महाराष्ट्राचे माजी मुख्यमंत्री आणि शिवसेना पक्षप्रमुख उद्धव ठाकरे (Udhhav Thackeray) यांचा आज ६२ वा वाढदिवस आहे. एकीकडे उद्धव ठाकरे मुलाखतीच्या माध्यमातून टीका करत आहेत तर मुख्यमंत्री एकनाथ शिंदे त्यांना वाढदिवसाच्य शुभेच्धा देताना दिसत आहे. (CM Eknath shinde Birthday Wishesh To Uddhav Thackeray ) माजी मुख्यमंत्री उद्धवजी ठाकरे निरोगी दीर्घायुष्य लाभो अशी आई जगदंबेचरणी प्रार्थना असं ट्विट करत त्यांचे अभिष्टचिंतन केले आहे.
महाराष्ट्राचे माजी मुख्यमंत्री माननीय श्री.उद्धवजी ठाकरे यांना वाढदिवसाच्या हार्दिक शुभेच्छा. त्यांना निरोगी दीर्घायुष्य लाभो हीच आई जगदंबेच्या चरणी प्रार्थना…. — Eknath Shinde – एकनाथ शिंदे (@mieknathshinde) July 27, 2022
संजय राऊत (Sanjay Raut) यांनी उद्धव ठाकरे यांच्या घेतलेल्या मुलाखतीचा दुसरा भाग आज प्रसारित झाला. यात उद्धव ठाकरे यांनी एकनाथ शिंदेंवर जोरदार हल्लाबोल केला आहे. कालच्या भागातही त्यांनी शिंदे आणि बंडखोरांवर टीका केली होती. त्यामुळं आज उद्धव ठाकरे यांच्या वाढदिवसाला शिंदे नेमकं कशा शुभेच्छा देतात,याकडे लक्ष लागून होतं. उद्धव ठाकरे यांनी आजच्या मुलाखतीत म्हटलं आहे की, ‘प्रत्येकाच्या पापाचा घडा भरत असतो. भाजपवाल्यांनो, सावधान… उद्या हे महाशय स्वत:ला नरेंद्रभाई मोदी समजतील आणि पंतप्रधानपदावर दावा सांगतील. शेवटी लालसा, अशी घाणेरडी असते ना! ही चटक आहे, अशा शब्दात ठाकरेंनी शिंदेंवर टीका केली आहे. आता या टीकेला शिंदे नेमकं काय उत्तर देतात याकडे लक्ष लागून आहे.
