Photo Credit- Team Navarashtra
Marathi Breaking news live updates- गुप्तचर माहितीनुसार, पहलगाम दहशतवादी हल्ल्याचे मुख्य सूत्रधार म्हणून लष्कर कमांडर सैफुल्लाह कसुरी उर्फ खालिद आणि रावलकोट येथील दोन लष्कर कमांडर यांची नावे समोर येत आहेत. स्थानिक स्लीपर सेलच्या मदतीने एकूण ६-८ दहशतवादी या दहशतवादी हल्ल्यात सहभागी होते. हल्ल्यापूर्वी, सर्वांनी परिसराची पाहणी केली होती. या हल्ल्याचा कट पाकिस्तानातील रावलकोटमध्ये बसून रचण्यात आला होता.
23 Apr 2025 06:43 PM (IST)
देशातील सर्वात हाय-टेक महामार्ग वाहनांसाठी पूर्णपणे उपलब्ध असेल. मुंबई आणि नागपूर दरम्यानच्या ७०१ किमी लांबीच्या महामार्गापैकी ६२५ किमी महामार्ग आधीच खुला झाला आहे. पंतप्रधान नरेंद्र मोदी २ मे रोजी मुंबई-नागपूर एक्सप्रेसवेच्या भिवंडी ते इगतपुरी या शेवटच्या ७६ किमी लांबीच्या मार्गाचे उद्घाटन करतील. मुंबई-नागपूर एक्सप्रेसवेचा सर्वात कठीण भाग पूर्ण झाला आहे. भिवंडीतील इगतपुरी आणि आमणे गावामधील शेवटचा टप्पा बांधणे सर्वात कठीण होते, कारण तो सह्याद्रीच्या खडकाळ प्रदेशातून जातो.
23 Apr 2025 06:04 PM (IST)
नवी मुंबईतील घरांचे प्रश्न, सिडकोची घरे, फ्रीहोल्ड जमीनींचा प्रश्न सोडवण्यासाठी सरकार कटिबद्ध असून कंडोनियमचा प्रश्न सोडवण्यासाठी नगरविकास खात्यातून विशेष निधी दिला जाईल, अशी ग्वाही राज्याचे उपमुख्यमंत्री एकनाथ शिंदे यांनी दिली. शिवसेनेकडून वाशी येथे आयोजित निर्धार मेळाव्यात ते बोलत होते. यावेळी नवी मुंबईतील १३ नगरसेवकांनी उपमुख्यमंत्री शिंदे यांच्या उपस्थितीत शिवसेनेत प्रवेश केला.
23 Apr 2025 05:45 PM (IST)
जम्मू आणि काश्मीरमधील पहलगाम येथे पर्यटकांवर झालेल्या भ्याड दहशतवादी हल्ल्यात नौदलाचे लेफ्टनंट विनय नरवाल यांचाही मृत्यू झाला आहे. त्यांचे पार्थिव दिल्ली विमानतळावर ठेवण्यात आले होते जिथे त्यांची पत्नी आणि कुटुंबातील सदस्यही मोठ्या संख्येने उपस्थित होते. लेफ्टनंट विनय यांचे पार्थिव हरियाणातील कर्नाल येथे नेण्यात येईल. विनय नरवाल यांचे अंतिम संस्कार कर्नालमध्ये केले जातील.
23 Apr 2025 03:55 PM (IST)
काँग्रेस सरचिटणीस प्रियांका गांधी यांचे पती रॉबर्ट वाड्रा यांनी पहलगाम हल्ल्याचा निषेध करत थेट केंद्र सरकारवरच टीका केली आहे. "मी या घटनेचा निषेध करतो. अशा घटनांमुळे कोणताही मुद्दा उपस्थित होत नाही. नागरिकांवर हल्ला करून मुद्दे उपस्थित करणे हा भ्याडपणा आहे. धर्म आणि राजकारण वेगळे ठेवले पाहिजे. दहशतवद्यांनी ओळखपत्रे तपासल्यानंतर लोकांची हत्या केली कारण त्यांना वाटते की मुस्लिमांना दडपले जात आहे. मी याच्या पूर्णपणे विरोधात आहे, परंतु, जोपर्यंत आपण एकजूट आणि धर्मनिरपेक्ष होत नाही तोपर्यंत आपल्या कमकुवतपणा आणि समस्या आपल्या सीमावर्ती देशांमध्ये अधिक दिसून येतील... आता तेथील लोक बेरोजगार होतील. केंद्र सरकारने अशा लोकांना मदत करावी..."
23 Apr 2025 02:43 PM (IST)
मंगळवारी काश्मीरमधील पहलगाम शहराजवळील 'मिनी स्वित्झर्लंड' म्हणून ओळखल्या जाणाऱ्या बैसरन या पर्यटन स्थळावर दहशतवाद्यांनी हल्ला केला, ज्यामध्ये किमान २६ जण ठार झाले आणि अनेक जण जखमी झाले. मृतांमध्ये दोन परदेशी (यूएई आणि नेपाळमधील) आणि दोन स्थानिकांचा समावेश आहे, असे अधिकाऱ्यांनी सांगितले. मंगळवारी रात्री 'एक्स' या सोशल मीडिया प्लॅटफॉर्मवर एका पोस्टमध्ये फडणवीस म्हणाले की, त्यांनी दहशतवादी हल्ल्यात जखमी झालेल्या नागपूर आणि पुण्यातील काही पर्यटकांच्या कुटुंबियांशी बोललो आहे आणि त्यांना सर्वतोपरी मदत करण्याचे आश्वासन दिले आहे.
23 Apr 2025 02:00 PM (IST)
पहलगाममधील भीषण दहशतवादी हल्ल्यानंतर देश हादरला आहे. मुख्यमंत्री देवेंद्र फडणवीस, पंतप्रधान नरेंद्र मोद, अमित शाह तेथील परिस्थिती हाताळण्याचा प्रयत्न करत आहे. त्यातच आता गिरीश महाजनही श्रीनगरला रवाना झाले आहेत. तसेच तिथे अडकलेल्या लोकांना परत आणण्यासाठी विशेष विमानाची सोय करणार असल्याचंही मुख्यमंत्री देवेंद्र फडणवीस यांनी म्हटलं आहे.
23 Apr 2025 01:49 PM (IST)
डोंबिवलीमधील तीनही मृतांचे पार्थिव दिल्लीतून रवाना होणार आहेत.
23 Apr 2025 01:47 PM (IST)
पंतप्रधान मोदी २४ एप्रिल रोजी कानपूरला जाणार नाहीत. त्याने आपला दौरा रद्द केला आहे. पहलगाम हल्ल्यामुळे, पंतप्रधान मोदी आज सकाळी दिल्लीला परतले आणि त्यांचा सौदी अरेबिया दौरा अर्ध्यावरच सोडून दिला.
23 Apr 2025 01:45 PM (IST)
पहलगाम दहशतवादी हल्ल्यात महाराष्ट्रातील एकूण 6 जणांचा मृत्यू झाला आहे. यामध्ये संजय लेले, दिलीप डिसले, कौस्तुभ गणवते, संतोष जगदाळे, हेमंत जोशी अतुल मोने अशी मृतांची नावे समोर आली. सहा जणांचे पार्थिव एअर इंडियाच्या विमानाने श्रीनगरहून मुंबईला आणणार आहेत.
23 Apr 2025 12:43 PM (IST)
राष्ट्रीय तपास संस्थेचे (एनआयए) एक पथक पहलगाम दहशतवादी हल्ल्याच्या ठिकाणी पोहोचले आहे. हे पथक जम्मू-काश्मीर पोलिसांना तपासात मदत करेल.
A team of the National Investigation Agency (NIA) has reached the Pahalgam terrorist attack site. The team will assist the J&K Police with the investigation. pic.twitter.com/3MB0ozQkGv
— ANI (@ANI) April 23, 2025
23 Apr 2025 12:25 PM (IST)
#WATCH | Srinagar | PDP chief Mehbooba Mufti takes part in a protest condemning the Pahalgam terror attack on tourists pic.twitter.com/4iWyJK65GB
— ANI (@ANI) April 23, 2025
23 Apr 2025 11:33 AM (IST)
गृहमंत्री अमित शहा यांनी श्रीनगरमधील पहलगाममध्ये मृत्युमुखी पडलेल्यांना श्रद्धांजली वाहिली. ते रुग्णालयाला भेट देऊन जखमींना भेटतील. हल्ल्यानंतर अमित शहा यांनी एक उच्चस्तरीय बैठकही घेतली, ज्यामध्ये मनोज सिन्हा आणि मुख्यमंत्री ओमर अब्दुल्ला देखील उपस्थित होते.
23 Apr 2025 10:39 AM (IST)
केंद्रीय गृहमंत्री अमित शहा यांनी जम्मू आणि काश्मीरमधील श्रीनगरमधील पहलगाम दहशतवादी हल्ल्यातील बळींना श्रद्धांजली वाहिली. त्यांनी कुटुंबातील सदस्यांना या दुःखाच्या वेळी धैर्यवान राहण्यास सांगितले आणि दहशतवाद्यांचा लवकरात लवकर खात्मा करण्याचे आश्वासन दिले.
#WATCH | Union Home Minister Amit Shah pays tributes to the victims of the Pahalgam terror attack, in Srinagar, J&K pic.twitter.com/tPRSj4ewUg
— ANI (@ANI) April 23, 2025
23 Apr 2025 10:34 AM (IST)
सूत्रांनी दिलेल्या माहितीनुसार, दहशतवादी ज्या ठिकाणी घुसले होते त्या ठिकाणाच्या मार्ग नकाशाची प्राथमिक माहिती समोर आली आहे. दहशतवाद्यांनी पीर पंजाल टेकड्या ओलांडल्या आणि राजौरीहून चतरू आणि वाधवन मार्गे पहलगाम येथे पोहोचले. या भागात गुर्जर बकरवालांची लोकसंख्या मोठी आहे.
