शनिवार, 24 ऑक्टोबर 2026
मु्ख्यमंत्री- उपमुख्यमंत्र्यांचे माणसे माझ्यावर हल्ल्याच्या तयारीत...; जरांगे पाटलांचा पुन्हा हल्लाबोल
एका पत्रकार परिषदेत बोलताना त्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यवर गंभीर आरोप केले आहेत. मनोज जरांगे पाटील यांनी शिवसेना-भाजपवर ५०० कोटींचे आरोप केल्यामुळे राज्यातच नव्हे तर संपूर्ण देशात एकच खळबळ उडाली आहे. त्यातच त्यांनी ५०० कोटींच्या ऑडिओ क्लिपमुळे त्यात अधिकच भर पडली आहे. जरांगे पाटील यांच्या या आरोपांना भाजप आणि शिंदे गटाच्या नेत्यांकडून जरांगे पाटील यांना सातत्याने लक्ष्य केलं जात आहे. हे प्रकरण अजून ताजे असतानाच मनोज जरांगे पाटील यांनी पुन्हा एकदा गंभीर आरोप करत खळबळ उडवून दिली आहे.
यावेळी बोलताना जरांगे पाटील म्हणाले की, हा खूप मोठा विषय आहे. मी माझा जीव धोक्यात घालून हे सर्व उघड केलं आहे. त्या लोकांचं नेटवर्क खूप मोठं आहे. माझ्या घरावर केव्हाही हल्ला होऊ शकतो. मी दिलेली ऑडिओ क्लिप मी सादर करण्याच्या आघीच व्हायरल झाली होती. शिंदे गटाचे नेते रामदास कदम यांनीच ती व्हायरल केली आहे. त्यामुळे आधी रामदास कदमांचीच चौकशी करावी, मी क्लिप दिल्यावर त्या सोर्सची सगळी हमी आणिजबाबदारी, मुख्यमंत्री फडणवीस आणि उपमुख्यमंत्री शिंदे यांनी घ्यावी, याबाबत मला फडणवीस आणि एकनाथ शिंदेंवर विश्वास आहे. असही जरांगे पाटील यांनी म्हटलं आहे,
ती क्लिप एआय जनरेटेड असल्याचा आरोप करणाऱ्यांनाही उत्तर देत जरांगे पाटील म्हणाले की, ती क्लिप ओरिजनल असल्याची खात्री सर्वांनाच आहे, ती क्लिप एआय जनरेटेर असल्याचा आरोपही केला जात आहे. पण ती ऑडिओ क्लिप खरी असल्याची सर्वांनाच खात्री आहे.
जरांगे पाटील यांनी यावेळी खासदार श्रीकांत शिंदे यांच्यावरही निशाणा साधला आहे. 500 कोटींच्या क्लिपसंदर्भात एकनाथ शिंदेंनी त्यांचे उत्तर दिले आहे. पण आता श्रीकांत शिंदेनी बोलायचे की नाही, हा त्यांचा अधिकार आहे. यात त्यांची चूक नाही, तर ते गप्प कसे बसतील. असा टोलाही त्यांनी लगावला.
Ans: त्यांनी आरोप केला आहे की मुख्यमंत्री आणि उपमुख्यमंत्र्यांची माणसे त्यांच्यावर हल्ल्याच्या तयारीत असून, त्यांना मारून टाकण्याचे षडयंत्र रचले जात आहे आणि त्यांची सुरक्षा काढून घेण्यात आली आहे.
Ans: ही क्लिप आधीच व्हायरल करणाऱ्या रामदास कदम यांची पोलीस चौकशी व्हावी आणि आपण सादर करणाऱ्या ऑडिओ क्लिपच्या मूळ 'सोर्स'च्या सुरक्षेची हमी फडणवीस व शिंदे यांनी घ्यावी, अशी मागणी त्यांनी केली.
Ans: त्यांनी सांगितले की सरकारने त्यांची सुरक्षा काढून घेतली असून दसरा मेळाव्याच्या दिवशीही पोलिसांनी त्यांना शेवटपर्यंत सुरक्षा दिली नव्हती.
