सोमवार, 9 नोव्हेंबर 2026
Ek Deep Krutadnyatecha Initiative for Ajit Pawar
बारामतीसारख्या ग्रामीण भागातून शासकीय सेवेत दाखल झालेल्या अधिकारी व कर्मचाऱ्यांची संख्या खूप मोठी आहे. बारामतीमध्ये स्पर्धापरीक्षेच्या विद्यार्थ्यांना प्रोत्साहन देण्याचे काम अजितदादांनी नेहमीच केले. स्पर्धापरीक्षेच्या विद्यार्थ्यांसाठी सुविधा निर्माण करताना, त्यांना येणाऱ्या अडचणी सोडवण्यासाठी अजितदादा नेहमीच तत्पर राहिले. त्यातून बारामतीचे युवक-युवती मोठ्या संख्येने वर्ग १ व वर्ग २ च्या पदांवर शासकीय सेवेत दाखल झाले.
बारामतीच्या या अधिकाऱ्यांना त्यांच्या सेवेत काही अडचण आली किंवा त्रास झाला, तरी अजितदादा त्यांच्या पाठीशी नेहमीच भक्कमपणे उभे राहिले.अजितदादांच्या जाण्याने फार मोठा आधार आणि पाठीराखा हरपल्याची या सर्वांची भावना आहे. त्या भावनेतूनच पाडव्यानिमित्त अजितदादांच्या स्मृतिस्थळी ‘एक दीप कृतज्ञतेचा’ हा उपक्रम राबवण्याचे या अधिकाऱ्यांनी ठरवले आहे.
दिवाळीत प्रत्येक पाडव्याला हे सर्वजण अजितदादांची भेट आवर्जून घ्यायचे. आता दादा नाहीत, त्यामुळे त्यांच्या स्मृतिस्थळी जाऊन त्यांना अभिवादन करण्याचा उपक्रम आयोजित केला आहे.या कार्यक्रमासाठी सुट्टीवर आलेल्या बारामती व परिसरातील सर्व अधिकारी आणि कर्मचाऱ्यांनी उपस्थित राहावे, असे आवाहन ‘आपली बारामती, आपली माणसं’ या बारामतीच्या अधिकाऱ्यांच्या समूहाने केले आहे.
Pune News: खासगी ट्रॅव्हल्सच्या दरांवर नियंत्रण कधी? दिवाळीनिमित घरी जाणाऱ्यांच्या खिशाला कात्री
Ans: पाडवा सणानिमित्त अजितदादा पवार यांच्या स्मृतिस्थळी 'एक दीप कृतज्ञतेचा' हा अभिवादन उपक्रम आयोजित करण्यात आला आहे.
Ans: बारामती येथील विद्या प्रतिष्ठान परिसरातील अजितदादा पवार यांच्या स्मृतिस्थळी हा कार्यक्रम होणार आहे.
Ans: मंगळवार, दि. १० नोव्हेंबर रोजी सायंकाळी ५ वाजता हा कार्यक्रम आयोजित करण्यात आला आहे.
