TT आणि TC दोघांमध्ये काय फरक असतो? कोण तुमचे तिकीट चेक करू शकतो? जाणून घ्या फरक

अनेकजण TT आणि TC मध्ये गोंधळून जातात. आपल्याला हे दोन्ही सारखे वाटत असले तरी या दोन्हींमध्ये बराच फरक आहे. दोघांची कामे आणि जबाबदाऱ्या भिन्न आहेत. रेल्वेने प्रवास करत असाल तर तुम्हाला हा फरक माहिती असायलाच हवा.

TT आणि TC दोघांमध्ये काय फरक असतो

Follow Us:

Follow Us:

• TT आणि TC दोघेही रेल्वेसाठी काम करत असले तरीही दोघांमध्ये बराच फरक आहे
• रेल्वे प्रवाशांनी दोघांमधील फरक जाणून घेणे फार महत्त्वाचे आहे
• चला TT आणि TC मध्ये नेमका फरक काय ते जाणून घेऊया

रेल्वेने प्रवास करताना अनेक वेळा एखादा अधिकारी तिकीट मागताना दिसतो. काही जण काळ्या कोटात दिसतात तर काही जण पांढऱ्या शर्टमध्ये प्लॅटफॉर्मवर तिकीट तपासत असतात. बहुतांश लोक हे दोघेही एकाच पदावर काम करतात असे समजतात, पण प्रत्यक्षात TC आणि TTE यांच्या जबाबदाऱ्या वेगळ्या असतात. आज आम्ही तुम्हाला या दोघांमध्ये नेमका फरक काय ते सांगणार आहोत. हा फरक जाणून घेतल्याने तिकीट तपासणीदरम्यान गोंधळ टाळता येतो.

भारताच अनोखं फ्लोटिंग विलेज, इथे शाळा-बाजार सर्वच पाण्यावर तरंगत; घरांची बदलत राहते लोकेशन

TC आणि TTE कुठे दिसतात?

TC (Ticket Collector) – स्टेशनवर

• TC हे प्रामुख्याने रेल्वे स्टेशनच्या प्लॅटफॉर्मवर किंवा प्रवेशद्वारांवर तैनात असतात.
• त्यांचे काम म्हणजे प्रवाशांची तिकीट तपासणी करणे आणि बिनतिकीट प्रवास करणाऱ्यांवर तत्काळ दंड आकारणे.
• काही वेळा TC सादी वेशभूषेत फ्लाइंग स्क्वॉड म्हणून अचानक तपासणीही करतात.

• TTE हे ट्रेनच्या आत तिकीट तपासतात.
• ते प्रवाशांची तिकीट, ओळखपत्र आणि आरक्षित आसनाची माहिती पडताळतात.
• प्रवासादरम्यान रिकाम्या सीटचे वाटप, बिनतिकीट प्रवाशांवर कारवाई आणि प्रवाशांच्या तक्रारींचे निवारण ही देखील TTE ची जबाबदारी असते.
• कधीकधी आवश्यकतेनुसार एका अधिकाऱ्याला दोन्ही प्रकारची कामे दिली जाऊ शकतात.

TTE – ट्रेनमध्ये

• TTE सामान्यतः काळा कोट घालतात.
• त्यांच्या बॅजवर स्पष्टपणे TTE असे लिहिलेले असते.
• ते तिकीट आणि सीटसंबंधी सर्व प्रश्न पाहतात.

• TC हे साधारणपणे सफेद शर्ट आणि काळी पँट अशा पोशाखात दिसतात.
• प्लॅटफॉर्मवर तिकीट तपासणे, बिनतिकीट प्रवाशांवर कारवाई करणे आणि प्रवेश नियंत्रण सांभाळणे त्यांच्या हातात असते.

रात्री तिकीट तपासणीचे नियम

रात्री १० नंतर ते सकाळी ६ पर्यंत प्रवाशांना विश्रांती मिळावी यासाठी TTE साधारणपणे तिकीट तपासत नाही.मात्र, तुमचा प्रवास १० नंतर सुरू होत असेल, तर TTE ला तिकीट, ओळखपत्र आणि सीट तपासण्याचा पूर्ण अधिकार असतो.

Web Title: What is the difference between tt and tc travel news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com