सोमवार, 5 ऑक्टोबर 2026
Jalgaon News: (फोटो सौजन्य- सोशलमीडिया)
कर्जामुळे शेतकऱ्यांनी आत्महत्या केल्यास बँकांना जबाबदार धरण्यात येणार असल्याची माहिती दुष्काळ निवारण उपसमिती अध्यक्ष तथा महसूलमंत्री चंद्रशेखर बावनकुळे यांनी दिली. ते जिल्ह्यात दुष्काळी परिस्थितीची पाहणी करण्यासाठी रविवारी, आले होते. Jalgaon News:
चारा टंचाई, पावसाळ्यात वाहून जाणारे पाणी अडविण्याबाबत उपाययोजना आगामी काळात करण्यात येणार असल्याचे त्यांनी स्पष्ट केले. जिल्ह्यात चार महिने पुरेल एवढाच जनावरांसाठीचा चारा शिल्लक असून, त्यासाठी राबविण्यात येणाऱ्या उपाययोजनांबाबत त्यांनी माहिती दिली.
यावेळी केंद्रीय राज्यमंत्री रक्षा खडसे, पालकमंत्री गुलाबराव पाटील, मंत्री गिरीश महाजन व संजय सावकारे, खासदार स्मिता वाघ, आमदार सुरेश भोळे, मंगेश चव्हाण, अनिल पाटील, अमोल जावळे, नंदकिशोर महाजन, किशोर पाटील व चंद्रकांत पाटील, जिल्हाधिकारी रोहन घुगे, पोलीस अधीक्षक श्रीकांत धिवरे, सीईओ करिश्मा नायर हजर होते.
शेतकरी, महिला व बेरोजगारांना रोजगारासाठी योजना लवकरच अमलात येणार आहे. पीक विमा शेतकऱ्यांना मिळण्यासाठी प्रयत्न सुरू आहेत. पीक पेरा, शेत रस्ता याबाबतच्या अडचणी सोडविल्या जातील. जिल्हा नियोजन समितीचा सर्व निधी दुष्काळावर खर्च होणार असल्याचे त्यांनी सांगितले. एक हजार ट्रान्सफॉर्मर उपलब्ध करण्यात येणार असल्याचे मंत्री बावनकुळे यांनी म्हटले आहे.
एकनाथ खडसेंच्या फार्महाऊसवर ड्रोनद्वारे रेकी! पोलिसांकडे तक्रार; घटना कॅमेऱ्यात कैद
शेतकऱ्यांच्या वीज पंप आणि विद्युत , तारा, केबल, ट्रान्सफॉर्मर यांची चोरी 5 करणाऱ्या गुन्हेगारावर मोक्का अंतर्गत कारवाई करण्याचे निर्देश दिले. दुष्काळी परिस्थितीत कोणतेही आर्थिक नुकसान शेतकऱ्यांचे होणार नाही, यासाठी प्रशासनाने पूर्णपणे खबरदारी त घेण्याचे आवाहन त्यानी केले.
Jalgaon News: यावलकरांसाठी मोठी बातमी! ५६ कोटींची पाणीपुरवठा योजना प्रगतीपथावर, ५० टक्के काम पूर्ण
जिल्ह्यातील रावेर, यावल, रावेर तालुक्यातील अवैध सावकारीबाबत मोठ्या प्रमाणात तक्रारी प्राप्त झाल्या आहेत. अशा अवैध सावकारी करून कुणी नागरिकांची पिळवणूक करीत असेल तर त्यांच्याविरोधात गुन्हे दाखल केले जातील. अवैध सावकारी करणा-यांबाबत शासनाकडे तक्रार करा. त्यांचे कंबरडे मोडू, अशी ग्वाही महसूलमंत्री बावनकुळे यांनी दिली. ते कुटुंबांना अडचणीत आणतात. त्यांना अडचणीत आणले पाहिजे, ४० निवेदने सावकारीबाबत प्राप्त झाल्याचे महसूलमंत्री बावनकुळे यांनी सांगितले.
