बहुमोल सहकार्य या गड किल्ल्यांच्या प्रवासात खासदार छत्रपती
शाहू महाराज, छत्रपती उदयनराजे भोसले, छत्रपती संभाजीराजे, भिडे गुरुजी, सेनापती – संताजी घोरपडे यांचे वंशज यांनी बहुमोल सहकार्य केले आहे. रात्री मिळेल ते जेवण आणि शाळा, मंदिरांमध्ये मुक्काम करत – अनेक संकटांना तोंड देत त्याचा हा सायकल प्रवास गेली दीड वर्ष सुरू आहे. संकेश्वर जवळील वल्लभगडला भेट – देवून तो कर्नाटकातील किल्ले भेटीस – रवाना झाला.
हिंदी भाषेत शिवचरित्र लिहिण्याचा संकल्प
गड, किल्ले व गढी यांच्या अभ्यासातून शिवाजी महाराजांचे हिंदी भाषेत चरित्र लिहिण्याचा संकल्प कार्तिक सिंहचे ध्येय आहे. शिवरायांच्या शौर्यगाथेतून तरुणाईला प्रेरणा देण्याचा त्याचा संकल्प आहे. प्रत्येक किल्ल्यावरील गोळा केलेल्या मुठभर मातीतून शिवरायांचा छोटा पुतळा तयार करून मुख्यमंत्र्यांना भेट देणार असून गड किल्ल्यांचे संवर्धन आणि पर्यटनामध्ये कशा पद्धतीने वाढ करता येईल याबाबत त्यांच्याशी चर्चा करणार असल्याचे कार्तिक सिंह यांने सांगितले.
मुक्कामाची सोय
कार्तिक सिंह हा गडहिंग्लज मध्ये आला आहे असे समजल्यावर जरळीचा इंस्टाग्रामवरील त्याचा चाहता व इतिहास प्रेमी रोहित तोरस्कर याने त्याची भेट घेतली व स्वतःच्या घरी नेऊन त्याची मुक्काम व जेवणाची सोय करत त्याला मदतीचा हात दिला.
इतिहास अनुभवण्याचा प्रयत्न
66 छत्रपती शिवाजी महाराज संपूर्ण भारतीयांसाठी स्वाभिमान आणि देशभक्तीचे प्रेरणास्थान आहेत. महाराजांच्या कार्याचा प्रत्यक्ष अनुभव घेण्यासाठी मी गड-किल्ल्यांची सफर करत आहे, हे किल्ले महाराष्ट्राच्या मातीतील अजरामर वारसा आहेत, तुम्ही भाग्यशाली आहात कारण शिवराय महाराष्ट्राच्या या मातीत जन्मले. या वारशाचे संवर्धन करणे आपली जबाबदारी आहे, असं कार्तिक सिंहने म्हटलं आहे.
.png "Videos"){kind=small}
