रविवार, 1 नोव्हेंबर 2026
Illegal Biodiesel Pump Raid
राज्य दक्षता पथक, मुंबई यांना मिळालेल्या गुप्त माहितीनुसार या कारवाईत २१ लाख ६९ हजार रुपये किमतीचा मुद्देमाल जप्त करण्यात आला. यामध्ये एक मालमोटार ट्रकसह बायोडिझेल सदृश्य पेट्रोलियम द्रव पदार्थाचा साठा जप्त करण्यात आला. तसेच अशोक लेलैंड कंपनीचा ट्रक, भूमिगत लोखंडी टाकी, डिस्पेन्सर युनिट,डिझेल साठा, पाइप व इतर साहित्यही ताब्यात घेण्यात आले. नियंत्रक शिधावाटप व राज्यस्तरीय दक्षता पथकाचे प्रमुख चंद्रकांत डांगे यांच्या मार्गदर्शनाखाली ही कारवाई करण्यात आली.
घटनास्थळावरून अवैधरित्या बायोडिझेलची विक्री व साठवणूक केली जात असल्याचे निदर्शनास आले. या कारवाईत राज्य दक्षता पथकातील उपनियंत्रक शिधावाटप गणेश बेल्लाळे, सहायक नियंत्रक शिधावाटप प्रदीप काळे, जिल्हा पुरवठा अधिकारी रूपेश विजय बिजनावर, मुख्य निरीक्षण अधिकारी नागनाथ हंगरे यांच्यासह शिधावाटप निरीक्षक व पुरवठा विभागाच्या अधिकाऱ्यांनी सहभाग घेतला. अवैध इंधन व गॅस तस्करीविरोधात यापुढेही कठोर कारवाई करण्यात येईल, असा इशारा चंद्रकांत डांगे यांनी दिले.
जप्त करण्यात आलेला बायोडिझेल सदृश्य पेट्रोलियम द्रव पदार्थ नेमका कोटूढून आणण्यात आला, याचा तपास प्रशासनाकडून सुरू आहे, या प्रकरणातील मुख्य सूत्रधार व आरोपीवर जीवनावश्यक वस्तू कायदा अंतर्गत गुन्हा दाखल करण्याची प्रक्रिया सुरू आहे. स्थानिक पोलिस व पुरवठा विभागाकडून पुढील तपास वेगाने करण्यात येत आहे.
