Chandrapur News: चंद्रपूर-ब्रह्मपुरीत उष्णतेचा कहर; तापमान 47 अंशांच्या पार, नागरिक हैराण

चंद्रपूर आणि ब्रह्मपुरी येथे वाढत्या उष्णतेने नागरिकांचे जनजीवन अक्षरशः विस्कळीत झाले आहे. सलग दोन दिवस 46 ते 47 अंशांदरम्यान तापमान नोंदवले गेल्याने विदर्भात उष्णतेचा कहर पाहायला मिळत आहे.

• ब्रह्मपुरी येथे 47.1 अंश सेल्सिअस तापमानाची नोंद होत विदर्भातील सर्वात उष्ण शहर ठरले.
• वाढत्या उष्णतेमुळे एसी आणि कूलरही प्रभावी ठरत नसल्याने नागरिक हैराण झाले आहेत.
• सिमेंट रस्ते आणि वृक्षांच्या अभावामुळे उष्णतेची तीव्रता वाढत असल्याची नागरिकांची तक्रार आहे.

चंद्रपूर जिल्हा हा तापमानाच्या बाबतीत आंतरराष्ट्रीय स्तरावर प्रसिद्ध आहे. याचा परिचय बुधवारी व गुरुवारी नोंदविलेल्या उच्च तापमानाने हे पुन्हा सिद्ध झाले. बुधवारी चंद्रपूरमध्ये तापमान ४६.२ अंश सेल्सिअस तर ब्रह्मपुरीत ४६.६ अंश नोंदवले. दुसऱ्या दिवशी तापमानाची लाट कायम राहिल्याने ब्रह्मपुरीत ४७.१ अंश तर चंद्रपूरमध्ये ४६.८ अंश सेल्सिअस तापमान नोंदवले. त्यामुळे ब्रह्मपुरी गुरुवारी विदर्भातील सर्वात उष्णतेचे शहर होते.

Bandra Demolition : वांद्र्यात तोडक कारवाईचा चौथा दिवस; 90% झोपड्या जमीनदोस्त, आज पोलीस हायअलर्टवर

भारतीय हवामान विभागाने गुरुवारी जिल्ह्यासाठी येलो अलर्ट जारी केला होता. हवामान विभागाने २० ते २४ मेपर्यंत जिल्ह्यात उष्णतेची लाट येईल असा इशारा आधीच दिला होता. बुधवारी आणि गुरुवारी चंद्रपूर व ब्रह्मपुरी या दोन्ही हवामान केंद्रांवर ४६ अंशांपेक्षा जास्त तापमान नोंदवले गेले. या काळात नागरिकांना बाहेर पडताना मोठा त्रास सहन करावा लागला, तर शहरातील रस्ते दुपारी दिवसांपासून पूर्णपणे सुनसान राहिले. (फोटो सौजन्य – Pinterest)

वाढत्या उष्णतेमुळे जनजीवनावर आणि आरोग्यावरही परिणाम होत आहे. पुढील दोन दिवस उष्णतेची लाट कायम राहणार असल्यामुळे प्रशासनाने नागरिकांना सतर्क राहण्याचे आवाहन केले. तसेच जिल्ह्यातील नगारिक त्रस्त झाले आहे. तामपान वाढल्यामुळे नागरिकांच्या आरोग्यावरही परिणाम होत आहे. वीजपुरवठा खंडीत होत असल्यामुळे नागरिकांना मनस्ताप सहन कारावे लागत आहे.

एसी, कूलर झाले निकामी

मागील महिनाभरापासून चंद्रपूर जिल्ह्यातील उष्णतेने नागरिकांचे जीवन कठीण केले आहे. गेल्या दोन दिवसात तापमान ४६ अंश सेल्सिअसच्या पातळीवर पोहोचल्यामुळे एसी आणि कूलरही प्रभावी काम करीत नाही. परिणामी नागरिकांना विविध अडचणींचा सामना करावा लागत आहे. दिवसभर थंड पेये घेणे, घरातच राहणे आणि आरोग्याची विशेष काळजी घेणे यासारख्या उपाययोजना नागरिकांसाठी आवश्यक ठरल्या आहे. वाढत्या उष्णतेमुळे नागरिकांच्या दैनंदिन कामकाजावरही परिणाम होत आहे.

Maharashtra Weather: उकाड्यानंतर पावसाची हजेरी; मुंबई उपनगरात रिमझिम पावसाने वातावरण आल्हाददायक

शाश्वत उपाययोजनांची गरज

दिवसेंदिवस वाढत चाललेले तापमान हे चंद्रपूरकरांसाठी डोकेदुखी ठरत आहे. शासन प्रशासनाने वाढत्या तापमानासाठी शासनाकडून शाश्वत उपाययोजना करण्याची आवश्यकता असल्याचे नागरिकांकडून बोलेले जात आहे. शहरात व जिल्ह्यातील नव्याने बांधण्यात आलेल्या सिमेंट क्राँक्रेटच्या रस्त्याच्याकडेला वृक्षांचा अभाव आहे. त्यामुळे प्रवास करताना अनेकांना उष्णतेच्या झळा सहन करावा लागत आहे. प्रशासनाने या बाबींकडे लक्ष देऊन सिमेंट क्राँक्रेट रस्त्यांच्याकडेला झाडे लावण्याची मागणी नागरिकांकडून जोर धरू अशी लागलेली आहे.