गुरुवार, 22 ऑक्टोबर 2026
अकोला शहरात मोकाट श्वानांचा हैदोस, अनेकांना चावा; श्वानांचे निर्बिजीकरण कागदावरच (File Photo)
शहरातील भटक्या श्वानांचा वाढता उपद्रव लक्षात घेता, त्यांच्या निर्बिजीकरण शस्त्रक्रियांसह श्वानदंशावरील लसीकरणासाठी कंत्राटदार संस्थेने शासनाच्या निर्धारित दरापेक्षा कमी दराने सादर केलेल्या निविदेला स्थायी समितीने बहुमताने मंजुरी दिली. तसेच, किमान एक हजार श्वानांची व्यवस्था होईल, असे शेल्टर होम उभारण्याच्या निर्णयावरही शिक्कामोर्तब झाले.
हस्तक्षेपामुळे संस्थांचा प्रतिसाद नाही?
शहरातील मोकाट श्वानांच्या निर्बिजीकरणासाठी होमगार्ड कार्यालयालगत असलेल्या महापालिकेच्या बंद शाळेत शस्त्रक्रिया करण्यात आल्या होत्या. संबंधित संस्थेचा कंत्राटी कालावधी संपल्यानंतर दुसऱ्या संस्थेला काम देण्यात आले. मात्र, काही श्वानांचे निर्बिजीकरण केल्यानंतर या संस्थेनेही काम बंद केले. त्यानंतर पुन्हा निविदा काढण्यात आल्या; मात्र कोणत्याही संस्थेने प्रतिसाद दिला नाही. निर्बिजीकरणाचे काम सुरू झाल्यानंतर संबंधित संस्थांच्या कामात हस्तक्षेप केला जात असल्याचे सांगितले जाते. आतापर्यंत दोन संस्थांना अशा प्रकाराला सामोरे जावे लागल्याची माहिती आहे. त्यामुळेच संस्थांकडून प्रतिसाद मिळत नसल्याची चर्चा आहे.
नायगाव डम्पिंग ग्राउंडवर शेल्टर होम
महापालिकेने नायगाव येथील डम्पिंग ग्राऊंडवर मोकाट श्वानांसाठी सुमारे सात हजार चौरस फुटांचे शेल्टर होम उभारले आहे. शेल्टरच्या निकषांमध्ये बदल करण्याच्या सूचनांनुसार आवश्यक सुधारणा करण्यात आल्या आहेत. श्वान पकडण्याचे काम कंत्राटदाराला देण्यात आले असून, प्रत्येक श्वानामागे २०० रुपये दिले जाणार आहेत. प्रारंभी शासकीय कार्यालयांच्या परिसरातील श्वान पकडले जाणार आहेत. त्यांच्या भोजनाची व्यवस्था महापालिकेला करावी लागणार आहे. या शेल्टरमध्ये भविष्यात दहा हजार श्वान ठेवण्याची क्षमता असल्याचे सांगण्यात येत असले, तरी सध्या सुमारे ४०० श्वान ठेवता येतील, अशी व्यवस्था आहे.
शहरात 15 हजारांवर मोकाट श्वान
अकोला शहरात सुमारे १५ हजारांहून अधिक मोकाट श्वान असल्याचा अंदाज आहे. अनेक भागांत त्यांच्या वावरामुळे नागरिक त्रस्त असून, श्वानांच्या चाव्यामुळे अनेकांना उपचार घ्यावे लागले आहेत. मोकाट श्वानांना पकडून शहराबाहेर सोडण्याच्या पद्धतीवर बंदी असल्याने त्यांची संख्या नियंत्रित करण्यासाठी निर्बिजीकरणावर भर दिला जात आहे.
FAQ :
अकोल्यात नेमकी काय परिस्थिती आहे? किती श्वान आहेत?
– अकोला महानगरपालिका (AMC) हद्दीत अंदाजे 25000 ते 30000 मोकाट श्वान आहेत. रोज 40 ते 60 लोकांना चावा घेतला. जिल्हा शासकीय वैद्यकीय महाविद्यालयात (GMC Akola) रोज एवढे रुग्ण इंजेक्शनसाठी येतात.
चावा घेतल्यावर काय करावे? इंजेक्शन कुठे मिळते?
– तात्काळ: जखम साबणाने आणि वाहत्या पाण्याने 15 मिनिटे धुवा. हळद, मिरची, चुना लावू नका. अकोला, जिल्हा रुग्णालय, किंवा मनपाचे दवाखाने – ARV (Anti-Rabies Vaccine) मोफत मिळते.
महापालिका काय करते? निर्बीजीकरण बंद का?
– AMC ने 21 मार्च 2026 रोजी नवीन टेंडर काढले – “Appointment of agency for catching, sterilization and anti-rabies vaccination of stray dogs in Akola Municipal Corporation area.
