बुधवार, 4 नोव्हेंबर 2026
Buldhana Drought Relief
मदत व पुनर्वसन विभागाने जिल्ह्यात मार्च तसेच जून व जुलै या कालावधीत अवकाळी पाऊस, अतिवृष्टी आणि पूरपरिस्थितीमुळे शेतजमीन व पिकांचे नुकसान झालेल्या बाधित शेतकऱ्यांसाठी २ नोव्हेंबर रोजी ३ शासन निर्णय निर्गमित केले आहे. शासन निर्णयानुसार जिल्ह्यातील १ लाख ३५ हजार २४० शेतकऱ्यांच्या १ लाख ३५ हजार ८५४.२३ हेक्टर बाधित क्षेत्रासाठी १२५ कोटी ४४ लाख ५८ हजार रुपयांची मदत जाहीर केली आहे. मार्चमध्ये जिल्ह्यात झालेल्या अवकाळी पावसामुळे शेतीपिकांचे नुकसान झालेल्या १ हजार ३०६ शेतकऱ्यांच्या ९२८ हेक्टर बाधित क्षेत्रासाठी १ कोटी ५८ लाख ९ हजार रुपयांचा निधी मंजूर करण्यात आला आहे.
जूनमध्ये अतिवृष्टी व पूर परिस्थितीमुळे शेत जमिनीच्या नुकसानीपोटी २८२ शेतकऱ्यांच्या ४८.६४ हेक्टर बाधित क्षेत्रासाठी ८ लाख ७६ हजार रुपयांची मदत मंजूर करण्यात आली आहे. जुलैमध्ये अतिवृष्टी व पूर परिस्थितीमुळे शेत जमिनीच्या नुकसानीसाठी ६ हजार ४६५ बाधित शेतकऱ्यांच्या २ हजार ३८२.८७ हेक्टर क्षेत्रासाठी १० कोटी ७७ लाख ७० हजार रुपयांची मदत मंजूर करण्यात आली आहे. तसेच जुलैमध्ये अतिवृष्टीमुळे झालेल्या नुकसानीसाठी १ लाख २७ हजार १८७ शेतकऱ्यांच्या १ लाख ३२ हजार ४९४.७२ हेक्टर बाधित क्षेत्राकरिता ११३ कोटी ३ हजार रुपयांचा निधी मंजूर करण्यात आला आहे.
मंजूर निधी संबंधित नैसर्गिक आपत्तीमुळे झालेल्या नुकसानीसाठीच खर्च करण्याचे निर्देश देण्यात आले आहेत. मदत वितरणाची कार्यवाही पूर्ण झाल्यानंतर लाभार्थ्यांची यादी व मदतीचा तपशील जिल्ह्याच्या संकेतस्थळावर प्रसिद्ध करण्यात येणार आहे. तसेच यापूर्वी वितरित केलेल्या मदतीची बँकांकडून कर्जवसुलीसाठी वळती करण्यात येऊ नये, यासाठीही आवश्यक दक्षता घेण्याचे निर्देश देण्यात आले आहेत.
मदत्त वितरण करताना यापूर्वी त्याच हंगामात वितरित करण्यात आलेल्या मदतीची पुनरावृत्ती होणार नाही, याची दक्षता घेण्याचे निर्देश शासनाने दिले आहेत. तसेच एकाच हंगामात एकाच नुकसानीसाठी विहित दरानेच मदत देण्यात यावी, लाभाथ्यांना कोणतीही अडचण येऊ नये आणि मदत वितरणाची प्रक्रिया पारदर्शकपणे पूर्ण करावी, असेही निर्देश आहेत.
शासन निर्णयानुसार मंजूर करण्यात आलेला निधी उपलब्ध तरतुदीतून वितरित करण्याची कार्यवाही करण्यात येणार आहे. पात्र शेतकऱ्यांची माहिती विहित नमुन्यात संकलित करून संगणकीय प्रणालीवर अपलोड करण्यात येईल. त्यानंतर डीबीटी प्रणालीद्वारे मदतीची रक्कम थेट लाभार्थी शेतकऱ्यांच्या बँक खात्यात जमा करण्यात येणार आहे.
Ans: शासनाने नुकसानग्रस्त शेतकऱ्यांसाठी एकूण १२५ कोटी ४४ लाख ५८ हजार रुपयांचा निधी मंजूर केला आहे.
Ans: बुलढाणा जिल्ह्यातील १ लाख ३५ हजार २४० शेतकऱ्यांना या मदतीचा लाभ मिळणार आहे.
Ans: मार्चमधील अवकाळी पाऊस तसेच जून- जुलैमधील अतिवृष्टी आणि पूरपरिस्थितीमुळे नुकसान झालेल्या शेतकऱ्यांना मदत मिळणार आहे.
