहे.
या आमदारांमध्ये मुंबईतील मागाठाणेचे आमदार प्रकाश सुर्वे, मराठवाड्यातील सिल्लोडचे आमदार तथा राज्यमंत्री अब्दुल सत्तार, पैठणचे आमदार तथा राज्यमंत्री संदिपान भुमरे, औरंगाबाद पश्चिमचे आमदार संजय शिरसाट, कन्नडचे आमदार उदयसिंग राजपूत, वैजापूरचे आमदार प्रा. रमेश बोरनारे, नांदेडचे बालाजी कल्याणकर, रायडातील अलिबागचे आमदार महेंद्र दळवी, कर्जतचे आमदार महेंद्र थोरवे, महाडचे आमदार भरत गोगावले, पश्चिम महाराष्ट्रातील आटपाडीचे आमदार अनिल बाबर, भुदरगडचे आमदार प्रकाश अबिटकर, पाटणचे आमदार तथा गृहराज्यमंत्री शंभुराज देसाई, सांगोल्याचे आमदार शहाजी पाटील, साताऱ्यातील कोरेगावचे आमदार महेश शिंदे, ठाण्यातील अंबरनाथचे आमदार बालाजी किणीकर, पालघरचे आमदार श्रीनिवास वनगा, भिवंडी ग्रामीणचे आमदार शांताराम मोरे, कल्याण पश्चिमचे आमदार विश्वनाथ भोईर, उत्तर महाराष्ट्रातील पाचोराचे आमदार किशोर आप्पा पाटील, विदर्भातील मेहकरचे आमदार संजय रायमुलकर आणि बुलढाण्याचे आमदार संजय गायकवाड यांचा समावेश आहे.
