Buldhana: उपकार केल्यासारखी भाषा करू नका! नवनाथ बन यांना तुपकरांचे प्रतिउत्तर; शेतकऱ्याच्या बांधावर अधिवेशन घेण्याची मागणी

Ravikant Tupkar on Navnath Ban on Farmer Financial Aid: दिवाळीपूर्वीच्या ५ हजारांच्या मदतीवरून रविकांत तुपकरांनी भाजप प्रवक्ते नवनाथ बन यांच्यावर पलटवार केला. ही जनतेच्या कराची रक्कम असून शेतकऱ्यांवर उपकार केल्यासारखी भाषा करू नका, असा टोला त्यांनी लगावला.

• दिवाळीच्या ५ हजारांच्या मदतीवरून तुपकर संतापले
• नवनाथ बन यांच्या वक्तव्याला चोख प्रत्युत्तर
• शेताच्या बांधावर अधिवेशनाची मागणी

बुलढाणा: शेतकऱ्यांना दिवाळीपूर्वी देण्यात येणाऱ्या ५ हजार रुपयांच्या मदतीवरून सरकारचा उदो उदो करणाऱ्या भाजपचे मुख्य प्रवक्ते नवनाथ बन यांनी केलेल्या टिकेला शेतकरी नेते रविकांत तुपकर यांनी आक्रमक प्रतिउत्तर दिले आहे. शेतकऱ्यांना दिलेले ५ हजार रुपये काय तुम्ही स्वतःच शेत विकून दिले आहेत का? असा सवाल करीत ते जनतेच्या कराचे पैसे आहेत. त्यामुळे उपकार केल्यासारखे भाषा करू नका. आम्ही भिकारी नाही, तुमचे पाच हजार रुपयाची मदत तुम्हालाच ठेवा. अशा शब्दात तुपकरांनी सरकारच्या भूमिकेवर आणि नवनाथ बन यांच्या वक्तव्यावर जोरदार प्रतिहल्ला चढवला आहे. (Buldhana)

सावधान! दोनदा चूक केली तर दंड, तिसऱ्यांदा थेट…; Pune शहरात पाणी वापराबाबत कठोर नियम

त्याआधी नवनाथ बन यांनी शेतकरी नेते तुपकर यांच्या सरकारवरील टीकेला प्रत्युत्तर देत आमच्या सरकारने शेतकऱ्यांना सार्वधिक मदत दिल्याचा दावा करीत तूपकरांना सरकारला सहकार्य करण्याचे आवाहन केले होते. तूपकर म्हणाले की, महाराष्ट्रातील जनता कर भरते आणि त्याच पैशातून सरकार शेतकऱ्यांना मदत करते. त्यामुळे मदतीचे निर्णय घेताना सरकारने शेतकऱ्यांवर उपकार केल्याचा आव आणू नये.

एकीकडे दुष्काळाने नैसर्गिक संकटांनी शेतकरी उध्वस्त होत असताना दुसरीकडे सरकारकडे इतर खर्चासाठी कोट्यावधी रुपये उपलब्ध असतात. मग शेतकऱ्यांना भरीव मदत देण्याची वेळ आली की पैशांचा प्रश्न का उपस्थित, असा सवाल त्यांनी केला.

व्हीआयपीच्या गाड्यांसाठी पैसा कुठून येतो

सरकारच्या खर्चावर प्रश्नचिन्ह उपस्थित करतांना तुपकरांनी व्हीआयपी साठी गाड्या खरेदी करण्याच्या मुद्दयावरून ही सरकारला धारेवर धरले, व्हीआयपीच्या गाड्यांसाठी साडेबारा कोटी रुपये खर्च करण्याची तयारी असते, तर संकटात सापडलेल्या शेतकऱ्यांसाठी पुरेसा निधी उपलब्ध करून देताना अडचणी, असा सवाल त्यांनी उपस्थित केला

नागपूर-मुंबई नाही शेताच्या बांधावर अधिवेशन घ्या

तू कर आणि हिवाळी अधिवेशनाच्या आयोजनावरूनही आपली भूमिका स्पष्ट केली. शेतकरी संकटात असताना नागपुर किंवा मुंबईत सरकारी खर्चाने अधिवेशन घेण्याऐवजी थेट शेताच्या बांधावर अधिवेशन घ्यावे, अशी मागणी त्यांनी केली.

Mumbai BMC Bonus : मुंबई महापालिकेत बोनसवरून वाद; भाजप-शिवसेनेचा प्रशासनावर अंकुश नसल्याचा अश्रफ आझमींचा आरोप!