Gondiya News: कान्होबा विसर्जन; जवानाचा बुडून मृत्यू! बेरडीपार येथील घटना; लष्करी इतमामात होणार आज अंत्यसंस्कार

गोंदिया जिल्ह्यातील बेरडीपार येथे कान्होबा विसर्जनादरम्यान भारतीय सैन्यातील हवालदार कार्तिक गौतम यांचा तलावात बुडून मृत्यू झाला. गावकऱ्यांनी बचावासाठी प्रयत्न केले, मात्र खोल पाणी आणि गाळामुळे त्यांना वाचवता आले नाही. त्यांच्यावर लष्करी इतमामात अंत्यसंस्कार होणार आहेत.

• बेरडीपार येथे कान्होबा विसर्जनादरम्यान तलावात पडल्याने भारतीय सैन्यातील हवालदार कार्तिक गौतम यांचा दुर्दैवी मृत्यू झाला.
• कार्तिक गौतम हे 2014 पासून सैन्यात कार्यरत असून, सध्या सुट्टीवर कुटुंबीयांसोबत गावी आले होते.
• खोल पाणी आणि गाळामुळे बचावकार्यात अडथळे आले; लष्करी इतमामात अंत्यसंस्कार होणार आहेत.

तिरोडा (ता. प्र). तालुक्यातील बेरडीपार (काचे) येथे शनिवारी कान्होबा विसर्जनादरम्यान घडलेल्या घटनेत भारतीय सैन्यात हवालदार पदावर कार्यरत असलेल्या जवानाचा तलावात बुडून मृत्यू झाला. कार्तिक गौतम (३१) असे मृत जवानाचे नाव आहे. या घटनेमुळे संपूर्ण गावावर शोककळा पसरली आहे. कार्तिक हे २०१४ पासून भारतीय सैन्यात सेवा बजावत होते. सध्या ते सुट्टीवर गावी आले होते. शनिवारी गावात कानोबा विसर्जनाचा कार्यक्रम आयोजित करण्यात आला होता.

Gondiya News: जि.प.ला मिळाले ४४५ शिक्षक! पवित्र पोर्टलच्या पहिल्या टप्यात मोठी नियुक्ती; १८५ शिक्षक दुसऱ्या टप्प्यात भरण्याची शक्य

दुपारी ३ वाजता कार्तिक हे अन्य गावकऱ्यांसह गावाबाहेरील बेरडीपार तलावावर विसर्जनासाठी गेले होते. विसर्जनाची प्रक्रिया सुरू असताना अचानक तोल गेल्याने ते तलावातील खोल पाण्यात पडले. सोबत असलेल्या गावकऱ्यांनी त्यांना वाचविण्यासाठी तातडीने प्रयत्न केले. मात्र, तलावातील गाळ आणि पाण्याची खोली अधिक असल्याने त्यांना बाहेर काढण्यास काहीसा विलंब झाला.

Gondiya News: पोषण आहाराच्या तांदळाची विक्री! अर्जुनी-मोरगावात खळबळ; ६ कट्टे व्यापाऱ्याला दिल्याचा आरोप

घटनेची माहिती मिळताच तिरोडा पोलिस व आरोग्य पथक घटनास्थळी दाखल झाले. कार्तिक यांना तातडीने ग्रामीण रुग्णालयात दाखल करण्यात आले. मात्र, डॉक्टरांनी तपासणीअंती त्यांना मृत घोषित केले. कार्तिक यांच्या पश्चात पत्नी, आई-वडील आणि एक लहान मुलगा असा परिवार आहे. गावातील कर्तव्यनिष्ठ जवानाच्या अकाली निधनाने हळहळ व्यक्त होत आहे. या प्रकरणी पोलिस ठाण्यात आकस्मिक मृत्यूची नोंद केली. रविवारी त्यांच्यावर लष्करी इतमामात अंत्यसंस्कार करण्यात येणार आहेत.