गुरुवार, 22 ऑक्टोबर 2026
AI (फोटो सौजन्य- सोशलमीडिया)
आपल्यापैकी बरेच जण ChatGPT किंवा Claude वापरतात. कधी कधी त्याने दिलेलं उत्तर आवडत नाही किंवा फोटो बरोबर बनवत नाही, मग आपण रागात त्याला शिवी देतो, जसं काही तो आपला मित्रच आहे. “अरे काय टाकलंय हे”, “तुला काही येत नाही” असं आपण बोलून जातो.पण आता हे बंद करावं लागणार आहे. कारण AI आता तुमच्या शिव्या सहन करणार नाही.
Claude बनवणाऱ्या Anthropic कंपनीने एक कडक नियम आणला आहे. जर तुम्ही AI ला सारखं शिवीगाळ केली किंवा क्रूरपणे वागलात तर तुमचं अकाउंट थेट बॅन होऊ शकतं.
तुम्ही AI ला एक महत्वाचं काम दिलं. त्याने चुकीचं उत्तर दिलं. तुम्ही पुन्हा विचारलं, तरी पण त्याने चुकवलं. मग रागाच्या भरात तुम्ही त्याला शिवी दिली. तर आता कंपनी तुमच्यावर कारवाई करणार का?याच चर्चेमुळे Anthropic ने आपल्या पॉलिसीमध्ये बदल केला आहे. कंपनीने 8 ऑक्टोबर 2026 रोजी नवीन नियम जाहीर केले आहेत. हे नियम 12 नोव्हेंबरपासून लागू होणार आहेत.
Esim Vs Isim: SIM कार्डला कायमचा बाय-बाय? eSIM नंतर आता iSIM ची एंट्री, ‘या’ आहेत खास गोष्टी
“Sustained and Needless Cruel Behaviour” म्हणजे सारखं कारण नसताना क्रूर आणि अपमानजनक वागणं. कंपनी म्हणते, हा नियम फक्त खूप गंभीर प्रकरणांमध्ये वापरला जाईल. एखाद्याने एकदा रागात काही बोललं तर लगेच अकाउंट बंद होणार नाही. पण जर एखादा युजर मुद्दाम रोज AI ला टॉर्चर करत असेल, घाण घाण शिव्या देत असेल, तर त्याचा हेतू चांगला नाही असं समजून अकाउंट बॅन केलं जाईल.
असा प्रश्न तुमच्या मनात आला असेल. पण घाबरू नका.तुम्ही AI च्या कामावर टीका करू शकता. जर Claude ने चुकीचं उत्तर दिलं तर तुम्ही आरामात बोलू शकता की “तुझं उत्तर चुकीचं आहे”, “मला हे उत्तर आवडलं नाही”, “यापेक्षा चांगलं उत्तर दे”. हे सगळं तुम्ही करू शकता, यात काहीच प्रॉब्लेम नाही. हा तुमचा अधिकार आहे.
कंपनीला आक्षेप आहे तो फक्त शिवीगाळ, घाणेरडं बोलणं आणि मुद्दाम त्रास देण्यावर. तुम्ही त्याला इमोशनल टॉर्चर करत असाल तरच कारवाई होईल. AI हे मशीन आहे, त्याला भावना नाहीत हे खरं आहे, पण कंपनी म्हणते की त्याच्याशी पण माणुसकीने वागलं पाहिजे. वाईट किंवा अपशब्द बोलू नका. आदेश देऊन शिवीगाळ करु नये. त्यामुळे पुढच्या वेळी Claude किंवा ChatGPT चं उत्तर चुकलं तर शिवी देण्याऐवजी फक्त “हे उत्तर बरोबर नाही, परत प्रयत्न कर” असं सांगा. नाहीतर तुमचं महिन्याचं पेड अकाउंट एका शिवीमुळे बंद होईल.
