Satara News : सभापती निवडीवेळी पत्रकारांना परवानगी; जिल्हाधिकाऱ्यांचा महत्त्वपूर्ण निर्णय
सातारा : सातारा जिल्हा परिषदेमध्ये आज (दि.4) होणाऱ्या सर्वसाधारण सभेसाठी व विषय समिती सभापती निवडीसाठी अधिकृत पत्रकारांना उपस्थित राहण्याची परवानगी जिल्हाधिकारी संतोष पाटील यांनी दिली आहे. जिल्हा परिषदेच्या अध्यक्ष, उपाध्यक्ष निवडीवेळी माध्यमांना परवानगी दिली गेली नव्हती. यावरून बराच वादंग झाला होता. त्यानंतर आता जिल्हाधिकारी पाटील यांनी हा महत्त्वपूर्ण निर्णय घेतला आहे.
यासंदर्भात पुणे विभागीय अधिस्विकृती समितीचे अध्यक्ष व सातारा जिल्हा पत्रकार संघाचे अध्यक्ष हरीष पाटणे तसेच सातारा पत्रकार संघाच्या वतीने जिल्हाधिकाऱ्यांकडे यासंदर्भात फोनवरून नाराजी व्यक्त केली होती. इतिहासात कधीच माध्यमांना जिल्हा परिषदेच्या अध्यक्ष, उपाध्यक्ष निवडीवेळी अटकाव केला गेला नव्हता. सभापतीपदांच्या निवडीवेळी पत्रकारांना परवानगी मिळाली पाहिजे, अशी भूमिका पाटणे यांनी जिल्हाधिकाऱ्यांकडे यांच्याकडे फोनवरून मांडली तर हरीष पाटणे यांच्या सूचनेवरून सातारा पत्रकार संघाने जिल्हाधिकाऱ्यांकडे रितसर परवानगीचे पत्र पाठवले.
दरम्यान, या पत्राची जिल्हाधिकारी पाटील यांनी दखल घेतली. त्यानुसार, जिल्हाधिकाऱ्यांनी जिल्हा परिषद सभापती निवडीवेळी माध्यमांना वार्तांकन करण्यास परवानगी दिली आहे. साताऱ्यातील पत्रकारांनी नियमांचे पालन करून वार्तांकन करावे, असे आवाहन सातारा पत्रकार संघाच्यावतीने करण्यात आले आहे.
निवडणूक केवळ औपचारिक प्रक्रिया नसून प्रशासनासाठी कसोटी
सातारा जिल्हा परिषदेतील विषय समिती निवड पार पडणार असून, या निवडीकडे संपूर्ण जिल्ह्याचे लक्ष लागले आहे. मात्र, यंदाची निवडणूक केवळ औपचारिक प्रक्रिया नसून प्रशासनासाठी मोठी कसोटी ठरणार आहे. मागील निवड प्रक्रियेदरम्यान झालेल्या गोंधळ आणि राड्याच्या पार्श्वभूमीवर यावेळी निष्पक्षता, पारदर्शकता आणि कायद्याचे काटेकोर पालन यावर विशेष भर देण्यात येणार आहे.
.png "Videos"){kind=small}
