संग्रहित फोटो
सासवडमध्ये शिवसेना ( एकनाथ शिंदे ) उमेदवारांच्या प्रचारार्थ उदय सामंत आले होते. यावेळी त्यांनी संजय जगताप यांचे नाव न घेता जोरदार टीकास्त्र सोडले. यावेळी आमदार विजय शिवतारे, आमदार रवींद्र धंगेकर, शिवसेना महिला आघाडीच्या ममता शिवतारे, माजी सभापती अतुल म्हस्के, हरिभाऊ लोळे, माणिक निंबाळकर यांच्यासह शिवसेनेचे उमेदवार, कार्यकर्ते होते.
कामांना लागेल तेवढा निधी देतो
आम्ही कोकणातील आहोत. दादागिरी आम्हाला चांगली माहिती आहे. तुमच्या दादागिरीना भीक घालणार नाही. विजय शिवतारे विधीमंडळात दादागिरी करतात निधी आणण्यासाठी. दादागिरी करून राजकारण होत नाही त्यासाठी निधी आणण्यासाठी इच्छाशक्ती लागते. चांगल्या कामांना लागेल तेवढा निधी देतो, असे उदय सामंत यांनी सांगितले.
उद्याची ही नवीन महापालिका होणार
आमदार विजय शिवतारे यांनी संजय जगताप यांना अडीच वर्षे तुमची सत्ता होती. मग, पाणी योजना का करता आली नाही. जेजुरीचा विकास आराखडा करण्याचे तुम्हाला का सुचले नाही ? असे प्रश्न उपस्थित केले. आमची सत्ता आल्यावर मी विकास आराखडा बनवला. उद्याची ही नवीन महापालिका होणार असून, पुढील निवडणूक नवीन पुणे महापालिका अशी होणार आहे. हडपसर, जेजुरी, हडपसर, यांची एकत्रित महानगरपालिका होणार आहे, असेही शिवतारेंनी सांगितले.
महिन्याला स्वीकृत नगरसेवक करतील
यापूर्वी सहा महिन्याला स्वीकृत नगरसेवक होता. आता प्रत्येक महिन्याला स्वीकृत नगरसेवक करतील. त्यामुळे अशा गोष्टींवर विश्वास ठेवू नका. हे मूळ भाजप नाही तर काँग्रेसयुक्त भाजप आहे. माझ्याकडून पराभव झाल्यावर तिकडे गेलेत, पण त्यांच्यात मूळ भाजपचे कोणी नाही. जिकडे पाहावे तिकडे त्यांची नावे हे आता थांबवायचे आहे, असा घणाघात शिंदेंच्या शिवसेनेने केला आहे.
