जैन मुनींच्या पांढऱ्या पट्ट्यांवरून मनसे पुन्हा आक्रमक; संदीप देशपांडेंचा ‘हिरवी झाडे' लावण्याचा प्रस्ताव
मुंबई : महापालिका निवडणुकीच्या (Municipal Corporation Election) पार्श्वभूमीवर महाराष्ट्र नवनिर्माण सेनेने (MNS) शिवसेना (उद्धव बाळासाहेब ठाकरे) पक्षावर भ्रष्टाचाराचा आरोप (Allegations of Corruption) केला आहे. मनसे सरचिटणीस संदीप देशपांडे (Sandip Deshpande) यांनी सक्तवसुली संचालनालय (ईडी) आणि मुंबई पोलिसांच्या आर्थिक गुन्हे शाखेला पत्र लिहून युवासेनेच्या अधिकाऱ्यांवर कोरोनाच्या काळात घोटाळा केल्याचा आरोप केला आहे. तसेच या प्रकरणाची चौकशी करून कारवाईची मागणी केली आहे.
मुंबई पोलिसांच्या आर्थिक गुन्हे शाखा आणि ईडीला लिहिलेल्या पत्रात देशपांडे यांनी म्हटले आहे की, कोरोनाच्या काळात महापालिकेतील सत्ताधारी युवा सेनेच्या अधिकाऱ्यांकडून मध्यम ते मोठा घोटाळा करण्यात आला आहे. कोरोनाच्या काळात झालेल्या खर्चाची कॅगकडून चौकशी करण्याची मागणी करण्यात येत होती. मात्र, कोरोनाच्या काळात देण्यात आलेल्या कंत्राटांची चौकशी करता येणार नसल्याचे महापालिकेने कॅगला दिलेल्या पत्रात म्हटले होते. या घोटाळ्याचे पुरावे आपल्याकडे असल्याचा दावाही देशपांडे यांनी केला आहे.
विविध प्रकारचे आरोप
मालाड आणि भायखळा येथील रिचर्डसन कुडास कॅम्पसमध्ये कोरोना सेंटर बांधण्यात आल्याचे देशपांडे यांनी म्हटले आहे. या केंद्रांमध्ये विविध कंपन्यांना अन्नधान्य, कपडे धुण्यासाठी, सॅनिटायझर पुरवण्याचे कंत्राट देण्यात आले होते. युवासेना पदाधिकारी वैभव थोरात यांच्याशी संबंधित ठक्कर अँड पवार कंपनी, शिवनेरी एंटरप्रायझेस, शिवचिदंबरम फार्मा, रमेश अँड असोसिएट्स, अर्का कंपनी, देवराया एंटरप्रायझेस, जयभवानी एंटरप्रायझेस आणि ग्रीन स्पेस रियल्टी या कंपन्यांनी पुरवठ्यात अनियमितता केली आहे. या कंपन्यांनी पुरवठ्यापेक्षा जास्त बिल दिले, असे मनसे देशपांडे यांनी सांगितले.
तत्कालीन सहाय्यक आयुक्तांच्या सहभागाची शक्यता
तसेच 30 ते 40 टक्के मालाचा पुरवठा झाला असून, संपूर्ण बिल वसूल करण्यात आल्याचे त्यांनी सांगितले. या घोटाळ्यात तत्कालीन सहाय्यक आयुक्त आणि लेखाधिकारी यांचा सहभाग असण्याची शक्यता नाकारता येत नाही, असे त्यांनी या पत्रात म्हटले आहे.
.png "Videos"){kind=small}
