Buldhana News: पावसाअभावी शेती संकटात,आर्थिक वर्ष पूर्णतः कोलमडले; कोरड्या दुष्काळाच्या छायेत ‘बळीराजा’

Buldhana drought crop damage farmer crisis: बुलढाणा जिल्ह्यात पावसाने दडी मारल्याने खरीप पिके कोमेजली असून, किडीच्या प्रादुर्भावामुळे शेतकऱ्यांच्या अडचणी आणखी वाढल्या आहेत.

• पावसाअभावी शेती संकटात
• आर्थिक वर्ष पूर्णतः कोलमडले
• कोरड्या दुष्काळाच्या छायेत ‘बळीराजा’

बुलढाणा: जिल्ह्यातील शेती आणि शेतकरी पावसाविना शेवटची घटका मोजत आहेत. आसुसलेले डोळे पावसाच्या प्रतीक्षेत थकले असून, खरीपाची पिके कोमेजून पडली आहेत. त्यातच किडीचा प्रादुर्भाव शेतकऱ्यांच्या चिंता आणखी वाढवताना दिसत आहे. कोरड्या दुष्काळाचे मळभ सरता सरेना. एकंदरीत जिल्ह्यातील शेती आणि शेतकऱ्यांची अवस्था दयनीय झाली आहे. अल-निनोच्या प्रभावाने मान्सूनचा पाऊस दोन आठवडे उशिरा आल्याने खरीप हंगामाची पेरणी वेळेवर होऊ शकली नाही. पेरणी झाल्यानंतर ऑगस्ट महिन्यापासून सप्टेंबरपर्यंत वरुणराजा शेतकऱ्यांवर कोपला असून, जिल्ह्यात कोरड्या दुष्काळाचे सावट पसरले आहे.

Buldhana News: ‘लेक लाडकी’ योजनेचा १२ हजार कुटुंबांना लाभ, मुलींच्या शिक्षणाला बळ; १४ हजार कुटुंबांची नोंदणी

जिल्ह्यात ७ लाख ३८ हजार हेक्टर क्षेत्रावर खरिपाची पेरणी झाली आहे. सोयाबीन, कपाशी, मका, तूर, ज्वारी इत्यादी प्रमुख पिके आहेत. कपाशी आणि सोयाबीनचे पेरणी क्षेत्र सर्वाधिक आहे. सोयाबीनसारख्या नगदी पिकाला याचा सर्वाधिक फटका बसला असून, जिल्ह्यातील शेती कोरडवाहू आणि निसर्गाच्या पावसावर अवलंबून आहे. त्यातच गत दीड महिन्यापासून दडी मारून बसलेला पाऊस, कीटकांचा वाढता प्रादुर्भाव आणि कीटकनाशकांचे वाढते दर यामुळे शेतकऱ्यांचे पुरते कंबरडे मोडले आहे.

जिल्ह्यातील प्रमुख पिकांचे लागवड क्षेत्र

• पीक         हेक्टर
• कपाशी – १,३५,२४४.४
• सोयाबीन ४,४८,७०४.०१
• तूर -९९,५२१.६
• मका-२८,००८
• ज्वारी -२७०.२

२१ लाखांचा मुद्देमाल जप्त; मेहकर, सिंदखेडराजा अन् बुलढाणा तालुक्यात कारवाई, अवैध बायोडिझेल विक्रीचा पर्दाफाश