घराघरांत दिवाळी आणि लक्ष्मीपूजनाचा उत्साह सुरू असताना साकोली तालुक्यातील बामणी गावात वाघाच्या हल्ल्यात आई-वडिलांसोबत शेतात धान कापणी करत असलेल्या तरुण शेतकऱ्याचा मृत्यू झाला आहे.
भंडारा जिल्ह्यात मानव-वन्यजीव संघर्ष गंभीर होत असून जानेवारी ते सप्टेंबरदरम्यान वन्यप्राण्यांच्या हल्ल्यांत 7 जणांचा मृत्यू झाल्याची नोंद आहे. वाघ, बिबट्या आणि अस्वलांच्या वाढत्या धोक्यामुळे जंगलालगतच्या गावांतील नागरिकांच्या सुरक्षिततेचा प्रश्न ऐरणीवर आला आहे.
भंडारा जिल्ह्यात बनावट दस्तऐवज आणि सायबर फसवणुकीच्या दोन घटना समोर आल्या आहेत. महाराष्ट्र रूरल एज्युकेशन सोसायटीच्या प्रकरणात शिक्का व स्वाक्षरीतील तफावतीनंतर दोघांविरुद्ध गुन्हा दाखल झाला. तर डिजिटल अरेस्टच्या नावाखाली आरटीजीएसद्वारे 4,55,200 रुपये उकळल्याप्रकरणी सायबर पोलिसांनी गुन्हा नोंदवला आहे.
कर्जमाफीचा लाभ मिळालेल्या शेतकऱ्यांपैकी १ हजार २८ जणांना ४ कोटी २१ लाख रुपयांचे नवीन खरीप पीककर्जही वितरित करण्यात आले आहे. त्यामुळे कर्जमाफीसोबतच नव्या हंगामासाठी पीककर्ज उपलब्ध करून देण्याची प्रक्रिया सुरू असल्याचे स्पष्ट झाले आहे.
२२ ऑक्टोबर ते ३० नोव्हेंबर या कालावधीत देशभरात 'खेत बचाओ अभियान राबविण्यात येणार आहे. यावेळी शेतकऱ्यांना मार्गदर्शन केले जाणार आहे. खतांच्या विक्रीसंबंधी नियमांबाबत जनजागृती करून शाश्वत शेती पद्धतींचा अवलंब करण्यासाठी प्रोत्साहन दिले जाईल.
धरणातील पाणीसाठा पूर्ण झाल्यानंतर परिसरातील काही गावांच्या वेशीपर्यंत बॅकवॉटर पोहोचले आहे. यापूर्वी २०२२ मध्येही धरणाची अंतिम पातळी गाठण्याचा प्रयोग करण्यात आला होता.
पत्नी कालव्यात पडल्याचे दिसताच पतीने क्षणाचाही विलंब न करता तिला वाचवण्यासाठी पाण्यात उडी घेतली. मात्र वेगवान प्रवाहामुळे दोघांनाही बाहेर पडता आले नाही. भंडारा जिल्ह्यातील कोरंभी येथे घडलेल्या या दुर्घटनेत स्वप्निल आणि प्रज्ञा बनकर या दाम्पत्याचा बुडून मृत्यू झाला.
पालकमंत्र्यांसमोर व्यथा मांडली, साडेचार एकरांतील धान करपले आणि मुलांच्या शिक्षणाचा खर्चही डोक्यावर… भंडाऱ्यातील शेतकरी राजेंद्र सपाटे यांच्या मृत्यूने परिसरात हळहळ व्यक्त होत आहे. अवघ्या 5 दिवसांत घडलेल्या या घटनेने दुष्काळग्रस्त शेतकऱ्यांच्या मदतीचा प्रश्न पुन्हा ऐरणीवर आणला आहे.
बालाघाटहून नागपूरच्या दिशेने प्रवास सुरू असताना खासदार भारती पारधी यांच्या वाहनाचा अपघात झाला. तुमसर-रामटेक महामार्गावरील उसर्रा येथे दुचाकीवरील दोघांना धडक बसून ते गंभीर जखमी झाले. अपघातानंतर पोलिसांनी वाहन ताब्यात घेतले असून नेमकी परिस्थिती काय होती, याचा तपास सुरू आहे.
शाळेच्या मैदानावर अचानक पांढऱ्या रेषा, त्रिकोणी आकृत्या आणि त्यासोबत खिळे-लिंबू व पूजासाहित्य आढळले... नेमका हा प्रकार कोणी आणि का केला? सानगडीतील घटनेनंतर परिसरात चर्चा वाढली असून, अंधश्रद्धेला खतपाणी न घालता चौकशीची मागणी होत आहे.
भंडारा-नागपूर मार्गावर पालांदूर येथे मालवाहू वाहनातून 25.430 किलो गांजा जप्त करण्यात आला. या कारवाईत नागपूरमधील दोघांना ताब्यात घेण्यात आले असून, जप्त मुद्देमालाची किंमत 32 लाखांहून जास्त आहे. या तस्करीमागे आणखी कोण आहे, याचा तपास सुरू आहे.
भंडाऱ्यात शासकीय स्पर्धा परीक्षेच्या ऑनलाइन पेपरदरम्यान दोनदा वीज खंडित झाल्याने मोठा गोंधळ उडाला. काहींचे लॉगिन झाले, काहींना परीक्षा सुरूच करता आली नाही; पेपर पुन्हा घेण्याची मागणी करत परीक्षार्थींनी केंद्राबाहेर गर्दी केली आणि पोलिसांना बोलवावे लागले.
धान उत्पादक भंडारा जिल्ह्यात शेतकरी आत्महत्यांचे संकट कायम आहे. 2003 ते 2024 दरम्यान 781 घटनांपैकी 476 प्रकरणे अपात्र ठरली, तर 2025 आणि 2026 मध्येही आत्महत्यांच्या घटना सुरूच असल्याचे शासकीय आकडेवारीतून समोर आले आहे.
