बुलढाणा जिल्ह्यात आणखी एक भीषण अपघात, बस उलटल्यामुळे आठ प्रवासी गंभीर जखमी

अंजनी गावाजवळ समोरून ट्रक आल्यामुळे या खासगी ट्रॅव्हलचा अपघात झाल्याची प्राथमिक माहिती.

Follow Us:

Follow Us:

बुलढाणा : बुलढाणा जिल्ह्यामधील लोणार तालुक्यात पुन्हा एकदा खाजगी ट्रॅव्हल्सचा अपघात झाला आहे. बुलढाणा जिल्ह्यात लोणार तालुक्यातील अंजनी गावाजवळ ही ट्रॅव्हल्स उलटली असून यामध्ये झालेल्या अपघातामध्ये आठ प्रवासी गंभीर जखमी झाले आहेत. ही बस पुण्यावरून साधारण ३० प्रवासी घेऊन अमरावतीकडे जात होती. अंजनी गावाजवळ समोरून ट्रक आल्यामुळे या खासगी ट्रॅव्हलचा अपघात झाल्याची प्राथमिक माहिती मिळाली. हा अपघात सकाळी ६ वाजता झाला आहे. या अपघामध्ये सर्व प्रवासी जखमी झाले आहेत.

या अपघातामध्ये ८ जणांची प्रकृती गंभीर असल्याची माहिती मिळाली आहे. गावकऱ्यांना अपघाताची माहिती मिळताच मदतकार्य सुरु केले आणि अपघातग्रस्त गाडीमधून प्रवाश्याना बाहेर काढले. बुलढाणा जिल्ह्यामध्ये सातत्याने होणाऱ्या अपघाताचा मुद्दा हा आता ऐरणीवर आला आहे. प्रवाशांचे जीव धोक्यात घालून खाजगी ट्रॅव्हल्स बेभानपणे रस्त्यावर वाहन चालवताना पाहायला मिळत आहे. त्यांच्यावर कोणत्याही निर्बंध वाहतूक पोलिसांकडून लावले जात नाही असे बुलढाण्यातले चित्र दिसत आहे.

Web Title: Buldhana accidents anjani village accidents samruddhi highway maharashtra government

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com