खडकपूर्णा प्रकल्पात ७ टक्केच जलसाठा; बुलढाणा जिल्ह्यात मोजक्याच प्रकल्पांतच पुरेसा साठा, पेयजल अन् सिंचनाची चिंता वाढली

Buldhana Water Storage: बुलढाणा जिल्ह्यात यंदा पावसाने मोठी दडी मारल्याने सरासरी पर्जन्यमान गाठले गेले नाही, परिणामी खरीप पिके करपून जिल्ह्यात दुष्काळसदृश परिस्थिती निर्माण झाली आहे.

• बुलढाण्यात पाण्याचं संकट गडद
• खडकपूर्णा प्रकल्पात फक्त ७ टक्के जलसाठा
• सिंचनासह पेयजलाची चिंता

बुलढाणा: यावर्षी पावसाने मोठी दडी मारल्याने पर्जन्यमानाची सरासरी पातळी गाठली न गेल्याचा विपरित परिणाम सर्वच स्तरावर भेडसावत आहे. वेळेवर व पुरेसा पाऊस न झाल्याने खरिपाची पिके करपल्यामुळे जिल्ह्यात स्थिती दुष्काळसदृश निर्माण झाली. पावसाअभावी शेतीला सिंचनासाठी पर्याय ठरणाऱ्या जिल्ह्यातील मोठ्या, मध्यम व प्रकल्पांतील स्थिती लघुपाटबंधारे जलसाठ्यांची समाधानकारक नसल्याचे गुरुवारच्या जलसंपदा विभागाच्या अहवालावरून दिसून येते. जिल्ह्यातील मोजक्याच प्रकल्पांतच पुरेसा तर अन्य प्रकल्पांत अगदीच अत्यल्प जलसाठा आहे.

वाशिममध्ये मनसेचा आक्रोश मोर्चा, दुष्काळ घोषित न केल्यास शेतकऱ्यांसाठी रस्त्यावर उतरण्याचा इशारा; जिल्हाधिकारी कार्यालयावर धडक

नळगंगा, पेनटाकळी व खडकपूर्णा हे तीन मोठे जलसंपदा प्रकल्प असून, यापैकी खडकपूर्णा जलसंपदा प्रकल्पातील जलसाठ्याची स्थिती यावर्षी अतिशय चिंताजनक दिसत आहे. खडकपूर्णाचा प्रकल्पीय संकल्पित जलसाठा हा ९३.४० द.ल.घ.मी. एवढा अपेक्षित असताना आजघडीला केवळ ६.९ द.ल.घ.मी.इतका म्हणजेच प्रकल्प क्षमतेच्या केवळ ७.४४ टक्के इतकाच अत्यल्प जलसाठा आहे. यामुळे खडकपूर्णा प्रकल्पावर अवलंबून असलेले कालवे, उपसा सिंचन, पेयजल पुरवठा योजना आदींसमोर मोठे संकट उभे राहिले आहे. खडकपूर्णा प्रकल्प क्षेत्रात यावर्षी ३४८मी.मी. पावसाची नोंद झाली आहे.

प्रकल्प क्षेत्रातील पर्जन्यमान

जलसंपदा विभागाच्या नोंदीनुसार, जिल्ह्यातील मोठ्या व मध्यम प्रकल्पांच्या क्षेत्रात यावर्षी झालेला पाऊस मिलीमिटरमध्ये असा नौदला गेला. नळगंगा ३२० मी.मी., खडकपूर्णा ३४८, पेनटाकळी ६५६, पलढग २९१, ज्ञानगंगा ३७७, कोराडी ६९३, उतावली ३२१, मस ३४५, तोरणा २५८. मन २५८ मी.मी. यानुसार यावर्षी प्रकल्प क्षेत्रात पाऊस झाला.

Konkan Ganpati Visarjan: ‘गणपती बाप्पा मोरया… पुढच्या वर्षी लवकर या’; कोकणात बाप्पाला भक्तिमय निरोप