बनावट मुखत्यारपत्राआधारे शेतीची विक्री! उपनिबंधकांची फसवणूक
प्रकरणात सह दुय्यम निबंधक जगदिश विष्णूपंथ रोजेकर (५४) यांनी फिर्याद दिली. सह दुय्यम निबंधक क्र. ३ कार्यालयात ७ मार्च रोजी दस्त नोंदणी क्रमांक ३३९४/२०२६ नोंदविण्यात आला होता. या दस्तानुसार शेकटा, ता. पैठण येथील गट क्रमांक १०९ व ११० मधील एकूण १ हेक्टर २० आर शेतजमीन सुमारे १५ लाख ३० हजार रुपयांना विक्री करण्यात आली. या व्यवहारात हबीब सालेह हबीब अहमद याने स्वतःला जमीनमालक प्रशांत प्रभाकर पारगावकर यांचा अधिकृत मुखत्यार म्हणून सादर केले होते.
दस्तासोबत जोडण्यात आलेले कुलमुखत्यारपत्र (दस्त क्र. २५३८/२०२५) संशयास्पद वाटल्याने त्याची चौकशी करण्यात आली. तेव्हा संबंधित क्रमांकावर दुसऱ्याच व्यक्तीचा दस्त नोंदणीकृत आहे. यावरून सादर केलेले मुखत्यारपत्र बनावट असल्याचे समोर आले.
आरोपीना संबंधित कागदपत्रे बनावट असल्याची पूर्ण कल्पना प्रक्रियेदरम्यान खोटे विधान व कबुलीजबाब देत उपनिबंधकांची दिशाभूल करण्यात आली. आवश्यक आणि अनिवार्य कागदपत्र असतानाही त्यांनी ती खरी असल्याचे भासविले. नोंदणी म्हणून मुखत्यारपत्र सादर करून संपूर्ण व्यवहार वैध असल्याचा आभास निर्माण करण्यात आला.
