बुधवार, 14 ऑक्टोबर 2026
Today's Maharashtra Breaking News Updates in marathi 14.10.2026
Maharashtra to World Breaking News :
दिल्ली पोलिसांनी CJP चे सहसंयोजक सौरव दास, आशुतोष रांका आणि अजिंक्य शिंदे यांना जंतर-मंतर परिसराचे कुंपण ओलांडून आत घुसल्यामुळे आणि घोषणाबाजी केल्यामुळे अटक केली आहे. दिल्लीतील जंतर-मंतर परिसरात प्रवेशावर बंदी असतानाही बेकायदेशीरपणे प्रवेश केल्याप्रकरणी पक्षाच्या तीन प्रमुख नेत्यांना अटक करण्यात आली आहे.
भारतीय क्रिकेटपटू शुभमन गिल आणि महिला फलंदाज शिफाली वर्मा यांना सप्टेंबर २०२६ महिन्यासाठीचा ‘ICC प्लेयर ऑफ द मंथ’ पुरस्कार जाहीर झाला. ‘SIR’ प्रक्रियेतील त्रुटी आणि मुख्य निवडणूक आयुक्त ज्ञानेश कुमार यांच्या राजीनाम्याच्या मागणीवरून ‘इंडिया’ आघाडीचे दिल्लीतील आंदोलन तीव्र झाले आहे.
यूपीआय (UPI) वर ₹२००० पेक्षा जास्त व्यापारी व्यवहारांवर लागू होणारा मर्चंट डिस्काउंट रेट (MDR) नियम दिवाळीनंतर लागू करण्याचा एनपीसीआयचा (NPCI) महत्त्वपूर्ण निर्णय घेण्यात आला आहे. मुंबईत सलग तिसऱ्या दिवशी ऑक्टोबर हीटचा तडाखा कायम असून कमाल तापमान ३८ अंश सेल्सिअसच्या पार गेल्याने नागरिकांना तीव्र उकाड्याचा सामना करावा लागत आहे.
14 Oct 2026 09:16 AM (IST)
पुणे : गेल्या काही दिवसांपासून वातावरणात कमालीचा बदल पाहिला मिळत आहे. वाढत्या तापमानामुळे उष्णतेचा चांगलाच तडाखा बसत आहे. मात्र, आता ‘ऑक्टोबर हिट’मुळे वाढलेला उकाडा कमी होण्याची शक्यता निर्माण झाली आहे. बंगालच्या उपसागरातील हवामानाची स्थिती आणि दक्षिण भारतात ईशान्य मॉन्सूनच्या पावसासाठी अनुकूल होत असलेल्या वातावरणामुळे राज्यातील काही भागांत पावसाची शक्यता आहे.
14 Oct 2026 09:05 AM (IST)
पुणे विभाग शिक्षक मतदारसंघाच्या निवडणुकीच्या पार्श्वभूमीवर राजकीय घडामोडींना वेग आला असून, या निवडणुकीत अपक्ष उमेदवार प्रा. सचिन सानप यांना शिवसेनेचा (शिंदे गट) पाठिंबा मिळण्याची दाट शक्यता निर्माण झाली आहे. शासकीय निवासस्थान असलेल्या 'नंदनवन' येथे पार पडत असलेल्या बैठकीमध्ये प्रा. सचिन सानप यांच्या नावावर आणि त्यांना पाठिंबा देण्याबाबत गांभीर्याने चर्चा सुरू असल्याची माहिती समोर आली आहे. सचिन सानप हे स्वतः एक प्राध्यापक असून, ते गेल्या अनेक वर्षांपासून सातत्याने शिक्षकांचे विविध प्रश्न आणि त्यांच्या अडीअडचणी लावून धरत आहेत.
