'या' तारखेपासून मुंबई, ठाणे, नाशिककरांचे पाणी महागणार, जाणून घ्या किती वाढणार पाणीपट्टी (फोटो सौजन्य-एएनआय)
पाणीकपातीच्या समस्येचा सामना करणाऱ्या मुंबईकरांना महानगपालिकेने आणखी एक झटका दिला आहे. मुंबईत पाण्याचे दर सुमारे 8% वाढू शकतात. त्यामुळे पिण्याचे पाणी 25 ते 6 रुपयांनी महागण्याची शक्यता आहे. 16 जूनपासून वाढलेले दर लागू होणार असल्याचे अधिकाऱ्यांकडून सांगण्यात आले. तसेच 2023 मध्येही BMC ने 8% विकास दराचा प्रस्ताव तयार केला होता, पण त्याची अंमलबजावणी होऊ शकली नाही. त्यानंतर मुख्यमंत्री एकनाथ शिंदे यांनी हस्तक्षेप करत हा प्रस्ताव रद्द करण्याचे आदेश दिले.
BMC चा कायदा आहे की दरवर्षी पाण्याच्या किमतीत 8% ने वाढ होईल आणि नवीन वाढ दर 16 जून पासून लागू होईल. परंतु, त्यासाठी बीएमसीला नवीन प्रस्ताव तयार करावा लागेल आणि आयुक्तांची मंजुरी आवश्यक आहे, असा नियम बीएमसीने २०१२ मध्ये केला होता की दरवर्षी जास्तीत जास्त ८ टक्के पाणी दरवाढ होतील आणि तो १६ जूनपासून लागू होईल. प्रत्येक वर्षी बीएमसी दर तीन महिन्यांनी ग्राहकांना पाण्याची बिले पाठवते. थकबाकीची रक्कम नव्या बिलात जोडली जाईल.
बीएमसी मुंबईकरांना सात तलावांमधून दररोज 3850 एमएलडी पाणी पुरवते. हे पाणी ठाणे, पालघर आणि नाशिक जिल्ह्यातून सुमारे 100 किलोमीटर लांबीच्या पाइपलाइनद्वारे येते. पाणीपुरवठ्यासाठी प्रशासकीय खर्चासोबत ऊर्जा आणि जलशुद्धीकरणाचा खर्च वाढल्याचे बीएमसीचे म्हणणे आहे. लोकांना ज्या किमतीत पाणी दिले जाते ते अगदी नाममात्र दर आहे. तर बीएमसी लोकांना पाणी देण्यासाठी कितीतरी पट जास्त खर्च करते. पाण्याचे दर वाढल्यानंतर, बीएमसीला वर्षभरात सुमारे 100 कोटी रुपयांचा महसूल मिळण्याची अपेक्षा आहे.
