Today's Maharashtra Breaking News Updates in marathi 17.11.2026
Maharashtra to World Breaking News :
आगामी पाणीटंचाईच्या संकटाच्या पार्श्वभूमीवर पुणे महापालिकेकडून आज, १५ ऑक्टोबरपासून दर गुरुवारी संपूर्ण शहरात पाणीपुरवठा पूर्णपणे बंद ठेवण्याचा निर्णय लागू करण्यात आला आहे. रेल्वे प्रवास सुरक्षित करण्यासाठी आणि अपघाती मदतीसाठी ऑफलाइन तिकीट खरेदी करणाऱ्या सर्व प्रवाशांना रेल्वे विमा अनिवार्य करण्याचे सर्वोच्च न्यायालयाचे निर्देश दिले आहेत.
दिल्लीतील जंतर-मंतर आंदोलनानंतर दिल्ली विमानतळाबाहेर CJP नेते अभिजीत दीपके यांना घेरण्याचा प्रयत्न; १६ ऑक्टोबरला ‘कनॉट प्लेस’ येथे नव्या आंदोलनाची घोषणा देण्यात आला आहे. भारतीय टी-२० संघाचा कर्णधार श्रेयस अय्यरने दमदार कामगिरीच्या जोरावर आयसीसी टी-२० फलंदाजी क्रमवारीत चौथ्या स्थानावर झेप घेतली. हुथी विद्रोही गटाच्या हल्ल्यानंतर सौदी अरेबियातील धहरान येथील ‘अरामको’ (Aramco) कंपनीच्या मुख्यालयात भीषण आग, सुदैवाने जीवितहानी टळली.
15 Oct 2026 05:59 PM (IST)
यंदा मान्सून काळात जिल्ह्यात सरासरीच्या तुलने समाधानकारक पाऊस झाला नाही. शिवाय सुपर अल-निनोच्या प्रभावामुळे पावसाचा मोठा खंड कायम राहिल्याने जिल्ह्यावर दुष्काळी परिस्थिती ओढावली. मध्यंतरी शासनाच्या वतीने दुष्काळ ट्रिगर-१ च्या यादीत जिल्ह्यातील ७ तालुक्यांचा समावेश केला होता. तर बुधवारी दुष्काळ ट्रिगर-२ तालुक्यांची यादी जाहीर केली आहे. यात वर्धा जिल्ह्यातील आठही तालुक्यांचा समावेश आहे. परिणामी जिल्ह्यावरील दुष्काळाचे ढग आणखी गडद झाले असून आगामी काळात जिल्ह्यात पाणी प्रश्न पेटेल हे जणू निश्चितच झाले आहे.
15 Oct 2026 05:45 PM (IST)
उल्हासनगर महानगरपालिकेतील स्वीकृत नगरसेवकांच्या नियुक्तीवरून भाजप आणि एकनाथ शिंदे यांच्या नेतृत्वाखालील शिवसेनेत सुरू असलेल्या राजकीय आणि कायदेशीर संघर्षाला नवे वळण मिळाले आहे. महापौर अश्विनी निकम आणि सभागृह नेते अरुण आशान यांनी मुंबई उच्च न्यायालयाच्या स्थगिती आदेशाला आव्हान देत सर्वोच्च न्यायालयात दाखल केलेल्या याचिका फेटाळण्यात आल्या आहेत.
15 Oct 2026 05:30 PM (IST)
आमच्या चळवळीतील २ लोकांना तुम्ही कोठडीत पाठवून तुम्ही आमची लढाई बंद करु शकत नाहीत, आंदोलकांना नजरकैद करून त्यांच्यावर कारवाई करून तुम्ही आमची चळवळ बंद करू शकणार नाही. ही चळवळ अशीच चालू राहणार, अशा शब्दांत ऑल इंडिया स्टुडेंट असोसिएशनची राष्ट्रीय अध्यक्षा नेहा बोरा यांनी दिल्लीतून केंद्र सरकारला ठणकावून सांगितलं आहे.
15 Oct 2026 05:15 PM (IST)
राज्यात शेतकरी बांधवाना दुष्काळाचे चटके सोसावे लागत आहेत. राज्य सरकारने राज्यातील अनेक भागांत दुष्काळ जाहीर केला असून शेतकऱ्यांचा बांधावर जाऊन पाहणी करण्यात येत आहे. सर्वच राजकीय पक्षाचे नेते दुष्काळग्रस्त भागात भेटी देऊन परिस्थितीचा आढावा घेत आहेत. अश्यातच काँग्रेस प्रदेशाध्यक्ष हर्षवर्धन सपकाळ सध्या दुष्काळग्रस्त भागांना भेट देऊन शेतकऱ्यांचा अडचणी समजून घेत आहेत.
15 Oct 2026 04:57 PM (IST)
भारतीय कुस्तीपटू विश्वजीत रामचंद्र मोरेने गुरुवारी अंडर-23 Wrestling World Championship च्या ग्रीको-रोमन कॅटेगरीत भारतासाठी पहिले रौप्य पदक जिंकले. अंडर-23 वल्ड लेव्हलवर दोन वेळा ब्रॉन्ज मेडल जिंकलेल्या मोरेने पुरुषांच्या 55 किलो वजनी गटातील ग्रीको-रोमन फायनलमध्ये अखेरच्या क्षणी जॉर्जियाच्या कोबा कारुमिद्जेकडून 12-13 असा पराभूत झाला. मोरे अंडर-23 वर्ल्ड चॅम्पियनशीपमध्ये दोन मेडल जिंकणारा भारताचा एकमेव ग्रीको-रोमन कुस्तीपटू आहे.
15 Oct 2026 04:47 PM (IST)
“कॉकरोच जनता पार्टीच्या १० ऑक्टोबरच्या आमच्या आंदोलनापूर्वी देशातील सर्व रेल्वे बंद करण्यात आल्या देशाच्या इतिहासात पहिल्यांदाच असे झाले असावे की रेल्वे बंद करण्यात आल्या, जे आणीबाणीच्या काळातही झाले नव्हते. पण एका ज्ञानेश कुमारला वाचवण्यासाठी रेल्वे बंद करण्यात आल्या, रेल्वे बंद करून यांचे मन नाही भरलं म्हणून त्यांनी दिल्लीचे मेट्रोस्टेशन्स बंद केले, त्यातही मन नाही भरलं म्हणून त्यानी जम्मू-कश्मीर आणि नक्षल भागातून लष्कराचे जवानांना बोलावण्यात आले. हे सर्व एका ज्ञानेश कुमारांसाठी करण्यात आले. ज्ञानेश कुमार मोदींना असं काय देत आहेत की, नरेंद्र मोदी त्यांच्यासाठी सगळी दिल्ली ठप्प करण्यासाठी तयार आहेत.”अशी घणाघाती टिका सीजेपी प्रमुख अभिजीत दिपके यांनी केली आहे. ते दिल्लीत पत्रकार परिषदेत बोलत होते. वाचा सविस्तर...
15 Oct 2026 04:37 PM (IST)
ठाण्यातील शिवसेना ठाकरे गटाचे विभागप्रमुख प्रदीप पूर्णेकर यांच्या हत्या प्रकरणावरून आता राजकीय वातावरण चांगलंच तापलं आहे. या हत्येनंतर पूर्णेकर कुटुंबीयांनी माजी महापौर आणि शिंदे गटाच्या नेत्या मिनाक्षी शिंदे आणि त्यांचे पती राजेंद्र शिंदे यांच्यावर गंभीर आरोप करत हत्येत त्यांचाही सहभाग असल्याचा थेट आरोप केला होता. यावरूनच, ठाणे गुन्हे शाखेने राजेंद्र शिंदे यांची तब्बल नऊ तास चौकशी केली. त्यानंतर खासदार संजय राऊत यांनी यावर प्रतिक्रिया देताना सूचक इशारा दिला आहे. याबाबत माध्यमांना प्रतिक्रिया देत ‘पोलिसांच्या तपासावर आमचं बारीक लक्ष असून, प्रमुख आरोपीला संरक्षण दिलं गेल्यास आम्ही आमचं हत्यार बाहेर काढू,’ असं राऊत म्हणाले. वाचा सविस्तर...
15 Oct 2026 04:27 PM (IST)
मुंबईची जीवनवाहिनी म्हणून ओळखल्या जाणाऱ्या लोकल रेल्वेने (Mumbai Local) दररोज लाखो प्रवासी प्रवास करतात. मात्र, मध्य रेल्वेच्या (Central Railway) मशीद रेल्वे स्थानकात दोन पादचारी पूल बंद असल्याने प्रवाशांना मोठ्या गैरसोयीचा सामना करावा लागत आहे. स्थानकाच्या दक्षिण टोकावरील आणि मध्यभागातील पादचारी पूल बंद असल्यामुळे प्रवाशांना उत्तरेकडील पुलाचा वापर करण्यासाठी मोठा वळसा घालावा लागत आहे. परिणामी, प्रवाशांचा मौल्यवान वेळ वाया जात असून, अनेक नोकरदारांना कार्यालयात उशिरा पोहोचण्याची आणि लेटमार्कची चिंता सतावत आहे. प्रवाशांच्या या गंभीर समस्येला ‘नवराष्ट्र’ने वाचा फोडली असून, रेल्वे प्रशासनाने तातडीने उपाययोजना कराव्यात, अशी मागणी प्रवाशांकडून करण्यात येत आहे. वाचा सविस्तर...
15 Oct 2026 04:22 PM (IST)
महापालिका निवडणुकीत ‘कैसे हराया’ आणि ‘मुंब्रा हिरवा करणार’ या वक्तव्यांमुळे चर्चेत आलेल्या एमआयएमच्या नगरसेविका सहर शेख यांचे वडील युनूस शेख पुन्हा एकदा चर्चेत आले आहेत. युनूस शेख यांनी उपमुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केल्याची माहिती समोर आली आहे. त्यांची अखिल भारतीय केबल सेनेच्या कळवा-मुंब्रा विधानसभा अध्यक्षपदी नियुक्ती करण्यात आली आहे. मात्र, युनूस शेख यांनी शिवसेनेत अधिकृत प्रवेश केल्याचा दावा फेटाळून लावला असून, ही नियुक्ती आपल्या केबल आणि इंटरनेट व्यवसायाशी संबंधित असल्याचे स्पष्ट केले आहे. वाचा सविस्तर...
15 Oct 2026 04:20 PM (IST)
अन्नपदार्थांच्या गुणवत्तेवर आणि स्वच्छतेवर प्रश्नचिन्ह निर्माण करणाऱ्या प्रकारांविरोधात महाराष्ट्र अन्न व औषध प्रशासनाने (FDA) मुंबईत मोठी कारवाई केली आहे. मुंबईतील १७ खाद्य आस्थापनांचे परवाने किंवा नोंदणी निलंबित करण्यात आली असून, त्यामध्ये डॉमिनोज पिझ्झाच्या तीन आउटलेट्सचा समावेश आहे. परळ, मरोळ-अंधेरी पूर्व आणि बोरिवली पश्चिम येथील डॉमिनोजच्या आउटलेट्सवर ही कारवाई करण्यात आली. तपासणीदरम्यान कीटक आणि उंदरांचा प्रादुर्भाव, अन्न साठवणुकीतील त्रुटी, अस्वच्छ परिसर तसेच आवश्यक कागदपत्रे आणि नियमांचे पालन न केल्याचे FDAच्या कारवाईत समोर आले. वाचा सविस्तर...
15 Oct 2026 03:59 PM (IST)
अयोध्येतील राम मंदिरातून देणगी आणि सोन्या-चांदीचे दागिने चोरीला गेल्याच्या प्रकरणाची एसआयटी चौकशी सुरू असतानाच, आता वाराणसीतील काशी विश्वनाथ मंदिराच्या सुवर्णशिखरावरील सोने गायब झाल्याचा आरोप करण्यात आला आहे. है प्रकरण पंतप्रधान कार्यालयापर्यंत पोहोचले असून कार्यालयाने चौकशी सुरू केली आहे.
15 Oct 2026 03:50 PM (IST)
विजय काते, मीरा-भाईंदर : महाराष्ट्रातील दुष्काळग्रस्त शेतकऱ्यांना दिलासा देण्यासाठी राज्यभरातून मदतीचे हात पुढे येत असताना, मीरा-भाईंदरचे आमदार तथा राज्याचे परिवहन मंत्री प्रताप सरनाईक यांच्या माध्यमातून धाराशिव जिल्ह्यातील शेतकऱ्यांसाठी विशेष मदत उपक्रम राबविण्यात येणार आहे. यंदाची दिवाळी दुष्काळाच्या संकटाचा सामना करणाऱ्या शेतकरी कुटुंबांसाठी गोड व्हावी, या उद्देशाने ‘आनंदाचा शिधा’ किटचे वाटप करण्यात येणार असून, या उपक्रमांतर्गत सुमारे दोन लाखांपर्यंत किट वाटप करण्याचे नियोजन असल्याची माहिती देण्यात आली. (Pratap Sarnaik)
15 Oct 2026 03:40 PM (IST)
फीफा आणि सौदी ई-स्पोर्ट्स फेडरेशनने (Saudi Arabia) फीफा-ई-फायनल्स 2026 ला सध्या स्थगित केले आहे. हा इव्हेंट 16 ते 25 ऑक्टोबरपर्यंत जेद्दामध्ये होणार होता. हा निर्णय नुकताच रियाधच्या इंटरनॅशनल विमानतळावर झालेल्या हल्ल्यानंतर घेण्यात आला आहे.
10 ऑक्टोबरला सौदी अरबची राजधानी रियाधमध्ये किंग खालिद इंटरनॅशनल एअरपोर्टला निशाणा साधत झालेल्या हल्ल्यात 12 जणांना आपला प्राण गमवावा लागला होता. यात 309 पेक्षा जास्त नागरिक जखमी झाले होते. रियाध विमानतळावरील हल्ल्याची येमेनमधील हूती बंडखोरांकडून जबाबदारी स्वीकार होती. हा मागील एक दशकातील सर्वात खतरनाक असा हल्ला समजला गेला.
15 Oct 2026 03:30 PM (IST)
Yezdi Motorcycles Festive : येझदी मोटरसायकल्सने या सणासुदीच्या काळात ग्राहकांना त्यांच्या आवडत्या मोटरसायकलची खरेदी अधिक सोपी व्हावी यासाठी आकर्षक वित्तपुरवठा योजनांची श्रेणी उपलब्ध करून दिली आहे. या योजनांमुळे ग्राहकांना मोटरसायकल खरेदी करणे अधिक सुलभ होणार आहे. ( Yezdi Motorcycles Festive )
15 Oct 2026 03:20 PM (IST)
रोज कोणाचा तरी अनोळखी कॉल येतो आणि आपण विचार करत बसतो, हा कोण आहे? उचलू की नको? अनेकदा बँकेच्या नावाने, कुरियरच्या नावाने फसवणुकीचे कॉल येतात. आता या सगळ्याला ब्रेक लागणार. सरकारने एक मोठा निर्णय घेतला.१ नोव्हेंबरपासून तुमच्या मोबाईलवर येणाऱ्या प्रत्येक कॉलवर समोरच्या व्यक्तीचे नाव दिसणार आहे. यासाठी सरकारने CNAP म्हणजे Calling Name Presentation ही सिस्टम सक्तीची केली. CNAP Caller
15 Oct 2026 03:10 PM (IST)
Property Inheritance Rules : तुमची पणजोबा किंवा वडिलांकडून आलेली अशी वडिलोपार्जित मालमत्ता असेल असले तर त्यावर तुम्ही तुमचा हक्क कसा सांगू शकता? किंवा ती तुमच्या नावावर कशी नोंदवू शकता? असा प्रश्न तुम्हाला पडला असेल. त्याचच उत्तर आज या आर्टिकलमधून सोप्या शब्दांत सांगूयात. ( Property Inheritance Rules )
15 Oct 2026 02:59 PM (IST)
पुण्यात घर घेऊ इच्छिणा-यांसाठी गुड न्यूज आहे. पुणे म्हाडाकडून ४,४६२ घरांच्या लॉटरीकरिता ऑनलाइन अर्ज सादर करण्यासाठी २२ ऑक्टोबरपर्यंत मुदतवाढ देण्यात आलीय.पुणे आणि पिंपरी चिंचवड महापालिका हद्दीत ही घरे आहेत.
15 Oct 2026 02:57 PM (IST)
IND vs WI 4th T20 : भारत आणि वेस्ट इंडिज यांच्यात हैदराबाद येथे चौथा टी-२० सामना खेळला गेला. या सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला. वेस्ट इंडिजने प्रथम फलंदाजी करत २० षटकांत ३ विकेट्स गमावून २४७ धावा केल्या. प्रत्युत्तरात, भारतीय संघ १९. ३ षटकांत २२३ धावा करु शकला. भारताने हा सामना गमावला असला तरी, टीम इंडियाचा स्टार फलंदाज अभिषेक शर्माने या आणखी एक रेकॉर्ड धुळीस मिळवला आहे. त्याने टीम इंडियाचा माजी कर्णधार सूर्यकुमार यादवचा विशेष विक्रम मोडला. अभिषेकने आपल्या लहान कारकिर्दीत एक महत्त्वपूर्ण कामगिरी केली आहे. (Abhishek Sharma breaks Suryakumar Yadav 69 Six record)
15 Oct 2026 02:50 PM (IST)
नवरात्रौत्सवाच्या मिरवणुकीत डीजेच्या मोठ्या आवाजात नाचत असताना एका तरुणाचा मृत्यू झालाय. अमरावतीच्या अंजनगाव बारी इथं ही घटना घडलीये.. शेखर खांडेकर असे मृत तरुणाचं नाव आहे. शेखर नवरात्रोत्सवाच्या मिरवणुकीत सहभागी झाला होता. मिरवणुकीदरम्यान काही वेळाने त्याला छातीत कळ येऊ लागली. अस्वस्थ वाटू लागल्यानं तो घरी गेला.. मात्र घरी पोहोचल्यानंतर त्याची प्रकृती अधिक खालावली. कुटुंबीयांनी त्याला तातडीने रुग्णालयात दाखल केले. मात्र डॉक्टरांनी त्याला मृत घोषित केले. डीजेच्या मोठ्या आवाजामुळे त्याला हृदय विकाराचा झटका आला असावा असा अंदाज डॉक्टरांनी व्यक्त केलाय.. या घटनेमुळे परिसरात हळहळ व्यक्त होत असून नवरात्रोत्सवाच्या आनंदावर शोककळा पसरली आहे.
15 Oct 2026 02:41 PM (IST)
पुणेकरांवर पाणीकपातीचं संकट सुरु झालं आहे. पुण्यात आजपासून 10 टक्के पाणीकपात केली जात आहे. आठवड्यातून एक दिवस पाणीपुरवठा बंद राहणार आहे त्यामुळे पुणेकरांचे हाल होणार आहेत.
15 Oct 2026 02:30 PM (IST)
निवडणूक आयोगाविरोधात राहुल गांधी सभा घेणार असल्याचं सूत्रांकडून समोर आलं आहे. मुंबई, नागपूरमध्ये सभा होण्याची शक्यता वर्तवली जात आहे. ज्ञानेशकुमारांविरोधातील आंदोलनही सुरुच राहणार आहे. प्रत्येक आठवड्यात दिल्लीत एक आणि राज्यांमध्ये एक असे मोठे आंदोलन होणार आहे. यामध्ये सभा, मोर्चे, निदर्शने केली जाणार असून पुढील वर्षी निवडणुका होणाऱ्या राज्यांमध्ये अधिक तीव्र आंदोलने होणार आहे.
15 Oct 2026 02:20 PM (IST)
मराठवाड्यात शासनाने ट्रीगर वन लागू केल्यानंतर दुष्काळाची परिस्थिती किती दाहक आहे, यासाठी खरीप हंगामासह जलस्रोत, जलसाठ्यांतील पाण्याचे प्रमाण, पीक उत्पादकतेची पाहणी करण्याचे काम प्रशासनाने मिशन मोडवर हाती घेतले आहे.. विभागातील एकूण ८ हजार २९० गावांत दुष्काळाचे चटके बसणार असून आजवर ६ हजार ४३३ गावांतील पाहणी पूर्ण झाली आहे... १९२ टक्के गावांत ८५ टक्के पाहणी पूर्ण झाल्याचे विभागीय आयुक्तालयातील सूत्रांनी सांगितले.
15 Oct 2026 02:11 PM (IST)
वाराणसीच्या प्रसिद्ध काशी विश्वनाथ मंदिराच्या कळसावरील सोने चोरीला गेल्याचा गंभीर आरोप करण्यात आलाय.. याबाबत अधिवक्ता नित्यानंद राय यांनी PMO कडे तक्रार केलीये.. दरम्यान चोरीच्या या बातम्या खोट्या असल्याचं सांगत मंदिर प्रशासनानं हे आरोप फेटाळून लावलेत.. मात्र यावरुन आता राजकारण रंगलंय.. मोगलांनी मंदिराचे कळस चोरले होते आता मोदींच्या काळात त्यांचेच लोक चोर असल्याचा आरोप राऊतांनी केलाय. तर राऊतांच्या या आरोपांना नवनाथ बन यांनीही उत्तर दिलंय.
15 Oct 2026 02:00 PM (IST)
गुंतवणूकदारांना FD साठी Share साठी अगदी Mutual Fund साठी वेगवेगळे ॲप वापरावे लागायचे. पण आता यावर RBI ने भन्नाट उपाय शोधला आहे. ग्राहक गुंतवणूकदारांनासाठी सोयीचं व्हावं यासाठी एक महत्त्वाचं आणि मोठं पाऊल उचललं आहे. त्यामुळे गुंतवणूक सोयीची होणार आहे. नुकत्याच झालेल्या एका घोषणेनुसार, तुमच्या बँक ठेवींची जसं की बचत खाती किंवा मुदत ठेवी खाती यासगळ्यांची माहिती आता एकत्रित खाते विवरणामध्ये म्हणजे CAS मध्ये समाविष्य केली जाणार आहे. त्यामुळे गोष्टी सोप्या होणार आहेत. नेमका काय बदल करण्यात आला आहे.
15 Oct 2026 01:55 PM (IST)
अमेरिकेतून (Chicago Temple) एक अत्यंत थरकाप उडवणारी आणि मन सुन्न करणारी बातमी समोर आली आहे. शिकागो शहरापासून सुमारे ७० किलोमीटर अंतरावर असलेल्या अरोरा (Aurora) भागातील एका प्रसिद्ध हिंदू मंदिराला लक्ष्य करून मोठा सामूहिक गोळीबार करण्याचा भीषण कट आखण्यात आला होता. नवरात्रीचा पवित्र उत्सव सुरू होण्याच्या अगदी पूर्वसंध्येला हा हल्ला करण्याचे आरोपीचे नियोजन होते. मात्र, सुदैवाने आरोपीने बंदुकीचा ट्रिगर ओढताच त्याची रायफल तांत्रिक बिघाडामुळे अडकली (Jammed) आणि एक मोठा नरसंहार टळला. या घटनेमुळे अमेरिकेतील भारतीय आणि हिंदू समाजात तीव्र भीतीचे आणि चिंतेचे वातावरण पसरले आहे.
15 Oct 2026 01:45 PM (IST)
OPPO ने अखेर आपली नवीन सिस्टम ColorOS 17 दाखवली आहे. आजवरची सगळ्यात भारी ऑपरेटिंग सिस्टम, जास्त स्मूथ, जास्त हुशार आणि जास्त सुरक्षित असे कंपनीने सांगितले आहे. आधी ही सिस्टम नवीन Find X10 सीरीजमध्ये मिळेल, मग नंतर बाकीच्या OPPO च्या फोनमध्ये अपडेट म्हणून येईल. OPPO
15 Oct 2026 01:35 PM (IST)
छत्रपती संभाजीनगर जिल्ह्यातील पैठण तालुक्यात अल्पवयीन अकरावीतील विद्यार्थिनीवर अत्याचार झाल्याचा धक्कादायक प्रकार समोर आला आहे. आरोपीने पीडितेला धमकावून तिच्या इच्छेविरुद्ध अत्याचार केल्याचा आरोप आहे. तसेच हा प्रकार कुणाला सांगितल्यास पीडित मुलगी आणि तिच्या आई-वडिलांना जीवे मारण्याची धमकी दिल्याचे तक्रारीत नमूद करण्यात आले आहे. याप्रकरणी २६ वर्षीय तरुणाविरुद्ध पाचोड पोलिस ठाण्यात गुन्हा दाखल करण्यात आला आहे.
15 Oct 2026 01:25 PM (IST)
भारतीय रेल्वे तिकीट दर आणि प्रणालीत बदल करण्याचा विचार करत आहे. भारताची रेल्वे प्रणाली मोठ्या पुनर्रचनेसाठी सज्ज झाली आहे. अनेक दशकांपासून चालत आलेली पारंपरिक तिकीट दरांची रचना आणि फ्लेक्सी-फेअर प्रणालीमध्ये बदल करण्याची भारतीय रेल्वेची तयारी असल्याचे वृत्त आहे.डायनॅमिक सर्ज कॅप आणि लवचिक भाडे धोरणाचा नवीन प्रस्ताव विचाराधीन आहे. याअंतर्गत मागणी आणि पुरवठ्याच्या आधारावर रेल्वे तिकिटांचे दर आपोआप ठरवले जाणार आहेत. मात्र, अंतिम निर्णय केव्हा घेतला जाईल, त्यातील तरतुदी नेमक्या काय असतील?, हे अद्याप स्पष्ट झालेले नाही. ऐन हंगामात, सणासुदीच्या काळात मूळ तिकीट दरावर २५ टक्क्यांपर्यंत वाढीव दराची मर्यादा असेल. त्याच वेळी, कमी मागणी असलेल्या मार्गावरील प्रवाशांना १० ते २५ टक्क्यांची सरळ सवलत देण्याची तरतूद करण्यात येणार आहे.
15 Oct 2026 01:15 PM (IST)
डॉक्टर होण्याचे स्वप्न पाहणाऱ्या विद्यार्थ्यांसाठी एमबीबीएस पूर्ण करणे ही एक मोठी उपलब्धी असते. पण अनेक मेडिकल विद्यार्थी तिथेच थांबत नाहीत, तर पुढे एखाद्या विशिष्ट आजाराच्या किंवा उपचाराच्या क्षेत्रात तज्ज्ञ बनू इच्छितात. यासाठी त्यांना एमबीबीएसनंतर नीट-पीजी परीक्षा उत्तीर्ण होऊन पोस्ट ग्रॅज्युएशनमध्ये प्रवेश घ्यावा लागतो. अशा वेळी प्रश्न पडतो की, एमबीबीएसनंतर कोणत्या मेडिकल फिल्डमध्ये सर्वाधिक जागा असतात आणि विद्यार्थी कोणत्या विषयात सर्वाधिक एमडी (MD) करतात?
15 Oct 2026 01:05 PM (IST)
राज्यासह देशभरात गुन्हेगारी वाढली असून, वाढत्या गुन्हेगारीमुळे नागरिकांमध्ये दहशत निर्माण होत आहे. अशातच आता उमरखेड शहरातील नागचौक येथे पोलिस अधिकाऱ्यांवर तलवार व दगडाने जीवघेणा हल्ला करून गेल्या १० महिन्यापासून फसार असलेल्या मुख्य आरोपीला अटक करण्यात उमरखेड पोलिसांच्या डी. बी. पथकाला अखेर यश आले आहे. शेख अन्सार शेख इस्माईल (वय ३२, रा. उमरखेड) असे अटक करण्यात आलेल्या आरोपीचे आहे. त्याला नांदेड रोडवरून सापळा रचून ताब्यात घेण्यात आले.
15 Oct 2026 12:48 PM (IST)
गुन्हे शाखेच्या दरोडा व वाहनचोरी विरोधी पथकाने तब्बल १२ वर्षांपासून पोलिसांना गुंगारा देणाऱ्या एका आरोपीला जेरबंद केले आहे. घरफोडीच्या गुन्ह्यात तो गेल्या १२ वर्षांपासून फरार होता. त्याला कोथरूड परिसरात पकडण्यात आले. भगवान बाळू मरगळे (वय ३०, रा. शिवकल्याणनगर, पौड रोड, सुतारदरा, कोथरूड) याला अटक केली. सिंहगड रोड पोलिस ठाण्यात २०१५ मध्ये दाखल झालेल्या घरफोडीच्या गुन्ह्यात तो पोलिसांना हवा होता. ही कारवाई पोलिस निरीक्षक मारूती खेडकर यांच्या मार्गदर्शनाखाली प्रदीप राठोड, महिला अंमलदार साधना पवार व त्यांच्या पथकाने केली आहे.
15 Oct 2026 12:36 PM (IST)
स्पर्धा परीक्षेचा अभ्यास करताना झालेली ओळख, नंतर प्रेमसंबंध आणि विवाह; मात्र लग्नानंतर ४० लाख रुपये, फ्लॅट आणि चारचाकी गाडीच्या मागणीवरून विवाहितेचा शारीरिक व मानसिक छळ केल्याप्रकरणी गुन्हा नोंद करण्यात आल्याचा प्रकार समोर आला आहे. प्रशिक्षणार्थी उपनिरीक्षक पतीने सर्व्हिस वेपन दाखवून धमकावल्याचा आरोपही विवाहितेने केला आहे. याप्रकरणी सहकारनगर पोलिस ठाण्यात ३१ वर्षीय विवाहीतेने तक्रार दिली आहे. त्यानुसार पीएसआय पती राहुल शेषेराव राठोड (वय २९, रा. जयराम तांडा, पाचेगाव सर्कल, ता. गेवराई, जि. बीड) आणि राजू पवार (वय ४०, रा. बीड) यांच्याविरुद्ध गुन्हा दाखल केला आहे.
15 Oct 2026 12:24 PM (IST)
पुणे-नाशिक महामार्गावरील पिंपळवंडी (ता. जुन्नर) येथील कुकडी नदीच्या पुलावर अडवून मारहाण केल्यानंतर घाबरून पळताना पुलावरून खाली पडल्याने २४ वर्षीय तरुणाचा मृत्यू झाल्याची धक्कादायक घटना घडली आहे. शुक्रवारी (दि. ९) मध्यरात्रीनंतर घडलेल्या या घटनेमुळे परिसरात खळबळ उडाली आहे. याप्रकरणी आळेफाटा पोलिसांनी दोघांविरुद्ध गुन्हा दाखल केला आहे. दुर्गाकुमार दिनेशप्रसाद गुप्ता (वय २४, मूळ रा. बिहार, सध्या रा. कांदळी, ता. जुन्नर) असे मृत तरुणाचे नाव आहे.
15 Oct 2026 12:12 PM (IST)
मोशीतील बोऱ्हाडेवाडी परिसरात धारदार शस्त्राने वार करून एका महिलेचा खून केल्याची धक्कादायक घटना उघडकीस आली आहे. तिची ओळख पटू नये म्हणून चेहराही विद्रूप करण्यात आला होता. मात्र, गोपनीय माहिती आणि तांत्रिक विश्लेषणाच्या आधारे एमआयडीसी भोसरी पोलिसांनी मृत महिलेची ओळख पटवून खुनाच्या गुन्ह्याचा अवघ्या २४ तासांत उलगडा केला आहे. याप्रकरणी चार संशयितांना मंगळवारी (दि. १३ ऑक्टोबर) अटक करण्यात आली आहे. प्रियंका आकाश कांबळे (वय ३०, रा. मोरे वस्ती, टॉवर लाइन, चिखली) असे खून झालेल्या महिलेचे नाव आहे. आकाश ऊर्फ घाऱ्या रमेश कांबळे (वय २८, रा. बोऱ्हाडेवाडी, मोशी), प्रथम बालाजी कांबळे (२२, रा. गव्हाणे वस्ती, भोसरी), रोहित दिनेश शिंदे (वय १९) आणि दिनेश मधुकर वाघमारे (वय १९, दोघे रा. बोऱ्हाडेवाडी, मोशी) अशी अटक केलेल्यांची नावे आहेत.
15 Oct 2026 11:50 AM (IST)
एमबीए (MBA) शिक्षण पूर्ण केलेल्या विद्यार्थ्यांसाठी एलआयसी हाऊसिंग फायनान्स लिमिटेडने (LIC Housing Finance Limited) ‘मॅनेजमेंट ट्रेनी’ पदांसाठी भरती काढली आहे. या भरतीअंतर्गत मार्केटिंग आणि सेल्स विभागात एकूण ५० पदे भरली जातील. विशेष म्हणजे यामध्ये फ्रेशर्स देखील अर्ज करू शकतात. निवड झालेल्या ट्रेनी उमेदवारांना १ वर्षाच्या ट्रेनिंगदरम्यान दरमहा ४० ते ५० हजार रुपयांपर्यंत स्टायपेंड (मानधन) दिले जाईल. ट्रेनिंग पूर्ण झाल्यानंतर कंपनीच्या निश्चित निकषांवर खरे उतरणाऱ्या उमेदवारांना स्थायी पदावर नियुक्ती मिळू शकते
15 Oct 2026 11:35 AM (IST)
जागतिक विमान वाहतूक क्षेत्रात (International Aviation Sector) सध्या एक अत्यंत संवेदनशील आणि अभूतपूर्व घडामोडी समोर आली आहे. आंतरराष्ट्रीय विमान कंपनी ‘एअर फ्रान्स’ने (Air France) आपल्या ताफ्यातील पाकिस्तानी वैमानिक (Pilots) आणि केबिन क्रू (Cabin Crew) सदस्यांना इस्रायलकडे जाणाऱ्या किंवा इस्रायलहून येणाऱ्या विमानांमध्ये उड्डाण करण्यास आणि काम करण्यास पूर्णपणे बंदी घातली आहे
15 Oct 2026 11:25 AM (IST)
अमेरिकन सरकारने बुधवारी संध्याकाळी किरकोळ महागाईची आकडेवारी जाहीर केली. ही आकडेवारी समोर येताच बराच मोठा धक्का फक्त अमेरिकेलाच नाही तर संपूर्ण जगभराला बसला आहे. महागाईच्या झळा आता थेट अमेरिकेलाही बसताना दिसत आहेत. या आकडेवारीनुसार, अमेरिकेत किरकोळ महागाई वाढली आहे. महागाईची आकडेवारी जाहीर होताच, बुधवारी रात्री 8 वाजण्याच्या सुमारास कमोडिटी मार्केटमध्ये सोन आणि चांदीच्या दरात लक्षणीय घसरण झाली. पण भारतीय बाजारात काय परिस्थिती?
15 Oct 2026 11:15 AM (IST)
१६ऑक्टोबरला सीजेपी प्रमुख अभिजीत दिपकेंच ‘लेहरा दो तिरंगा’चं आवाहन कॉकरोच जनता पार्टीचे प्रवक्ते आशुतोष रांका आणि सौरव दास यांना जंतरमंतरवर तिरंगा फडकावल्या प्रकरणी आणि घोषणाबाजी केल्याप्रकरणी दिल्ली पोलिसांनी अटक केली. त्यानंतर त्यांना पाच दिवसांच्या न्यायालयीन कोठडीतही पाठण्यात आले आहे.
15 Oct 2026 11:10 AM (IST)
पश्चिम उपनगरांमधील तीव्र वाहतूककोंडीतून वाहनचालकांची सुटका करण्यासाठी बृहन्मुंबई महापालिकेतर्फे उभारण्यात येणारा जेव्हीपीडी (जुहू-विलेपार्ले डेव्हलपमेंट स्कीम) उड्डाणपूल निर्धारित मुदतीपूर्वी, म्हणजेच ३१ डिसेंबर २०२७ पर्यंत वाहतुकीसाठी खुला करण्याचे उद्दिष्ट पालिकेने ठेवले आहे.
15 Oct 2026 11:05 AM (IST)
एका प्रतिष्ठित संस्थेची पदवी आणि दोन दशकांपेक्षा जास्त अनुभव सामान्यतः मजबूत करिअरची ओळख मानली जाते. पण अमेरिकेत राहणाऱ्या गौतम देव यांची कहाणी हे दर्शवते की, बदलत्या जॉब मार्केटमध्ये अनुभव आणि पदवी असूनही परिस्थिती किती वेगाने बदलू शकते. आयआयटी कानपूरमधून (IIT Kanpur) शिक्षण घेतलेले आणि तंत्रज्ञान क्षेत्रात २० वर्षांहून अधिक अनुभव असलेले ६१ वर्षीय गौतम आज स्थायी नोकरीच्या शोधात आहेत.
15 Oct 2026 10:56 AM (IST)
बॉलिवूड अभिनेता इम्रान खान गेल्या काही दिवसांपासून सतत चर्चे आहे. त्याच्या संदर्भात एक मोठी बातमी आली असून त्याच्या आडचणी वाढत असल्याचे दिसत आहे. इम्राम काही दिवसांपूर्वी मुख्य निवडणुक आयुक्त ज्ञानेश कुमार यांच्या राजीनाम्याच्या मागणीसाठी मुंबईतील क्रांती मैदानवार झालेल्या आंदोलनात सहभागी झाला होता. त्यावेळी पोलिसांनी अनेक जणांना ताब्यात देखील घेतले होते. यासगळ्यात अभिनेता इम्रान खान देखील सामील होता. यानंतर, मुंबई पोलिसांनी इम्रान खानला २८ ऑक्टोबर पर्यंत भारत सोडून जाण्य्ची नोटीस बजावली आहे. खानकडे अमेरिकेचे नागरिकत्व आहे. त्यामुळे, भारतीय नागरिक नसतानाही भारतात अशा आंदोलनात सहभागी झाल्याबद्दल इमिग्रेशन कायद्याच्या संबंधित कलमांतर्गत अभिनेत्यावर कारवाई करण्यात आली आहे.
15 Oct 2026 10:50 AM (IST)
IT क्षेत्रात मोठ्या प्रमाणावर कर्मचाऱ्यांना बाहेरचा रस्ता दाखवण्याचा सिलसिला सुरुच आहे. गेल्या काही काळांपासून या कंपन्यांमध्ये कर्मचारी कपातीची लाट दिसून येत आहे. आता हा वारा सगळ्याच क्षेत्रात घुसतोय का ? असा प्रश्न उभा राहिला आहे. कारण जगातील सर्वात मोठ्या ओटीटी प्लॅटफॉर्म नेटफ्लिक्सने मोठा निर्णय घेतला आहे. नेटफ्लिक्सदेखील लवकरच कर्मचारी कपात करणार आहे. कंपनी आपल्या कर्मचारी संख्येत अंदाजे 6 % इतकी कमात करण्याची योजना आखत आहे. याचा तब्बल 1000 कर्मचाऱ्यांना फटका बसू शकतो. या कपाती मागे नेमकं काय आहे कारण?
15 Oct 2026 10:40 AM (IST)
ज्येष्ठ अभिनेते नाना पाटेकर यांच्या निधनाच्या वृत्ताने चित्रपटसृष्टीत शोककळा पसरली आहे. त्यांच्या जाण्याने मराठी आणि हिंदी चित्रपटसृष्टीतील चाहत्यांना मोठा धक्का बसल्याचे सांगितले जात आहे. दरम्यान, १४ ऑक्टोबर रोजी मुंबईत नाना पाटेकर यांच्या स्मरणार्थ शोकसभेचे आयोजन करण्यात आले होते. या सभेला मराठी चित्रपटसृष्टीतील अनेक कलाकार आणि प्रशासकीय क्षेत्रातील मान्यवरांनी उपस्थित राहून त्यांना श्रद्धांजली अर्पण केली. मात्र, बॉलिवूडमधील अनेक प्रसिद्ध कलाकार या शोकसभेला उपस्थित नसल्याची चर्चा सुरू झाली आहे.
15 Oct 2026 10:30 AM (IST)
सध्या राज्यात उन्हाचा कडाका वाढताना दिसत आहे. या वाढत्या उन्हामुळे घराबाहेर पडणेही अवघड झाले आहे. ‘ऑक्टोबर हिट’चा फटका बसत असतानाच आता हवामान विभागाकडून पावसाचा इशारा देण्यात आला आहे. कोकणात उष्ण आणि दमट हवामानाचा त्रास जाणवू शकतो. त्याचवेळी राज्याच्या विविध भागांत पुढील 4 ते 5 दिवस विजांच्या कडकडाटासह वादळी पाऊस पडण्याची शक्यता हवामान विभागाने वर्तवली आहे.
15 Oct 2026 10:20 AM (IST)
सध्या सर्वत्र नवरात्रोत्सवाचा दांडगा उत्साह पाहायला मिळत आहे. देवीच्या भक्तीत आणि आराधनेत तल्लीन झालेल्या या पवित्र वातावरणात नवी मुंबईतील विविध भागांतून एक अत्यंत गंभीर आणि चिंताजनक प्रकार समोर आला आहे. गणेशोत्सवाप्रमाणेच आता नवरात्रोत्सवाच्या मंडळांमध्ये आणि गल्लीबोळांमध्ये जुगाराचे अड्डे मोठ्या प्रमाणावर थाटण्यात आल्याची चर्चा नागरिकांमध्ये सुरू आहे. तर समारंभाच्या नावाखाली सुरू असलेल्या या अवैध धंद्यांवर नवी मुंबई पोलीस कठोर कारवाई करणार का? पोलीस आयुक्त मिलिंद भारंबे या प्रकरणाची गुप्त चौकशी करून संबंधितांवर बडगा उगारणार का? याकडे संपूर्ण नवी मुंबईचे लक्ष लागले आहे.
15 Oct 2026 10:10 AM (IST)
ठाण्यातील मनपाडा परिसरात शिवसेना ठाकरे गटाचे नेते प्रदीप पूर्णेकर यांच्या हत्येची घटना ताजी असतानाच उल्हासनगरमध्ये पुन्हा गोळीबाराचा थरार घडला आहे. उल्हासनगर रेल्वे स्टेशनबाहेरील अत्यंत वर्दळीच्या रस्त्यावर बुधवारी रात्री सव्वा आठच्या सुमारास स्थानिक प्रसिद्ध युट्यूबर हरीश गजवानी यांची गोळ्या झाडून हत्या करण्यात आली. अज्ञात हल्लेखोरांनी पाठीमागून येत गजवानी यांच्या डोक्यात अगदी जवळून दोन गोळ्या झाडल्या. या हल्ल्यात त्यांचा जागीच मृत्यू झाला. या घटनेमुळे उल्हासनगरसह संपूर्ण ठाणे जिल्ह्यात खळबळ उडाली आहे.
15 Oct 2026 10:00 AM (IST)
भारत आणि वेस्ट इंडिज (India vs West Indies) यांच्यातील पाच सामन्यांच्या टी-२० मालिकेतील चौथा सामना अत्यंत रोमहर्षक आणि उत्कंठावर्धक ठरला. या सामन्यात भारतीय संघाला २४ धावांनी पराभवाला सामोरे जावे लागले असून, या विजयासह वेस्ट इंडिजने मालिकेत २-२ अशी बरोबरी साधली आहे. आता मालिकेचा अंतिम फैसला ५ व्या आणि अखेरच्या सामन्यात होणार आहे. प्रथम फलंदाजी करताना वेस्ट इंडिजच्या फलंदाजांनी भारतीय गोलंदाजीची चांगलीच धुलाई केली. निर्धारित २० षटकांत ३ गडी गमावून त्यांनी तब्बल २४७ धावांचा डोंगर उभा केला.
15 Oct 2026 09:50 AM (IST)
ठाण्यातील ठाकरे गटाचे विभागप्रमुख प्रदीप पूर्णेकर यांच्या निर्घृण हत्या प्रकरणात आता राजकीय आणि कायदेशीर पातळीवर मोठे वादळ उठले आहे. मृत प्रदीप पूर्णेकर यांच्या कुटुंबीयांची ठाण्यातील घरी जाऊन भेट घेतल्यानंतर प्रसिद्ध वकील ॲड. गुणरत्न सदावर्ते आणि त्यांच्या पत्नी जयश्री पाटील यांनी घेतलेली पत्रकार परिषद सध्या चर्चेच्या केंद्रस्थानी आली आहे. या पत्रकार परिषदेत ॲड. सदावर्तेंनी थेट उपमुख्यमंत्री एकनाथ शिंदे यांचे नाव घेत गंभीर आरोप केले आहेत.
15 Oct 2026 09:40 AM (IST)
Supreme Court Hearing Gyanesh Kumar: मुख्य निवडणूक आयुक्त (CEC) ज्ञानेश कुमार आणि निवडणूक आयोगाच्या कारभाराविरोधात 'इंडिया' (INDIA) आघाडीने रान उठवले आहे. मतदार याद्यांमधील कथित अनियमितता, मोठ्या प्रमाणावर नावे वगळणे आणि विशेष सखोल पुनरीक्षण (SIR) प्रक्रियेत मुख्य निवडणूक आयुक्तांनी एकतर्फी निर्णय घेतल्याचा आरोप करत काँग्रेस नेते राहुल गांधी यांच्यासह विरोधी पक्षांतील ११ प्रमुख नेत्यांनी सर्वोच्च न्यायालयात (Supreme Court) याचिका दाखल केली आहे. या महत्त्वपूर्ण याचिकेवर आज सुनावणी होणार असून संपूर्ण देशाचे लक्ष याकडे लागले आहे. विरोधी पक्षांच्या तीव्र निदर्शनांनंतर राहुल गांधी आणि इतर नेत्यांनी सर्वोच्च न्यायालयात याचिका दाखल केली. या याचिकेवर सर्वोच्च न्यायालय काय भूमिका घेते, याकडे सर्वांचे लक्ष आहे.
15 Oct 2026 09:30 AM (IST)
राज्य सरकारने छोट्या, निरुपयोगी आणि अडकलेल्या (Land-locked) सरकारी जमिनींच्या विल्हेवाट लावण्याच्या धोरणात मोठे बदल करत यासंदर्भातील मर्यादा वाढवण्यास मंजुरी दिली आहे. या निर्णयामुळे आता लगतच्या भूखंडधारकांना मिळणाऱ्या सरकारी जमिनींचे क्षेत्रफळ वाढणार आहे.
ऑगस्ट २०२५ च्या धोरणानुसार, अशा प्रकारच्या जमिनी लगतच्या (शेजारील) भूखंडधारकाला देताना त्याचे क्षेत्रफळ लगतच्या जमिनीच्या एकूण क्षेत्राच्या १० टक्क्यांपेक्षा जास्त नसावी, अशी अट होती. मात्र, लोकप्रतिनिधींच्या सततच्या मागणीनंतर सरकारने ही मर्यादा थेट २५ टक्क्यांपर्यंत वाढवली आहे.






