Buldhana News: ‘पेनगंगा’ च्या गाळप हंगाम पूर्वतयारीचा आरंभ; बुलढाणा अर्बन पेनगंगा साखर कारखान्याच्या पाठीशी – चांडक

Buldhana Urban Painganga Sugar Factory : पेनगंगा साखर कारखान्याच्या प्रगतीचा आलेख उंचावत असून, बुलढाणा अर्बनचे पाठबळ सार्थकी लागत असल्याचा आनंद असल्याचे संस्थापक राधेश्याम चांडक यांनी सांगितले.

• ‘पेनगंगा’ च्या गाळप हंगाम पूर्वतयारीचा आरंभ
• ३ लाख ११ हजार मेट्रिक टन गाळपाचे उद्दिष्ट
• रोजगार निर्मितीचे उद्दिष्ट समोर ठेवून पेनगंगाची निर्मिती

बुलढाणा: पेनगंगा साखर कारखान्याच्या प्रगतीचा आलेख दिवसेंदिवस उंचावत आहे. बुलढाणा अर्बनने दिलेले पाठबळ सार्थकी लागत असल्याचा मनस्वी आनंद होत आहे. बुलढाणा जिल्ह्याचा विकास आणि शेतकरी आणि कामगारांच्या हितासाठी कार्यरत असलेल्या या कारखान्याच्या पाठीशी आपण भक्कमपणे उभे आहोत, असे प्रतिपादन बुलढाणा अर्बनचे संस्थापक राधेश्याम चांडक यांनी केले. पेनगंगा साखर कारखाना प्रा. लि. येथे गाळप हंगाम २०२६-२७ च्या पूर्वतयारीचा शुभारंभ व मिल न रोलर पूजन सोहळा बुधवारी राधेश्याम चांडक यांच्या हस्ते पार पडला, यावेळी ते बोलत होते. यावेळी कडू काळे, कमलेश संचेती, आजिनाथ हजारे, शेषराव जायभाये, डॉ. शिवकुमार गोरे, अभिनाथ शिंदे, व्यंकटेश देशमुख, सीए प्रजापती, पूजा गुंजाळ यांची प्रमुख उपस्थिती होती.

धडक कारवाई; दुसरबीड, बीबी, सुलतानपूरमधील अतिक्रमिकांना प्राथमिक नोटीस, महामार्गालगतच्या अतिक्रमणांवर प्रशासनाचा हातोडा

यावेळी बोलताना संचालक अनिल गुंजाळ यांनी भाईजींनी जिल्ह्याच्या विकासासाठी पाहिलेले औद्योगिक विकासाचे स्वप्न, शेतकरी हित तसेच तरुण वर्गासाठी रोजगार निर्मितीचे उद्दिष्ट डोळ्यासमोर ठेवून पेनगंगा साखर कारखान्याच्या माध्यमातून अविरत प्रयत्न सुरू राहतील, असा विश्वास व्यक्त केला. आगामी गाळप हंगामासाठी यंत्रसामग्री, मिल, बॉयलर व उत्पादन विभागाची तयारी तसेच शेतकी विभागामार्फत ऊस तोडणी-वाहतूक व्यवस्थेचे नियोजन पूर्णत्वास आले असून सुरळीत व कार्यक्षम गाळप हंगामासाठी कारखाना सज्ज असल्याची माहितीही त्यांनी दिली. कार्यक्रमात प्रसिद्ध व्याख्याते जयवंत आवटे यांनी ‘जाऊ आनंदाच्या गावा’ या विषयावरील व्याख्यानातून त्यांनी कामावर प्रेम करावे आणि संस्थेप्रती निष्ठा ठेवावी, असा संदेश दिला.

३ लाख ११ हजार मेट्रिक टन गाळपाचे उद्दिष्ट

पेनगंगा साखर कारखान्याने आगामी गाळप हंगामात ३ लाख ११ हजार मे. टन गाळपाचे उद्दिष्ट निश्चित केले, त्यासाठी ऊस उपलब्धता, तोडणी वाहतूक व्यवस्था आणि कारखान्याची तांत्रिक क्षमतेचे नियोजन करण्यात आहे.

Washim News: कर्जमुक्तीचा दुसरा टप्पा; तब्बल १७ हजार शेतकऱ्यांना मिळाला १५० कोटींचा लाभ, ७, ४०४ आधार प्रमाणीकरण बाकी