रविवार, 6 सप्टेंबर 2026
Weather Update: राज्यात धो-धो पाऊस बरसणार! (फोटो सौजन्य- सोशलमीडिया)
महाराष्ट्रात गेल्या महिनाभरापासून पावसानं पूर्णपणे पाठ फिरवली आहे. पूर्ण ऑगस्ट महिना कोरडाच गेला. एक थेंब पण नीट पडला नाही. त्यामुळे शेतकरी पुरता काळजीत पडला आहे. खरीप पिकं माना टाकू लागली आहेत. शेतकऱ्यांचे डोळे रोज आभाळाकडे लागलेले असतात, पण पाऊस काही येत नाही.पण आता टेन्शन घेऊ नका, कारण शेतकऱ्यांसाठी एक आनंदाची बातमी आहे. हवामान तज्ज्ञ पंजाबराव डख यांनी पावसाबद्दल नवीन अंदाज दिला आहे. त्यांच्या मते गणपती बाप्पाच्या आगमनासोबतच पावसाचं पण जोरदार आगमन होणार आहे. Weather Update:
पंजाबराव डख यांनी सांगितलं आहे की, 13 सप्टेंबर ते 18 सप्टेंबर या पाच दिवसात राज्यात दमदार पाऊस पडणार आहे. इतका पाऊस पडेल की शेतातून पाणी बाहेर निघेल, अशी परिस्थिती असेल. गणेशोत्सवाच्या काळात राज्यभर चांगला पाऊस होईल.फक्त या पाच दिवसातच नाही, तर त्याच्या आधी पण राज्यात काही ठिकाणी हलका ते मध्यम पाऊस पडू शकतो.
सप्टेंबर महिना शेतकऱ्यांसाठी चांगला जाणार आहे. ऑगस्टने जो हिरमोड केला, तो सप्टेंबर भरून काढेल असं दिसतंय.विदर्भ आणि कोकणात पावसाचा जोर जास्त असणार आहे. पण उर्वरित महाराष्ट्रात पण चांगला पाऊस होईल. त्यामुळे ज्या शेतकऱ्यांच्या पिकांना पाण्याची गरज आहे, त्यांना मोठा दिलासा मिळणार आहे.
दुसरीकडे भारतीय हवामान विभागाने पण मोठा इशारा दिला आहे. उद्या 7 सप्टेंबर सोमवारपासून देशातल्या तब्बल 22 राज्यांमध्ये अतिमुसळधार पावसाचा इशारा देण्यात आला आहे. हवामान खात्याने लोकांना सतर्क राहायला सांगितलं आहे.
या 22 राज्यांमध्ये उत्तर प्रदेश, दिल्ली, बिहार, हरियाणा, राजस्थान, उत्तराखंड, हिमाचल प्रदेश, पंजाब, जम्मू-काश्मीर, झारखंड, मध्य प्रदेश, छत्तीसगड, पश्चिम बंगाल, ओडिशा, आंध्र प्रदेश, तेलंगणा, कर्नाटक, तामिळनाडू, केरळ, गुजरात, महाराष्ट्र, आसाम, त्रिपुरा आणि मेघालय या राज्यांचा समावेश आहे.या काळात वाऱ्याचा वेग पण जास्त असणार आहे. ताशी 50 ते 60 किलोमीटर वेगाने वारे वाहतील असा अंदाज आहे.
त्यामुळे मच्छीमार बांधवांनी समुद्रात जाऊ नये, असा इशारा हवामान विभागाने दिला आहे. समुद्र खवळलेला असणार आहे. एकंदरीत काय तर ऑगस्ट महिना जरी कोरडा गेला असला तरी सप्टेंबरमध्ये पाऊस चांगला होणार आहे.
पालिका शिक्षकांवर कामाचा ताण; बीएलओ, एसआयआरनंतर आता प्रशिक्षणाचा नवा बोजा
पंजाबराव डख यांचा अंदाज आतापर्यंत बराच खरा ठरला आहे, त्यामुळे शेतकऱ्यांनी आता थोडं निश्चिंत व्हायला हरकत नाही. गणपती बाप्पा येताना पावसाला पण सोबत घेऊन येणार आहे, त्यामुळे बळीराजाच्या चेहऱ्यावर पुन्हा हास्य येईल.
