Soyabean
Wardha News : वर्धा जिल्हयात यावर्षी पावसाने दडी मारल्याने सोयाबीनचे उत्पादन कमी प्रमाणात झाले. हमीभाव ५,७०७ रुपये असला तरी खुल्या बाजारात यापेक्षा एक हजार रुपये अधिक भाव दिल्या जात आहे. दरवर्षी प्रमाणे सोयाबीनच्या बाजारभावाची चिंता शेतकऱ्यांना नाही. परंतु, उत्पादन कमी झाल्याने याचा फायदा पाहिजे त्या प्रमाणात शेतकऱ्यांना होणार नसल्याचे चित्र आहे. जिल्हयात यावर्षी १ लाख २५ हजार ६५४.९४ हेक्टर परिसरात सोयाबीनची पेरणी करण्याचे उद्दिष्ट कृषी विभागाने निश्चित केले होते.
यावर्षी पावसाळयाच्या सुरवातीला कमी प्रमाणात पाऊस झाल्याने पेरणीला उशीर झाला. त्यामुळे १ लाख १९ हजार ७४०.७० हेक्टरमध्ये पेरणी करण्यात आली. दरवर्षी सोयाबीनची निर्धारित क्षेत्रापेक्षा अधिक क्षेत्रात पेरणी करण्यात येते. यावर्षी ऑगस्ट महिन्यापासून पावसाने दडी मारल्याने मोठ्या प्रमाणात उत्पादनात घट झाली आहे. सोयाबीनला यावर्षी ५ हजार ७०७ रूपये हमीभाव घोषित केला आहे.
नवीन सोयाबीन बाजारात येण्यापूर्वी काही प्रमाणात उरलेसुरले सोयाबीन बाजारात येत होते. त्या सोयाबीनला ७हजार रुपयांचे जवळपास भाव देण्यात येत होता. आता दसरा व दिवाळी देखील जवळ येत आहे. यामुळे शेतात उरले सुरले सोयाबीनची कटायी करून शेतकरी बाजारात विकण्यासाठी आणत आहे. यामुळे भाव काही प्रमाणात कमी झाले आहे. सोयाबीनला ५,९०० ते ६ हजार ७०० रुपयांपर्यंत भाव देण्यात येत आहे. परंतु, सोयाबीनच्या उत्पादनात मोठया प्रमाणात घट झाली आहे. यामुळे हमीभावापेक्षाही एक हजार रुपये अधिक भाव मिळूनही शेतकऱ्यांचा उत्पादन खर्च देखील भरून निघणे कठीण जाणार आहे, असे शेतकऱ्यांचे म्हणणे आहे.
वर्ध्यात शेतकरी आत्महत्यांचे सत्र थांबता थांबेना; 9 महिन्यांत 107 शेतकऱ्यांची आत्महत्या
दरवर्षी सोयाबीन बाजारात आल्यानंतर दाण्यामध्ये आर्द्रता (ओलावा) असल्याचे कारणाने भाव कमी देण्यात येत होते. नाफेडच्या वतीने देखील हमी भावापेक्षाही कमी भाव देण्यात येत होते. यावर्षी दीड महिन्यापासून पावसाने दडी मारली आहे. यामुळे कडक उन्हामुळे भरलेल्या शेंगा फुटल्या आहे. दाणे कडक वाळले आहे. यामुळे देखील बाजारात चांगला भाव मिळत आहे.
नवीन सोयाबीन बाजारात येताच भाव खाली घसरते, त्यामुळे हमीभावाने सोयाबीनची खरेदी करण्यासाठी नाफेडची खरेदी सुरू करण्याची मागणी करण्यात येते. यावर्षी याविपरित स्थिती बाजारात आहे. खुल्या बाजारात हमीभावापेक्षाही अधिक भाव मिळत असल्याने नाफेडची खरेदी बंद राहणार असल्याचे बोलले जात आहे.
याबाबत बोलताना वर्धा कृषी उत्पन्न बाजार समितीचे सभापती अमित गावंडे म्हणाले, “सोयाबीनच्या निच्या उत्पादन कमी झाले आहे. अत्यंत दुष्काळ पडलेल्या मराठवाड्यातील जिल्हयात सोयाबीनचे उत्पादनच झाले नाही. यामुळे सोयाबीनचा शॉर्टज वाढला आहे. यामुळे खुल्या बाजारात भाव अधिक मिळत आहे. काही महिन्यांपासून पावसाने दडी मारल्याने कापूस वाळण्यास सुरवात होणार आहे. रब्बीचे पीक घेणे अनेक शेतकऱ्यांना शक्य नाही, यामुळे शेतकऱ्याची संपूर्ण भिस्त ही सोयाबीन पिकावरच अवलंबुन आहे.”
बळीराजाची दिवाळी गोड होणार! शेतकऱ्यांना मिळणार ५ हजारांची मदत; मुख्यमंत्री फडणवीस यांची घोषणा
.png "Videos"){kind=small}
