Buldhana Farmer Drought News
बुलढाणा/खामगाव, जिल्ह्यात मान्सूनच्या पावसाचे उशिरा झालेले आगमन, खरीप पेरण्यांना झालेला विलंब, त्यातच बोगस बियाण्यांमुळे शेतकऱ्यांवर दुबार पेरणीचे आलेले संकट जणू काही कमीच होते. त्यात भरीस भर म्हणजे पावसाने तब्बल ४५ ते ५० दिवसांपासून पावसाचा पडलेला खंड शेतकऱ्यांसाठी दुष्काळात तेरावा महिना असाच ठरला आहे. पावसाअभावी ऐन शेंगा वाद्यांनी भरलेले सोयाबीन, उडीद, मग तर कपाशीची खुंटलेली वाढ आणि बोंडांची संख्या पाहता उत्पादनात येणारी संभाव्य घट शेतकऱ्यांच्या आर्थिक अडचणीत वाढ निर्माण करणारी ठरणार असल्याने, लागवड खर्च देखील निघणे कठीण झाले आहे. करपलेली पिके शेतकऱ्यांच्या डोळ्यात अश्रू आणत आहेत. तेव्हा शेतकऱ्यांना या दुष्काळाच्या छायेतून बाहेर काढण्यासाठी सरकारने आर्थिक मदत जाहीर करावी, अशी मागणी विविध संघटनांसह शेतकरीवर्गातून होत आहे.
Buldhana News: शेवगा फाट्यावर कारवाई, ४ लाखांचा मुद्देमाल केला जप्त; नकली नोटांसह चारजण जेरबंद
यंदाचा खरीप हंगाम सुरुवातीपासूनच शेतकऱ्यांसाठी अडचणीचा ठरला. खरीप पेरण्यासाठी शेती मशागतीची कामे जसे की, नांगरणी, वखरपाळी, कल्टीवेटर आणि रोटावेटर करण्याच्या वेळेत जिल्ह्यात डिझेलचा निर्माण झालेला तुटवडा, मशागतीसाठी अतिरिक्त मोजावी लागलेली किंमत आणि जेव्हा खरीप पेरणी योग्य शेती तयार करून शेतकरी पावसाची आतुरतेने मान्सूनच्या आकाशाकडे डोळे लावून वाट बघत होता तर मान्सूनच्या पावसाने देखील हुलकावणी दिली. रोहिणी आणि मृग नक्षत्रात सरासरी बरसणारा पाऊस यंदा ‘अल निनोचा’ प्रभावामुळे उशिराने दाखल झाला. परिणामी खरीप प्रेरणांना झालेला विलंब, त्यातच दुबार पेरणीचे ओढविलेले संकट या सर्वांचा सामना करीत पेरणी करून बसलेल्या शेतकऱ्यांना पुन्हा एकदा निसर्गाच्या लहरीलपणाचा प्रत्यय आला.
पेरणीनंतर अधून मधून आलेल्या सरींवर सोयाबीन, उडीद, मूग, तूर, मका आणि कपाशीचे पीक जोमात बहरले होते. जेव्हा पिके फुलधारणा होऊन पापडी आणि शेंगांच्या अवस्थेत असताना पावसाने दिलेली उघड, त्यातच किडींचा वाढता प्रादुर्भाव किड नियंत्रणासाठी महागड्या औषधांची झालेली फवारणी आणि गेल्या ४५ ते ५० दिवसांपासून पावसाने दिलेली उघडीप खरीप सोयाबीन, उडीद, मूग, कपाशीचे पीक पपड़ी, शेंगा गळून पडण्यासह करपू लागल्याने शेतकऱ्यांवर लागवड खर्च देखील निघणार नसल्याने संकटच कोसळले आहे. दुष्काळाच्या छायेत असलेल्या शेतकऱ्यांना शासनाने आर्थिक मदतीचा हात द्यावा, ही अपेक्षा शेतकऱ्यांकडून व्यक्त होत आहे.
वाडीचे, शेतकरी तेजराव मनस्कार म्हणाले की, ८ जुलै, ऑगस्ट, सप्टेंबर या तीन महिन्यात पाऊस अत्यंत कमी पडल्याने खरीप हंगाम धोक्यात आला आहे. सोयाबीनचे उत्पन्न आजब कमी झाले आहे. कपाशी, तुरीची वाढ झाली नाही. त्यामुळे कापूस आणि तुरीचे उत्पन्न होत नाही, केलेला खर्च सुद्धा यावर्षी निघणार नाही.
कोदरखेडचे, शेतकरी संदीप पाटील म्हणाले की, कर्जमाफीच्या पौषणा होतात. मात्र अटी-निकषांमुळे अनेक शेतकरी त्यापासून वंचित राहतात. यंदा पावसाअभावी मोठे नुकसान झाले आहे. कोरडा दुष्काळ जाहीर करून कर्जमाफीसह पीक नुकसानीची भरीय भरपाई मिळणे गरजेचे आहे.
Washim News: पैसे कमावण्याचा उद्देश, अश्लील क्यूआर; तिघांना अटक, एलसीबी अन् वाशिम पोलिसांची कारवाई
.png "Videos"){kind=small}
