मंत्री संदीपान भुमरेंनी दिली जीवे मारण्याची धमकी, तरुणाची ग्रामीण पोलिस अधीक्षकाकडे तक्रार

चावरे हे पैठण तालुक्यातील कोळीबोडखा येथील रहिवासी असून, ते राष्ट्रवादी काँग्रेसचे कार्यकर्ता आहेत. आमच्याविरोधात का राजकारण करतोस म्हणून भुमरे यांनी धमकी दिली आहे. याप्रकरणी योग्य न्याय नाही मिळाल्यास आपण आत्मदहन करू, असा इशाराही त्यांनी दिला आहे.

Follow Us:

Follow Us:

मुंबई – मंत्री संदीपान भुरे यांनी आपल्याला जीवे मारण्याची धमकी दिली आहे, अशी तक्रार युवराज शिवाजीराव चावरे या तरुणाने ग्रामीण पोलिस अधीक्षकांकडे केली आहे. मात्र, यावर अजून गुन्हा दाखल झाला नसल्याचे समजते. याप्रकरणी दिव्य मराठीने संदीपान भुरे यांची प्रतिक्रिया घेण्याचा प्रयत्न केला. मात्र, तो उपलब्ध झाले नाहीत.

चावरे हे पैठण तालुक्यातील कोळीबोडखा येथील रहिवासी असून, ते राष्ट्रवादी काँग्रेसचे कार्यकर्ता आहेत. आमच्याविरोधात का राजकारण करतोस म्हणून भुमरे यांनी धमकी दिली आहे. याप्रकरणी योग्य न्याय नाही मिळाल्यास आपण आत्मदहन करू, असा इशाराही त्यांनी दिला आहे.

युवराज चावरे यांनी याबद्दल प्रसारमाध्यमांशीही बोलले. ते म्हणाले की, मला सकाळी नऊ वाजून एकवीस मिनिटांनी आपल्या जिल्ह्याचे पालकमंत्री संदीपान भुमरे यांचा व्हॉटसअप ऑडिओ कॉल आला होता. त्यांनी त्यामध्ये मला धमकी दिली. काल आम्ही महाविकास आघाडीच्या वतीने आदित्य ठाकरे यांच्या जंगी सत्काराचे पाचोड येथे आयोजन केले होते. त्याचाच रोष मनात धरून त्यांनी हा कॉल केला.

चावरे म्हणाले की, भुमरे यांनी अश्लील भाषेत शिवीगाळ केली. धमकावले देखील. त्यांनी मला विचारले की, तू आमच्याविरोधात का राजकारण करतोस. आमच्याविरोधात का अशा पोस्टी सोडतोस. मी त्यांना समजावून सांगण्याचा प्रयत्न करत होतो. मात्र, ते कुठल्याही ऐकायच्या मनस्थितीत नव्हते. त्यांनी मला सरळ अश्लील भाषेत शिवीगाळ करायला सुरुवात केली. त्यानंतर त्यांनी तू कसे राजकारण करतो, कसा पाचोडला येतो, तुझ्यावर खोटे गुन्हे दाखल करून जेलमध्ये पाठवतो, अशी धमकी मला दिली. तुला बघून घेईल म्हणाले.

Web Title: Minister sandipan bhumre threatens to kill youth complains to rural superintendent of police warns of self immolation

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com