photo- social media
हिरव्यागार दिसणाऱ्या शेंगा वरून चांगल्या दिसत असल्या तरी आतून अळीने सर्व दाणे फस्त केले आहेत. एका शेंगात २-३ अळ्या आढळत असून, ५० ते ६० टक्क्यांपर्यंत नुकसान इवल्याचा अंदाज शेतकरी व्यक्त करत आहेत. खत, औषध फवारणीला हजारो रुपये खर्च केले. पावसाअभावी पिकाला जगवण्यासाठी टँकरने पाणी दिले. आता पीक हातात यायच्या वेळीच अळीने सगळे संपवले, अशी व्यथा देऊळगाव राजा तालुक्यातील एका शेतकऱ्याने मांडली. गेल्या २ महिन्यांपासून पावसाने दडी मारल्याने जमिनीतील ओलावा संपला आहे. विहिरी, बोअरवेलनी तळ गाठला आहे. अशा परिस्थितीत तुरीसारखे काटक पीक तरी आधार देईल, अशी आशा होती. मात्र, अळीच्या हल्ल्याने ती आशाही मावळली आहे.
तुरीच्या पाठोपाठ हरभरा आणि रब्बीची पेरणीही खोळंबली असून, शेतकरी दुहेरी संकटात सापडला आहे. बँकेचे कर्ज, सावकाराचे व्याज आणि घरखर्च याचा मेळ कसा घालायचा, असा प्रश्न शेतकऱ्यांसमोर उभा ठाकला आहे.
पिकांसाठी राखीव साठ्याव्यतिरिक्त पाणी देण्यास जिल्हा प्रशासन सकारात्मक असतांनाही तांत्रिक कारणे सांगून काल पेनटाकळी प्रकल्पातून शेतकऱ्यांच्या खरिपाच्या पिकासाठी पाणी सोडण्यात आले नाही. त्यामुळे पाणी सोडण्याच्या मागणीसाठी माजी आ. संजय रायमुलकर सोमवारी सकाळी पैनगंगा नदीपात्रात मेहकर येथे बेमुदत उपोषणासाठी बसणार आहेत.
शनिवारी पेनटाकळी प्रकल्पाच्या कालव्यातून आणि पैनगंगा नदी पात्रात पाणी सोडण्यात येणार होते. खरिपाची तूर, हळद, कपाशी ही पिके वाचवून शेतकऱ्यांना मदत करण्यासाठी सिंचन प्रकल्पातील राखीव साठ्या व्यतिरिक्तचे पाणी सोडण्याच्या मागणीसाठी केंद्रीय मंत्री प्रतापराव जाधव यांनी जिल्हाधिकारी यांच्या उपस्थितीत अनेक बैठका घेतल्या. याबाबत प्रशासनाने सकारात्मक भूमिकाही घेतली होती.
.png "Videos"){kind=small}
