Jalgaon News: बांधकामाला आयुक्तांचा दणका! शहरातील रस्ते बांधकामाबाबत पीडब्ल्यूडीला ‘एनओसी’ सक्तीची

Jalgaon News: जळगाव शहरातील रस्त्यांच्या कामांबाबत महापालिका आणि सार्वजनिक बांधकाम विभागामध्ये परवानगीचा मुद्दा समोर आला आहे. सार्वजनिक बांधकाम विभागाने महापालिकेची परवानगी न घेता काही कामे केल्याच्या तक्रारी प्राप्त झाल्या आहेत.

Jalgaon Road Works: जळगाव शहरातील रस्त्याची कामे सार्वजनिक बांधकाम विभागाकडे आहे. मात्र त्यांनी महापालिकेची परवानगी न घेता परस्पर कामे केली आहेत. त्याबाबत तक्रारीही आल्या आहेत. आता रस्त्याची कामे करण्यासाठी सार्वजनिक बांधकाम वभागाला महापालिकेची ‘एसओसी ‘घ्यावी लागणार आहे. त्याबाबत आयुक्तांनी पत्र लिहून या विभागाला कळविले आहे. जळगाव शहरातील रस्त्याची अवस्था अत्यंत दयनीय झाली आहे. रस्ते दुरूस्तीसाठी विरोधकांनी आंदोलने केली. त्यानंतर सत्ताधाऱ्यांनीही मुख्यमंत्र्याकडे हा प्रश्न उपस्थित केला होता. त्यानंतर त्यांनी जळगावच्या रस्त्यासाठी अगोदर शंभर कोटी रूपये मंजूर केले होते.

रस्त्याची कामे सदोष असल्याचा होतोय आरोप

सार्वजनिक बांधकाम विभागातर्फे शहरातील अजिंठा चौफुली ते स्मशानभूमी, तसेच काव्यरत्नावली चौक ते शिवतीर्थ चौक, चित्रा चौक ते शिवतीर्थ चौक आदी मार्गावर सिमेट काँक्रीटच्या रस्त्याची कामे करण्यात आली आहेत. परंतु या कामाबाबत नागरिकांच्या मोठ्या प्रमाणात तक्रारी आहेत. संपूर्ण रस्त्याची कामे सदोष करण्यात आलेली आहेत. अजिंठा चौफुली ते स्मशानभूमीपर्यंतचा रस्ता खाली वर बांधला आहे, वाहनधारकांना त्रास होत आहे. रस्ते बांधतांना पावसाचे पाणी वाहून जाण्यासाठी रस्त्याच्या बाजूला गटारी करण्याची आवश्यकता होती. परंतु ते सुध्दा करण्यात आलेले नाही. त्यामुळे पावसाळ्यात नवीन बांधकाम कैलेल्या या सिमेंट कॉक्रीटच्या रस्त्यावर पाण्याचे तलाव तयार होवून वाहतूकीस अडथळा होतो. Jalgaon News

सार्वजनिक बांधकाम विभागाकडे आहे काम

शासनाने निधी मंजूर केला परंतु रस्ते दुरूस्तीचे काम महापालिकेकडे न देता ते शासनाच्या सार्वजनिक बांधकाम विभागाकडे देण्यात आले. मात्र त्यावर महापालिकेचे नियंत्रण ठेवण्याचे आदेश देण्यात आले होते.

परस्पर काम केल्याचा ठपका

शहरातील रस्त्याची कामे करतांना शासनाच्या सार्वजनिक बांधकाम विभागाने जळगाव शहर महापालिकेला कळवायला हवे होते. परंतु महापालिकेला कोणतीही माहिती न देता या विभागाने शहरातील रस्त्याची कामे परस्पर सुरू केली आहेत.

‘वरोशी ठरावावरून बोंब मारणाऱ्यांची लायकी काय?’; आंबेघर गणातील भाजप कार्यकर्ते आक्रमक

महापालिकेवर नागरीकांचा संताप

सार्वजनिक बांधकाम वभागाने बांधलेल शहरातील रस्ते सदोष आहेत. त्याचा दोष मात्र नागरीक महापालिकेवर काढत आहेत. पावसाळयात या रस्त्यावर पाणी साचल्यानंतर महापालिकेला धावपळ करून त्या पाण्याचा नचरा करून वाहतूक सुरळीत करावी लागली होती.

कचरागाड्यांचा त्रास आटोक्यात आणा! उच्च न्यायालयाचे मुंबई महानगरपालिकेला आदेश; कांजूर कचराभूमीबाबत सुनावणी

एन ओ सी घ्या काम करा

• शहरातील रस्त्याची कामे सार्वजनिक बांधकाम विभागाने महापालिकेला कोणतीही माहिती न देता केली असल्यामुळे ते कामे सदोष झाली होती.
• जर महापालिकेला माहिती देवून कामे केली असती तर पावसाच्या पाण्याचा निचरा होण्यासाठी बाजूला गटारीही करण्यात आल्या असता.
• तसेच कामेही चांगल्या पध्दतीने झाली असती. त्यामुळे आता यापुढे काम करतांना सार्वजनिक बांधकाम विभागाने महापालिकेची ‘एन ओ सी ‘घ्यावी त्यानंतरच कामे सुरू करावीत असे कळविले आहे. त्यामुळे आता यापुढे शहरातील रस्त्याची कामे चांगली होण्याची शक्यता आहे.