पालकांच्या खिशाला बसणार फटका! शालेय बसच्या शुल्कात थेट १५ ते २० टक्क्यांनी वाढ

गेल्याच वर्षी ३० टक्के शुल्कवाढ केल्यानंतर यंदा पुन्हा मुंबईतील शालेय बसचे शुल्क वाढवण्याचा निर्णय घेण्यात आला आहे.

Follow Us:

Follow Us:

आधीच महागाईची झळ सोसत असलेल्या मध्यमवर्गीय मुंबईकरांच्या खिशाला आता पुन्हा फटका फडणार आहे. कारण स्कूल बस असोसिएशनने स्कूल बस शुल्कासंदर्भात मोठा निर्णय घेतला आहे. शालेय बसच्या शुल्कात १५ ते २० टक्क्यांनी वाढ करण्यात येणार असून १ एप्रिलपासून या निर्णयाची अंमलबजावणी होणार आहे.

[read_also content=”धनबाद विमानतळावरून टेकऑफ होताच कोसळलं ग्लायडर; २ जण जखमी https://www.navarashtra.com/india/glider-crashes-on-take-off-from-dhanbad-airport-2-people-injured-nrps-378161.html”]

मागच्याच वर्षी केली होती दरवा

गेल्या वर्षी असोसिएशनने शालेय बसच्या शुल्कात ३० टक्के वाढ केली होती. करोना कालावधीत भाडेवाढ करण्यात आली नाही, असे कारण देऊन थेट ३० टक्के शुल्क वाढवण्यात आले होते. यंदा पुन्हा २० टक्क्यांपर्यंत शुल्कवाढ करण्याचा निर्णय असोसिएशनने घेतला आहे.

शुल्कवाढ कशासाठी

गेल्याच वर्षी ३० टक्के शुल्कवाढ केल्यानंतर यंदा पुन्हा मुंबईतील शालेय बसचे शुल्क वाढवण्याचा निर्णय घेण्यात आला आहे. मात्र यामागे, दरवाढ, बसचे महागलेलं साहित्य हे कारण असल्याचं सांगण्यात येत आहे. दरवाढमुळे बसचा खर्चही महागल्याचं ‘स्कूल बस असोसिएशन’ने’ म्हटलं आहे.

पंधरा वर्षांपेक्षा जुनी वाहने भंगारात काढण्याचे केंद्र शासनाचे धोरण आहे. अशा परिस्थितीत आता नवीन बसचे दरही वाढले आहेत, असे संघटनेचे म्हणणे आहे. आता नवीन बसची किंमत २८ लाख रुपये, तर मिनी बसची किंमत २१ लाख रुपये झाली आहे. तसेच सुट्टे भाग, बॅटरीचे दर १२ ते १८ टक्यांपर्यत वाढले आहेत. बस चालक व इतर कर्मचाऱ्यांच्या वेतनात वाढ करण्यात आली आहे. त्यामुळे येत्या १ एप्रिलपासून शालेय बसची १५ ते २० टक्के भाडेवाढ करण्याचा निर्णय घेण्यात आलाय.

Web Title: Increase in school bus fare by 15 to 20 percent in mumbai nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com