गुरुवार, 10 सप्टेंबर 2026
Lek Ladki Scheme Maharashtra,
बुलढाणा: मुलींच्या जन्माचे स्वागत करून त्यांच्या शिक्षणाला व भविष्यातील आर्थिक सक्षमीकरणाला चालना देण्यासाठी शासनाच्यावतीने सुरू करण्यात आलेली लेक लाडकी योजना जिल्ह्यातील हजारो कुटुंबांसाठी आधारवड ठरत आहे. या योजनेअंतर्गत जिल्ह्यात तब्बल १४ हजार ६२० कुटुंबांनी लाभासाठी नोंदणी केली होती. त्यापैकी सुमारे १२ हजार ३०० कुटुंबांना योजनेचा लाभ मिळाला आहे. त्यामुळे मुलींच्या संगोपनासह त्यांच्या शिक्षणासाठी आर्थिक मदत मिळण्यास हातभार लागत आहे.
Washim News: ‘कोम्बिंग’मध्ये ७ फरार आरोपी जेरबंद; वाशिम पोलिसांनी जिल्ह्यामध्ये राबविली शोधमोहीम
समाजामध्ये मुलींच्या जन्माबाबत सकारात्मक दृष्टिकोन निर्माण करणे, मुलींचे शिक्षण, संगोपन तसेच त्यांना आर्थिकदृष्ट्या सक्षम बनविणे, हा लेक लाडकी योजनेचा प्रमुख उद्देश आहे. आर्थिकदृष्ट्या दुर्बल कुटुंबांतील मुलींना या योजनेमुळे विविध टप्प्यांवर आर्थिक सहाय्य उपलब्ध करून दिले जाते. जिल्ह्यात योजनेबाबत जनजागृती करण्यात आल्यानंतर मोठ्या संख्येने कुटुंबांनी आपल्या मुलींच्या नावाने नोंदणी केली. आतापर्यंत १४ हजार ६२० कुटुंबांनी लाभासाठी नोंदणी केली असून, त्यापैकी १२ हजार ३०० कुटुंबांना प्रत्यक्ष लाभ मिळाला आहे. उर्वरित अर्जाची प्रक्रिया विविध कारणांमुळे सुरू असून आवश्यक कागदपत्रांची पूर्तता झाल्यानंतर पात्र लाभार्थीनाही योजनेचा लाभमिळण्याची अपेक्षा आहे. लेक लाडकी योजनेमुळे मुलींच्या जन्मापासून ते त्यांच्या शिक्षणापर्यंत आर्थिक मदतीचा हात मिळत असल्याने अनेक कुटुंबांना दिलासा मिळत आहे. विशेषतः ग्रामीण आणि आर्थिकदृष्ट्या दुर्बल कुटुंबांसाठी ही योजना महत्त्वपूर्ण ठरत आहे. मुलींच्या शिक्षणामध्ये आर्थिक योजनेच्या अडचणी येऊ नयेत आणि त्यांचे भविष्य अधिक सक्षम व्हावे, या उद्देशाने शासनाने ही योजना सुरू केली. माध्यमातून मुलींच्या जन्माकडे सकारात्मक दृष्टीने पाहण्याची मानसिकता वाढण्यास मदत होत आहे, मुलगा-मुलगी भेदभाव कमी करून मुलींना समान संधी मिळावी, त्यांचे शिक्षण पूर्ण व्हावे आणि त्या स्वावलंबी बनाव्यात आले आहे.
लेक लाडकी योजनेच्या लाभासाठी तालुकास्तरावरून महिला व बालविकास कार्यालयाला प्राप्त झालेले २२४५ अर्जाना मान्यता देऊन आयुक्त कार्यालयाकडे ऑनलाईन पाठविले आल्याचे प्रशासनाकडून सांगण्यात आले.
