#BMCelection #MumbaiPolitics #ShivSena #MNS #GoldPrices #महापालिकानिवडणूक #पुणेमहापालिकानिवडणूक, #महाराष्ट्रस्थानिकस्वराज्यसंस्थानिवडणूक
Marathi Breaking news live updates: राज्यातील 246 नगरपरिषदा आणि 42 नगरपंचायतींच्या निवडणुकांसाठी (Nagarparishad-Nagarpanchayat Election 2025) उमेदवारी अर्ज भरण्याची प्रक्रिया आजपासून (10 नोव्हेंबर) सुरू होत आहे. या प्रक्रियेसाठी आठ दिवसांची मुदत देण्यात आली असून 17 नोव्हेंबर हा अर्ज दाखल करण्याचा शेवटचा दिवस असेल.
राज्यातील विविध पक्षांनी उमेदवारांच्या निवडीसाठी मुलाखतींची प्रक्रिया सुरू केली आहे. मात्र, अनेक ठिकाणी महायुती (Mahayuti) आणि महाविकास आघाडी (Mahavikas Aghadi) यांच्यातील आघाडीची रूपरेषा अद्याप स्पष्ट झालेली नाही. निवडणुकीसाठी 2 डिसेंबरला मतदान होणार असून 3 डिसेंबरला निकाल जाहीर केला जाणार आहे.
10 Nov 2025 05:57 PM (IST)
सुशांत सिंग राजपूतच्या मृत्यूला पाच वर्षे उलटून गेली आहेत. पण त्याच्या मृत्यूच्या सीबीआय चौकशीने रिया चक्रवर्तीचे आयुष्य पूर्णपणे बदलून टाकले आहे. तिने केवळ सार्वजनिक टोमणे सहन केले नाहीत तर तुरुंगवासही भोगला. आता तिने खुलासा केला आहे की जेव्हा सर्व काही बिघडत होते तेव्हा हनुमान चालीसाने तिला शक्ती आणि शांती दिली.
10 Nov 2025 05:40 PM (IST)
जम्मू आणि काश्मीर पोलिसांनी जैश-ए-मोहम्मद (जेईएम) आणि अन्सार गजवत-उल-हिंद (एजीयूएच) शी संबंधित आंतरराज्यीय आणि आंतरराष्ट्रीय दहशतवादी मॉड्यूलचा पर्दाफाश करून एक मोठी दहशतवादविरोधी कारवाई सुरू केली आहे. या कारवाईत दोन डॉक्टरांसह सात जणांना अटक करण्यात आली आहे.
10 Nov 2025 05:22 PM (IST)
टाटा देशभरात विक्रीसाठी अनेक उत्कृष्ट एसयूव्ही ऑफर करते. वृत्तांनुसार, गेल्या महिन्यात टॉप 5 यादीत Tata Nexon सर्वाधिक मागणी असलेली एसयूव्ही होती. गेल्या महिन्यात, या एसयूव्हीच्या 22083 युनिट्स विकल्या गेल्या.
10 Nov 2025 05:10 PM (IST)
मुंबई क्रिकेट असोसिएशन (MCA) च्या आगामी निवडणुकांसाठी सुरू असलेली जोरदार राजकीय रस्सीखेच अखेर संपुष्टात आली असून, अजिंक्य नाईक यांची अध्यक्षपदी बिनविरोध निवड झाली आहे. एमसीए पदाधिकारी, ॲपेक्स कौन्सिल आणि टी२० मुंबई गव्हर्निंग कौन्सिलच्या निवडणुका १२ नोव्हेंबर रोजी होणार होत्या, मात्र अध्यक्षपदाचा तिढा अर्ज मागे घेण्याच्या अंतिम क्षणी सुटला.
10 Nov 2025 04:50 PM (IST)
सांगली महापालिका क्षेत्रामध्ये भटक्या कुत्र्यांनी व जनावरांनी अक्षरशः धुमाकूळ घातला आहे.हजारोच्या संख्येने असणाऱ्या भटक्या कुत्र्यानी वृद्ध महिला,वाहन चालक व बालक यांच्यावर हल्ले चढवली जात आहेत. काहींना यांच्या हल्ल्यात प्राण ही गमवावा लागला आहे.ही भटकी कुत्री संपूर्ण महापालिका क्षेत्रात घाण करत आहेत.तसेच गाड्यांचे नुकसान करीत आहे.या विरोधामध्ये काही महिन्यापूर्वी हिंदू एकता आंदोलनाने सांगली महापालिकेच्या आयुक्त यांना भेटून निवेदन दिले होते,व या भटक्या कुत्र्यांना पकडून महापालिकेच्या वतीने तातडीने "निवारा केंद्र बांधून" त्यामध्ये त्यांना कोंडून अशी मागणी केली होती.अशी मागणी केली होती. यावर महापालिकेचे आयुक्त यांनी समडोळी रोडवरील कचरा डेपो जवळ असलेल्या महापालिकेच्या भूखंडावर निवारा केंद्र बांधून कुत्र्यांना पकडून त्या निवारा केंद्रामध्ये बंदिस्त करून भटक्या कुत्र्यांचा प्रश्न मार्गी लावू असा शब्द दिला होता. त्याचेपुढे झाले काय आता सर्वोच्च न्यायालयाने भटकी कुत्री सार्वजनिक ठिकाणाहून हटवून त्यांची 'नसबंदी' करून त्यांना पाळीव प्राणी निवारा घरात हलवावे असे आदेश सर्व राज्याना दिले आहेत.त्याची अंमलबजावणी महापालिकेने तातडीने करावी अन्यथा सांगली महापालिका हद्दीतील भटकी कुत्रे पकडून महापालिकेच्या आवारात आणून सोडण्यात येतील असा इशारा माजी आमदार नितीन शिंदे यांनी दिलाय.
10 Nov 2025 04:45 PM (IST)
दिंडोरी तालुक्यातील वनी येथील द्राक्ष उत्पादक माधव बागुल यांनी आज शासनाचा नाकर्तेपणाचा ध्यास घेऊन हाताच्या फोडा सारखी तयार केलेली द्राक्ष बाग ही आता हातात कुऱ्हाड घेऊन तोडण्याची वेळ आलेली आहे. गट नंबर 419 मधील ही द्राक्ष बाग उभी करण्यासाठी लाखो रुपयांचा खर्च त्यांना आला होता. परंतु या वर्षी जोरदार झालेल्या पावसाने द्राक्ष बाग फेल गेल्याने तलाठी यांच्याकडे वारंवार फेऱ्या घालून सुद्धा त्यांनी पंचनामा न केल्याने आज द्राक्ष बाग तोडण्याची वेळ द्राक्ष उत्पादक माधव बागुल या शेतकऱ्यांवरती आलेली आहे. तरी शासनाने ज्यांच्या खरोखर बागांचे नुकसान झाले आहे, अशा शेतकऱ्यांच्या बांधावर जाऊन पंचनामा करण्याची मागणी द्राक्ष उत्पादक शेतकरी बागुल यांनी केली आहे.
10 Nov 2025 04:40 PM (IST)
राज्याचे जलसंपदा मंत्री राधाकृष्ण विखे पाटील यांच्या वादग्रस्त कर्जमाफी वक्तव्यावरून सुरू झालेला संघर्ष आता आणखी पेटण्याची चिन्ह निर्माण झाली आहेत. या वक्तव्याचा निषेध करत, प्रहार जनशक्ती पक्षाचे अध्यक्ष माजी मंत्री बच्चू कडू यांनी थेट विखे पाटलांची गाडी फोडणाऱ्यास एक लाख रुपयांचे बक्षीस जाहीर केले होते. या आव्हानाला प्रत्युत्तर म्हणून, आता विखे पाटील समर्थक आणि भाजप कार्यकर्त्यांनी बच्चू कडू यांना काळे फासणाऱ्याला दोन लाख रुपयांचे बक्षीस जाहीर केले आहे.
10 Nov 2025 04:35 PM (IST)
ऐतिहासिक ठाणे रेल्वे स्थानकात आज खासदार नरेश मस्के यांनी विविध विकास कामांचा पाहणी दौरा केला. दिवसेंदिवस वाढणाऱ्या प्रवाशांची संख्या लक्षात घेता 12 डब्यांच्या लोकलच्या डब्यांची संख्या १५ करून, फलाट क्रमांक दोन, तीन आणि चार यांची लांबी वाढविण्यासाठी त्यांनी आदेश दिले. पलट क्रमांक तीन आणि चार मुंबई दिशेने असलेले छोटेसे हनुमानाचे देऊळ देखील विधिवत पुढे हलवून फलाटाची लांबी वाढवावी असे आदेश त्यांनी दिले. खासदार झाल्यानंतर चार नवीन एस्केलेटर्स लावण्यात आले व पावसामुळे रखडलेल्या एस्केलेटर्सची कामे जलदगतीने मार्गी लावणार. कॅन्टीन, शौचालये व वेटिंग रूम्स अद्यायावत करणे व dmart ला कंत्राटी पद्धतीने दिलेली दोन कामे सुरूच न केल्याने ती रेल्वेने दुसऱ्या एजन्सी ला देऊन पूर्ण करावेत असे निर्देश दिले. ठाणे रेल्वे स्थानाकाचे आधुनिकीकारण जलदगतीने व्हावे. मुंब्रा रेल्वे अपघाताची सखोल चौकशी करून दोषींवर कारवाई होईल असे आश्वासन त्यांनी दिले. रेल्वेच्या जमिनीवरील झोपडपट्ट्या हटवून त्यांना पर्यायी जागा देण्यात येईल व ठाणे मुलुंड मधील स्थानकाचे काम कायदेशीर प्रश्न मार्गी लावून पूर्ण करण्यात येईल.
10 Nov 2025 04:30 PM (IST)
होऊ घातलेल्या स्थानिक स्वराज्य संस्थांच्या निवडणुकीमध्ये हद्दपार करण्यात आलेल्या त्याचबरोबर ज्यांना मोका अंतर्गत कारवाई करण्यात आलेली आहे अशा गुन्हेगारांना तसेच देशासाठी आहुती दिलेल्या शहिदांच्या कुटुंबीयांना आणि तृतीय पंथीयांना उमेदवारी देण्याचा मोठा निर्णय राष्ट्रीय विकास सेनेने घेतलाय.
10 Nov 2025 04:25 PM (IST)
माणगाव तालुक्यात मे महिन्यापासून मुसळधार व अवकाळी पाऊस पडत आहे. शेतात साचलेल्या पाण्यामुळे बुरशीजन्य रोगांच फैलाव झाला असून भाताच्या लोंबी गळणे, दाणे काळे पडणे, कुजून कोंबे येणे, कापलेला भाताचा पेंडा कुजणे असे प्रकार झाले आहेत. शेतकऱ्याचे १००% पीक वाया गेले आहे. आमदार, खासदार, राज्यकर्ते फक्त घोषणा करीत आहेत. प्रत्यक्षात मात्र कोणतेही मदत शेतकऱ्याला अद्याप मिळाली नाही. शासनाने प्रत्यक्ष पाहणी करून ओला दुष्काळ जाहीर करावा व शेतकऱ्यांना सरसकट भरीव ५० हजार रुपये आर्थिक मदत द्यावी. मदत न मिळाल्यास शेतकरी संघटना आक्रमक होऊन उग्र आंदोलन करेल अशा इशारा यावेळी ज्ञानदेव पोवार यांनी दिला. या मोर्चात माणगाव तालुक्यातील बहुतांशी गावातील शेतकरी बांधव सहभागी झाले होते. यावेळी तहसीलदारांना शेतकरी संघटनेतर्फे निवेदन देण्यात आले.
10 Nov 2025 04:20 PM (IST)
पार्थ पवार यांच्या कथित जमीन घोटाळ्यानंतर राज्यभर विरोधक आक्रमक झाले असून, त्याच पार्श्वभूमीवर आज मीरा-भाईंदर शहरात काँग्रेस, महाराष्ट्र नवनिर्माण सेना आणि उद्धव बाळासाहेब ठाकरे गटाच्या पदाधिकाऱ्यांनी भाईंदर (पश्चिम) येथील उपनिबंधक (रजिस्टर) कार्यालयासमोर जोरदार आंदोलन केले.या आंदोलनादरम्यान कार्यकर्त्यांनी “मुद्रांक शुल्क घोटाळा थांबवा” आणि “सत्ताधारी जनता लुबाडत आहेत” अशा घोषणा दिल्या. आंदोलकांनी पार्थ पवार यांच्यावर आरोप करत, त्यांनी मुद्दाम मुद्रांक शुल्कात मोठ्या प्रमाणावर घोटाळा केल्याचा दावा केला.
10 Nov 2025 04:15 PM (IST)
कल्याण डोंबिवलीच्या राजकारणात शिवसेना आणि भाजपच्या कुरघोडीमुळे राजकारण चांगलेच तापले आहे. महायुतीच्या पाढा वाचणाऱ्या दोन्ही पक्षांनी एकमेकांना धक्के देण्यास सुरुवात केली आहे. भाजप प्रदेशाध्यक्ष रविंद्र चव्हाण यांनी शिवसेना शिंदे गटाचे पाच पदाधिकारी आणि दोन माजी नगरसेवक भाजपमध्ये घेतल्यानंतर सहा तासाच्या आतच शिवसेना शिंदे गटाने भाजपला धक्का दिला. भाजपचे माजी नगरसेवक विकास म्हात्रे आणि त्याची पत्नी कविता मात्रे यांचा उपमुख्यमंत्री एकनाथ शिंदे यांच्या उपस्थितीत प्रवेश झाला. त्यामुळे कल्याण डोंबिवलीच्या राजकारणात नाराजी नाट्य सुरु झाले आहे . मनसेनेही या दाेन्ही पक्षाच्या कुरघोडीवर दोन्ही पक्षांना टोला लगावला आहे.
10 Nov 2025 04:10 PM (IST)
राज्याचे जलसंपदा मंत्री राधाकृष्ण विखे पाटील यांच्या वादग्रस्त कर्जमाफी वक्तव्यावरून सुरू झालेला संघर्ष आता आणखी पेटण्याची चिन्ह निर्माण झाली आहेत. या वक्तव्याचा निषेध करत, प्रहार जनशक्ती पक्षाचे अध्यक्ष माजी मंत्री बच्चू कडू यांनी थेट विखे पाटलांची गाडी फोडणाऱ्यास एक लाख रुपयांचे बक्षीस जाहीर केले होते. यावर मंत्री राधाकृष्ण विखे पाटील यांनी प्रतिक्रिया देताना तो विषय माझ्यासाठी संपला आहे असं सांगत बच्चू कडू माझे मित्र आहेत त्यांना भेटून बोलेल असं म्हटलं आहे तर अहिल्यानगर जिल्ह्यातील विखे समर्थकांनी बच्चू कडू यांच्या आव्हानाला प्रति आवाहन देत बच्चू कडू यांची यांची गाडी फोडणाऱ्यांना बक्षीस जाहीर केला आहे यावर बोलताना देखील विखे पाटील यांनी आपल्या नेत्याबद्दल कोणी काही बोललं तर अशी प्रतिक्रिया येणं सहाजिक आहे मात्र असं कोणत्याही कार्यकर्त्यांनी करू नये असं आवाहन केलं असल्याचं म्हटलं आहे. त्याचबरोबरच आपण बच्चू कडू यांच्या बोलणार असल्याचे देखील मंत्री विखे पाटील यांनी म्हटले आहे.
10 Nov 2025 04:03 PM (IST)
कुडाळ एमआयडीसीमध्ये नुकत्याच काम सुरू करण्यात आलेल्या कुडाळ नगरपंचायतीच्या कचरा डेपोला स्थानिक, भू प्रकल्पग्रस्त, निवासी भूखंडधारक, न्याहारी व्यावसायिक यांनी जोरदार विरोध दर्शविला आहे. कचरा डेपो प्रकल्प एमआयडीसीमध्ये नकोच यासाठी आज स्थानिक, भू प्रकल्पग्रस्त, निवासी भूखंड धारक, न्याहारी व्यावसायिक यांनी लाक्षणिक उपोषण करून जोरदार विरोध केला. तसेच उद्योगमंत्र्यानी तत्काळ सदर प्रकल्पास स्थगिती द्यावी अशी मागणी करण्यात आली आहे.
10 Nov 2025 03:55 PM (IST)
बॉलिवूड अभिनेते धर्मेंद्र यांची प्रकृती पुन्हा एकदा बिघडली आहे. यावेळी त्यांची प्रकृती गंभीर असल्याचे सांगितले जात आहे. त्यांना अलिकडेच मुंबईतील ब्रीच कँडी रुग्णालयात दाखल करण्यात आले होते.
10 Nov 2025 03:45 PM (IST)
अलीकडच्या काळात जगात मुले लहान वयातच इंटरनेटचा वापर करु लागली आहेत. युनायटेड नेशन्सच्या आकडेवारीनुसार, जगातील प्रत्येक अर्ध्या सेकंदाला एक मूल ऑनलाइन जगात प्रवेश करत आहे. पण या ऑनलाइन क्रांतीने अनेक गंभीर आव्हानेही उभी राहिली आहे.
10 Nov 2025 03:33 PM (IST)
भारतीय संघाचे मुख्य प्रशिक्षक गौतम गंभीर यांनी टीम इंडियाच्या सध्याच्या मानसिकतेवर आपले विचार मांडले. त्यांनी सांगितले की, भारतीय संघ जबाबदारी, सचोटी आणि निकालाभिमुख मानसिकतेवर भर देऊन २०२६ मध्ये होणाऱ्या टी-२० विश्वचषकाची तयारी करत आहे.
10 Nov 2025 03:24 PM (IST)
कोल्हापूरमधील वस्त्रोद्योगनगरी म्हणून ओळखल्या जाणाऱ्या इचलकरंजीत आता कामगार वर्गासाठी कर्मचारी राज्य विमा महामंडळ (ईएसआय) तर्फे शहर मल्टिस्पेशालिटी रुग्णालय उभारण्याच्या प्रस्तावाला राज्य शासनाकडून सकारात्मक परिसरात प्रतिसाद मिळत आहे. लवकरच या प्रकल्पास मंजुरी मिळून प्रत्यक्ष कामास सुरुवात होण्याची शक्यता असून कामगारांना लवकरच अत्याधुनिक उपचार मिळू शकतात.
10 Nov 2025 03:12 PM (IST)
उत्तर प्रदेशातील सर्व शाळांमध्ये राष्ट्रगीत वंदे मातरम गाणे अनिवार्य करण्यात आले. गोरखपूरमधील एकता पदयात्रेदरम्यान मुख्यमंत्री योगी यांनी मोठी घोषणा केली. मुख्यमंत्री योगी म्हणाले, “कोणताही धर्म राष्ट्रापेक्षा मोठा असू शकत नाही.”
10 Nov 2025 02:56 PM (IST)
भारत आणि दक्षिण आफ्रिका यांच्यामध्ये भारताचा संघ कसोटी मालिकेसाठी तयार झाला आहे. इंग्लडविरुद्ध मालिका झाल्यानंतर भारतीय संघाची वेस्ट इंडिजविरुद्ध मालिका खेळवण्यात आली होती. यामध्ये भारताच्या संघाने दोन्ही सामन्यामध्ये विजय मिळवून मालिका नावावर केली होती. टी-२० क्रिकेटच्या उत्साहानंतर, आता कसोटी क्रिकेटच्या थरारांची वेळ आली आहे. भारत आणि दक्षिण आफ्रिका यांच्यातील दोन सामन्यांची कसोटी मालिका १४ नोव्हेंबरपासून सुरू होत आहे.
10 Nov 2025 02:35 PM (IST)
छत्रपती संभाजीनगर: अभियांत्रिकी क्षेत्रात गेल्या काही वर्षांमध्ये कम्युटर आणि त्याच्याशी निगडित कृत्रिम प्रज्ञा, डेटा सायन्स, मशीन लर्निंग, माहिती तंत्रज्ञान, कम्प्युटर टेक्नॉलॉजी, कम्प्युटर सायन्स अशा अभ्यासक्रमांकडे विद्यार्थ्यांचा कल वाढला होता. मात्र, गेल्या वर्षीच्या तुलनेत या अभ्यासक्रमांना विद्यार्थ्यांचा प्रतिसाद यंदा घटल्याचे आकडेवारीतून समोर आले आहे. अभियांत्रिकीच्या अभ्यासक्रमांपैकी १०८ मेकॅनिकल, ऑटोमोबाइल, सिव्हिल या मूलभूत मानल्या जाणाऱ्या शाखांकडे विद्यार्थी पुन्हा वळले असून, काही नव्या अभ्यासक्रमांनाही पसंती मिळत आहे.
10 Nov 2025 02:30 PM (IST)
राष्ट्रीय गान असलेल्या वंदे मातरम या गीताला 150 वर्षे पूर्ण झाली आहे. वंदे मातरम् हे बंकिमचंद्र चॅटर्जी यांनी १८७० मध्ये लिहिलेले एक गीत आहे. हे गीत स्वातंत्र्यलढ्यात प्रेरणास्रोत ठरले आणि भारतीय राष्ट्रीय काँग्रेसच्या अधिवेशनात रवींद्रनाथ टागोर यांनी सर्वप्रथम गायले. यानंतर आता वंदे मातरम गीताची 150 वर्षपूर्ती साजरी केली जात आहे. यानिमित्ताने उत्तर प्रदेशमध्ये खास कार्यक्रमाचे आयोजन करण्यात आले. यावेळी मुख्यमंत्री योगी आदित्यनाथ यांनी UP मधील सर्व शाळांमध्ये वंदे मातरम गाणे अनिवार्य करण्यात आल्याची घोषणा केली आहे.
10 Nov 2025 02:25 PM (IST)
बॉलीवूड असो किंवा पंजाबी चित्रपटसृष्टी, आजकाल सेलिब्रिटींना सतत धमक्या मिळत आहेत. धमक्यांची ही लाट थांबण्याची चिन्हे दिसत नाहीत. सुरुवातीला सलमान खानला इशारे मिळत होते आणि आता दिलजीत दोसांझ सतत चर्चेत आहे. काही दिवसांत ही त्याची तिसरी धमकी आहे. कालच, गायक आणि अभिनेत्याच्या संगीत कार्यक्रमात “खलिस्तान जिंदाबाद” च्या घोषणा देण्यात आल्या. आता, त्याला पुन्हा एकदा त्याचे परदेशातील संगीत कार्यक्रम रद्द करण्याचा इशारा मिळाला आहे.
10 Nov 2025 02:20 PM (IST)
बांगलादेशच्या महिला आंतरराष्ट्रीय क्रिकेटपटू जहांआरा आलम, जी आता ऑस्ट्रेलियात राहते, तिने बांगलादेश क्रिकेटमध्ये भूकंप निर्माण केला आहे. प्रथम तिने महिला संघाची कर्णधार निगार सुलतानावर संघाच्या खेळाडूंना मारहाण केल्याचा आरोप केला आणि आता तिने बांगलादेशच्या माजी निवडकर्त्या आणि महिला संघाच्या व्यवस्थापक मंजरुल आलमवर लैंगिक छळाचा आरोप केला आहे. तिने म्हटले आहे की २०२२ च्या महिला विश्वचषकादरम्यान, आलमने तिच्याशी अनेक लैंगिकदृष्ट्या स्पष्ट संभाषण केले होते. तो तिला आणि इतर महिला क्रिकेटपटूंना जबरदस्तीने मिठी मारायचा.
10 Nov 2025 02:15 PM (IST)
बार्शी : राज्यासह देशभरात आत्महत्येच्या घटना वाढल्या आहे. दररोज वेगवेगळ्या भागात कोणीतरी आत्महत्या केल्याचे उघडकीस येत आहे. अशातच आता सोलापूर जिल्ह्यातीतील बार्शीतून एक धक्कादायक घटना उघडकीस आली आहे. वाणी प्लॉट परिसरात २५ वर्षीय विवाहितेने आपल्या चिमुकल्या १४ महिन्यांच्या बाळाला आधी विष पाजले. त्यानंतर स्वत: घरातच गळफास घेऊन आत्महत्या केल्याचा प्रकार उघडकीस आला आहे. मुलाचा जीव वाचवण्यात डॉक्टरांना यश मिळाले असून, त्याची प्रकृती सध्या गंभीर आहे. मृत महिलेचे नाव अंकिता वैभव उकिरडे (वय २५) असे आहे. तर तिच्या मुलाचे नाव अन्विक वैभव उकिरडे (वय १४ महिने) असे आहे. ही घटना शुक्रवारी (दि. ७) सकाळी उघडकीस आली आहे.
10 Nov 2025 02:05 PM (IST)
प्रसिद्ध मराठी अभिनेता आणि बिग बॉस फेम अक्षय वाघमारेनं चाहत्यांना आनंदाची बातमी दिली आहे. अक्षय वाघमारे बाबा होणार आहे. अक्षयची बायको आणि अरुण गवळी यांची मुलगी योगिता गवळी प्रेग्नंट असून दोघे लवकरच आई बाबा होणार आहेत. योगिताच्या डोहाळे जेवणाचा कार्यक्रम नुकताच पार पडला. अक्षयने डोहाळे जेवणातील फोटो शेअर करत ही आनंदाची बातमी चाहत्यांबरोबर शेअर केली आहे.
10 Nov 2025 01:55 PM (IST)
केंद्रीय प्रत्यक्ष कर मंडळाने करदात्यांसाठी आनंदाची बातमी आणली आहे. कर भरताना परतफेड, टीडीएस आणि व्याज मोजणीतील चुका दुरुस्त करण्यासाठी धावपळ करत जाण्याची आता करदात्यांना आवश्यकता नाही. कारण, सीपीसीला विशेष अधिकार देण्यात आले आहे. जे कर परताव्यातील त्रुटी दुरुस्त करतील. ही सुविधा जलद आ/णि अधिक परस्परसंबंधित होत असल्याने तक्रारींचे निराकरण जलद गतीने होतील.
10 Nov 2025 01:45 PM (IST)
अमेरिकेत (America) गेल्या ४० दिवसांपासून सर्व सरकारी कामकाज ठप्प आहे. परंतु आता हे शटडाऊन लवकरच संपणार असल्याचे म्हटले जात आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी स्वत: दावा केला आहे की, शटडाउन लवकरच संपेल. त्यांच्या या विधानाने मोठी खळबळ उडाली आहे. ४० दिवसांचे शटडाउन नेमंक कसे संपणार असा प्रश्न पडला आहे.
10 Nov 2025 01:35 PM (IST)
राष्ट्रीय राजधानी क्षेत्रातील (NCR) फरिदाबाद येथून जम्मू-काश्मीर पोलिसांनी मोठ्या प्रमाणात शस्त्रास्त्रे आणि स्फोटके जप्त करून एक महत्त्वपूर्ण यश मिळवले आहे. या कारवाईत ३५० किलोग्रॅम स्फोटके, दोन एके-४७ रायफल आणि मोठ्या प्रमाणात दारूगोळा जप्त करण्यात आला आहे.
10 Nov 2025 01:25 PM (IST)
सुबोध खानोलकर दिग्दर्शित आणि ज्येष्ठ अभिनेते दिलीप प्रभावळकर अभिनीत ‘दशावतार’ या चित्रपटाने खऱ्या अर्थाने २०२५ हे वर्ष गाजवले आहे. दशावतार हा २०२५ मधील सर्वाधिक कमाई करणाऱ्या सिनेमांपैकी एक सिनेमा बनला आहे. कांतारा सारखा सिनेमा समोर असतानाही दशावतारने आपली पकड घट्ट ठेवली होती हा चित्रपट कुठेही डगमगला नाही. चित्रपट रिलीज झाल्यावर त्याच्या दुसऱ्याच दिवशी चित्रपटाचे आणखी शो वाढवण्यात आले.
10 Nov 2025 01:15 PM (IST)
२३ नोव्हेंबर रोजी होणाऱ्या टीईटी परीक्षेसाठी गोंदियामध्ये सतरा केंद्रे सुरू करण्यात येत आहेत. जिल्ह्यातील ८,६६८ शिक्षक पात्र आहेत. प्रशासनाने तयारीला वेग दिला आहे. दरम्यान, सर्वोच्च न्यायालयाने नुकतेच एका आदेशानुसार पहिली ते आठवीपर्यंतच्या वर्गांना अध्यापन करणाऱ्या शिक्षकांना टीईटी (शिक्षक पात्रता परीक्षा) उत्तीर्ण होणे बंधनकारक केले आहे. त्यामुळे राज्यातील प्राथमिक आणि माध्यमिक शाळांमधील जवळपास ७ ते ८ लाख शिक्षकांवर सेवा समाप्तीची टांगती तलवार आहे.
10 Nov 2025 01:05 PM (IST)
कॉंग्रेस नेते आणि लोकसभेचे विरोधी पक्षनेते राहुल गांधी हे जोरदार चर्चेमध्ये आले आहेत. मध्य प्रदेशमध्ये राहुल गांधी दौऱ्यावर गेले आहेत. मात्र त्यांच्या या दौऱ्यावेळी राहुल गांधी यांच्याकडून पक्षाची शिस्तबंद झाल्याचा प्रकार घडला आहे. राहुल गांधी हे स्वतः पक्षाच्या कार्यक्रमाला उशीरा पोहचले. त्यामुळे कॉंग्रेस नेते राहुल गांधी यांनी या कृत्याबाबत स्वतःला शिक्षा दिली आहे. राहुल गांधी यांचा या शिक्षेचा व्हिडिओ सोशल मीडियावर व्हायरल झाला आहे.
10 Nov 2025 12:50 PM (IST)
हरियाणातील फरीदाबादच्या एनआयटी परिसरातून एक धक्कादायक घटना समोर आली आहे. प्रेमसंबंधात अडथळा ठरणाऱ्या नवऱ्याला पत्नीने आपल्या प्रियकराच्या मदतीने गळा आवळून ठार मारल्याचे उघड झाले आहे. तापाने फणफणलेल्या नवऱ्याला उपचाराच्या बहाण्याने माहेरी बोलावून तिथेच या भयंकर कृत्याची अंमलबजावणी करण्यात आली. पोलिसांनी आरोपी पत्नी पूनमला अटक केली असून, तिने आपला गुन्हा कबूल केला आहे.
10 Nov 2025 12:40 PM (IST)
सोलापुरातून अत्याचाराची एक धक्कदायक घटना समोर आली आहे. १५ वर्षीय अल्पवयीन तरुणीवर अत्याचार करण्यात आले आहे. या घटनेचा व्हिडीओ काढून तो व्हिडीओ व्हायरल करण्याची धमकी देण्यात आल्याचे समोर आले आहे. या प्रकरणात एक नामांकित वकीलाचं ही नाव समोर आलं आहे. त्याचे थेट राजकीय संबंध असल्याचं ही बोललं जात आहे. ही घटना सोलापूर जिल्ह्यातील माढा तालुक्यात घाली आहे. या घटनेनंतर सर्वत्र खळबळ उडाली आहे.
10 Nov 2025 12:30 PM (IST)
राज्यात स्थानिक स्वराज्य संस्थांच्या निवडणुकीची रणधुमाळी सुरू असतानाच बुलढाण्यातून एक धक्कादायक घटना समोर आली आहे. चिखली शहर युवक काँग्रेस अध्यक्ष विशाल काकडे यांच्यावर पत्नीच्या अंगावर पेट्रोल टाकून जिवंत जाळण्याचा प्रयत्न केल्याचा आरोप करण्यात आला आहे.
10 Nov 2025 12:20 PM (IST)
ठाणे जिल्ह्यातील डोंबिवली येथून हत्येची एक धक्कदायक घटना समोर आली आहे. किरकोळ कारणावरून वाद झाला आणि या वादातून हत्या झाली. हत्या झालेला व्यक्ती हा मुंबईतील कॉल सेंटरमध्ये कर्मचारी आहे. त्याचे नाव आकाश सिंग असे आहे. आकाशावर धारधार शास्त्राने वार करत संपवण्यात आले आहे. या घटनेने खळबळ उडाली आहे.
10 Nov 2025 12:10 PM (IST)
मुंबईतून चोरीची एक घटना समोर आली आहे. मुंबईच्या आर्मी मुख्यालयातील कर्नलच्या केबिनमधून त्याचे पिस्तुल आणि कॅश चोरट्यांनी पळवल्याची घटना घडली आहे. पोलिसांना चोरांना अटक करण्यात यश आला आहे. तिन्ही आरोपींना पोलिसांनी गोव्यातून अटक केली आहे.
10 Nov 2025 12:05 PM (IST)
पुण्यातील हडपसर भागातील शेवाळवाडी येथे पेट्रोल व डिझेल वाहून नेणाऱ्या एका टँकरच्या केबिनने पेट घेतला असता अग्निशमन दलाकडून अग्निशमन वाहने रवाना करण्यात आली होती. दलाच्या जवानांनी तातडीने आगीवर नियंत्रण मिळवत पुढील धोका टाळला
10 Nov 2025 12:00 PM (IST)
पुण्यामध्ये काल (दि.09) दुपारी 1:00 च्या सुमारास.ज्ञानेश्वर हाउसिंग सोसायटी शंकर महाराज मठाजवळ सातारा रोड धनकवडी पुणे येथे इमारतीच्या सहाव्या मजल्यावर घरामध्ये गॅस लीक होऊन आग लागल्याची घटना घडली. अग्निशमन दलाच्या कात्रज आणि गंगाधाम गंगाधाम अग्निशमन केंद्रामधील जवानांनी होज रील होजच्या आणि फायर extingushur च्या साह्याने आगीवार पाणी मारून आग विझवली. सदर आगीमध्ये 99 वर्षीय बाबुराव दत्तात्रय महामुनी या व्यक्तीला भाजलेल्या अवस्थेमध्ये बाहेर काढण्यात आले आणि नातेवाईक यांच्या मदतीने दवाखान्यामध्ये पाठवण्यात आले
10 Nov 2025 11:50 AM (IST)
'एकता यात्रा' आणि 'वंदे मातरम्' या सामूहिक गायन कार्यक्रमाला उत्तर प्रदेशचे मुख्यमंत्री योगी आदित्यनाथ उपस्थित होते. ते म्हणाले की, "३० ऑक्टोबर रोजी देशभरातील प्रत्येक जिल्ह्यात 'रन फॉर युनिटी' म्हणून राष्ट्रीय एकता दौड आयोजित करण्यात आली होती. या काळात, भाजपने महान वल्लभभाई पटेल यांच्या जीवनावर आणि कार्यावर लक्ष केंद्रित करणारे कार्यक्रम आयोजित करण्यास सुरुवात केली. अनेक सरकारी-स्तरीय कार्यक्रम देखील सुरू करण्यात आले. 'स्वदेशी' असो किंवा स्वावलंबन कार्यक्रम असो, राष्ट्रीय एकतेच्या मुद्द्यांवर लक्ष केंद्रित करणारे उपक्रम पुढे आणले गेले आहेत, तसेच देशभरात व्यापक जनजागृती मोहिमा राबवल्या गेल्या आहेत..."
10 Nov 2025 11:40 AM (IST)
कोल्हापुरात कचरा उठाव गंभीर झाला असतानाच रंकाळा चौपाटीवर अनोखे आंदोलन करण्यात आले. कोल्हापुरात रंकाळा तलाव चौपाटीवर कचऱ्याचे ढीग साचल्याने कचऱ्याचीच प्रतीकात्मक अंत्ययात्रा काढत मनपा प्रशासनाचा निषेध केला. कचऱ्याच्या प्रतीकात्मक तिरडीवर 'मला येथून कायमचा उचला' असा फलक लावण्यात आला होता. या कोल्हापूरमधील अनोख्या आंदोलनाची संपूर्ण महाराष्ट्रामध्ये चर्चा आहे.
10 Nov 2025 11:30 AM (IST)
आगामी स्थानिक स्वराज्य संस्थांच्या निवडणुकांच्या पार्श्वभूमीवर नाशिक शहरातील राजकीय वातावरण चांगलेच तापले आहे. नाशिकमध्ये आज (सोमवार) विरोधी पक्षांची संयुक्त पत्रकार परिषद आयोजित करण्यात आली आहे, ज्यात मनसे, शिवसेना (उद्धव बाळासाहेब ठाकरे), काँग्रेस, राष्ट्रवादी (शरद पवार गट), कम्युनिस्ट पक्ष आणि वंचित बहुजन आघाडी हे पक्ष सहभागी होणार आहेत
10 Nov 2025 11:20 AM (IST)
टॅरिफमधून जो महसूल जमा होतोय, त्यातून प्रत्येक अमेरिकी नागरिकाला 2 हजार डॉलरचा डिविडेंड देणार” असं आश्वासन ट्रम्प यांनी दिलय. टॅरिफची धमकी देऊन जगाला घाबरणारे डोनाल्ड ट्रम्प यामुळे अमेरिकेला होणारे फायदे सांगितले आहेत.
10 Nov 2025 11:10 AM (IST)
राहुल गांधी यांनी पक्षांच्या शिस्तीच्या कठोर नियमांचा सामना करावा लागला. उशीरा पोहचल्याने राहुल गांधींना शिक्षा म्हणून राहुल गांधी यांनी १० पुशअप्स करावे लागले. मध्य प्रदेशातील पचमढीमध्ये आयोजित काँग्रेस जिल्हा अध्यक्षांच्या प्रशिक्षण सत्रादरम्यान उशीर करणाऱ्यांना अनोखी शिक्षा देण्याचा पायंडा पाडला होता.
10 Nov 2025 11:00 AM (IST)
छत्रपती शिवाजी महाराजांच्या आयुष्यातील प्रत्येक लढाई ही आपल्याला प्रेरणा आणि उर्जा देते. त्यापैकीच एक म्हणजे अफजलखानाचा वध. गरिब रयेतच्या पोटावर पाय देणाऱ्या अफजलखानाला छत्रपती शिवाजी महाराजांची आसमान दाखवत त्याचा वध केला. शिवाजी महाराजांनी अफजलखानाच्या रूपाने आलेले स्वराज्यावरील संकट अफजलखानाचा वध करून तसेच त्याच्या सैन्याचा दणदणीत पराभव करून परतवून लावले.
10 Nov 2025 10:59 AM (IST)
देशातील आघाडीच्या टेलिकॉम कंपन्यांपैकी एक असलेल्या Bharti Airtel ने त्यांच्या युजर्सना एक मोठा धक्का दिला आहे. कंपनीने त्यांचा एक रिचार्ज प्लॅन बंद केला आहे. तर याच रिचार्ज प्लॅनचा एक नवीन एंट्री लेव्हल प्लॅन लाँच केला आहे. ज्याची किंमत आधीच्या प्लॅनपेक्षा जास्त आहे. कंपनीने घेतलेल्या या निर्णयामुळे युजर्सना मोठा झटका बसला आहे. युजर्सना अधिक चांगला अनुभव मिळावा आणि जास्तीचे फायदे वापरता यावे, यासाठी हा निर्णय घेण्यात आला आहे.
10 Nov 2025 10:55 AM (IST)
सोलापुरातून अत्याचाराची एक धक्कदायक घटना समोर आली आहे. १५ वर्षीय अल्पवयीन तरुणीवर अत्याचार करण्यात आले आहे. या घटनेचा व्हिडीओ काढून तो व्हिडीओ व्हायरल करण्याची धमकी देण्यात आल्याचे समोर आले आहे. या प्रकरणात एक नामांकित वकीलाचं ही नाव समोर आलं आहे. त्याचे थेट राजकीय संबंध असल्याचं ही बोललं जात आहे. ही घटना सोलापूर जिल्ह्यातील माढा तालुक्यात घाली आहे. या घटनेनंतर सर्वत्र खळबळ उडाली आहे.
10 Nov 2025 10:49 AM (IST)
राज्यात स्थानिक स्वराज्य संस्थांच्या निवडणुकीची रणधुमाळी सुरू असतानाच बुलढाण्यातून एक धक्कादायक घटना समोर आली आहे. चिखली शहर युवक काँग्रेस अध्यक्ष विशाल काकडे यांच्यावर पत्नीच्या अंगावर पेट्रोल टाकून जिवंत जाळण्याचा प्रयत्न केल्याचा आरोप करण्यात आला आहे.
10 Nov 2025 10:38 AM (IST)
मलेशियाच्या (Malaysia) सीमेजवळ हिंद महासागरात एक भीषण दुर्घटना होती. म्यानमारच्या सुमारे ३०० प्रवाशांना घेऊन जाणारी बोट उलटली आहे. (Boat Accident) यामुळे लोकांमध्ये भीतीचे वातावरण पसरले आहे. या घटनेने संपूर्ण परिसरात मोठी खळबळ उडाली आहे. मिळालेल्या माहितीनुसार, रविवारी (०९ नोव्हेंबर) या घटनेची माहिती मिळाली. या घटनेची माहिती मिळताच मदत आणि बचाव अधिकाऱ्यांनी तातडीने धाव गेतली. या दुर्घटनेत केवळ १० जणांना वाचवण्यात यश आले आहे, तर एकाचा मृतदेह सापडला आहे. बाकीचे लोक अद्यापही बेपत्ता आहे. बचाव अधिकाऱ्यांना या घटनेची माहिती उशिरा मिळाल्याने शेकडो लोक बेपत्ता झाला आहेत.
10 Nov 2025 10:32 AM (IST)
ठाणे जिल्ह्यातील डोंबिवली येथून हत्येची एक धक्कदायक घटना समोर आली आहे. किरकोळ कारणावरून वाद झाला आणि या वादातून हत्या झाली. हत्या झालेला व्यक्ती हा मुंबईतील कॉल सेंटरमध्ये कर्मचारी आहे. त्याचे नाव आकाश सिंग असे आहे. आकाशावर धारधार शास्त्राने वार करत संपवण्यात आले आहे. या घटनेने खळबळ उडाली आहे.
.png "Videos"){kind=small}
