फोटो सौजन्य सोशल मिडिया
Sambhajinagar News : छत्रपत्ती संभाजीनगर शहरातील नो-नेटवर्क भागाला पाणी देण्याच्या कामाला आता वेग आला’ असून जलकुंभांच्या चाचण्या, स्वच्छता तसेच अंतर्गत जलवाहिन्यांची जोडणी सुरू करण्यात आली आहे. महिनाभरात टप्प्याटप्याने या भागातील पाणीपुरवठा सुरू करण्याचे नियोजन देण्यात आले आहे. येत्या दिवाळीच्या पार्श्वभूमीवर नागरिकांना पाण्याचा दिलासा देण्यासाठी कंत्राटदारांना आणि कंपनीला मनुष्यबळ वाढविण्याच्या सूचना देण्यात आल्या आहेत.
छत्रपत्ती संभाजीनगर शहरासाठी २ हजार ७४० कोटी रुपये खर्चाची नवीन पाणीपुरवठा योजना राबविण्यात येत आहे. योजनेचे काम अंतिम टप्प्यात आले असून, १ हजार ५०० मिलिमीटर व्यासाच्या जलवाहिनीतून सिडको-हडको भागाला पाणीपुरवठा सुरू झाला आहे. तसेच २ हजार मिलिमीटर व्यासाच्या जलवाहिनीतून शहरातील विविध भागांना पाणी दिले जात आहे.
Ulhas River: उल्हास नदीतील गढूळता वाढली; बदलापूर-अंबरनाथमध्ये …
नो-नेटवर्क भागातील वितरण व्यवस्था कार्यान्वित करण्यासाठी जलकुंभनिहाय नियोजन करण्यात आले आहे. सातारा-देवळाई, मिसारवाडी, पिसादेवी रोड, मिटमिटा, सुंदरवाडी यासह अन्य भागांना या योजनेतून पाणी मिळणार आहे. जलकुंभांच्या चाचण्या सुरू असून, जलकुंभांशी जोडलेल्या अंतर्गत जलवाहिन्यांची जोडणी आणि स्वच्छतेची कामे हाती घेण्यात आली आहेत. ही कामे पूर्ण झाल्यानंतर संबंधित जलकुंभातून त्या-त्या भागात टप्प्याटप्प्याने पाणी सोडण्यात येणार आहे. वितरण व्यवस्थेतील ही कामे वेळेत पूर्ण करण्यासाठी कंत्राटदार कंपनीला अतिरिक्त मनुष्यबळ लावण्याचे निर्देश देण्यात आले आहेत.
.png "Videos"){kind=small}
