Central Railway Mega Block: मुंबई लोकलचं वेळापत्रक बदलणार! मध्य रेल्वेवर मंगळवारी 12 तासांचा मेगा ब्लॉक

Central Railway Mega Block: मंगळवारी, 8 सप्टेंबर रोजी मध्य रेल्वेच्या भुसावळ विभागात 12 तासांचा मेगा ब्लॉक घेण्यात येणार आहे. जळगाव-शिरसोली-म्हसावद या अप आणि डाऊन दोन्ही मार्गांवर सकाळी 6 ते संध्याकाळी 6 वाजेपर्यंत हा ब्लॉक राहणार आहे.

Central Railway12 Hours Mega Block: जर तुम्ही मंगळवारी 8 सप्टेंबरला रेल्वेने प्रवास करणार असाल तर ही बातमी तुमच्यासाठी खूप महत्त्वाची आहे. मध्य रेल्वेच्या भुसावळ विभागात मोठा मेगा ब्लॉक घेतला जाणार असल्याने रेल्वे वाहतूक पूर्णपणे विस्कळीत होईल. प्रवासाला निघण्याआधी एकदा वेळापत्रक नक्की तपासून बघा..

कुठे आणि किती वेळ ब्लॉक?

हा मेगा ब्लॉक जळगाव-शिरसोली-म्हसावद या अप आणि डाऊन दोन्ही मार्गावर असणार आहे. सकाळी 6 वाजल्यापासून ते संध्याकाळी 6 वाजेपर्यंत म्हणजे तब्बल 12 तास हा ब्लॉक राहील. त्यामुळे वाहतूकीवर 12 तास परिणाम होईल. रेल्वे प्रशासनाने सांगितलं आहे की, या ब्लॉक दरम्यान रेल्वे रुळावर स्वयंचलित ब्लॉक सिग्नलिंग प्रणाली बसवण्याचं काम केलं.

रेल्वेचा प्रवास जास्त सुरक्षित आणि जलद व्हावा यासाठी हे काम गरजेचं आहे. पण या कामासाठी दोन्ही ट्रॅक बंद ठेवावे लागणार आहेत, त्यामुळे गाड्यांच्या वेळा बदलल्या आहेत. त्यामुळे काही गाड्या पूर्णपणे रद्द केल्या जातील. या ब्लॉकमुळे रोज प्रवास करणाऱ्या लोकांचे खूप हाल होतील. तीन महत्त्वाच्या मेमू गाड्या पूर्णपणे रद्द करण्यात आल्या. Central Railway Mega Block:

कोणत्या गाड्या रद्द केल्या?

• इगतपुरी-भुसावळ मेमू
• भुसावळ-देवळाली मेमू
• नाशिक रोड-बडनेरा मेमू

या गाड्यांनी रोज हजारो प्रवासी प्रवास करतात. नोकरी, कॉलेजसाठी जाणारे विद्यार्थी, कामगार या गाड्यांवर अवलंबून असतात. त्यामुळे मंगळवारी त्यांना दुसऱ्या गाडीचा किंवा एसटीचा विचार करावा लागणार आहे .फक्त मेमूच नाही तर मोठ्या एक्सप्रेस गाड्यांच्या वेळेत पण बदल झाला आहे. अजनी-पुणे वंदे भारत एक्सप्रेस आणि भुसावळ-दादर एक्सप्रेस या दोन महत्त्वाच्या गाड्यांची वेळ बदलली आहे. त्यामुळे या गाड्यांनी प्रवास करणाऱ्यांनी नेहमीच्या वेळेवर स्टेशनवर जाऊ नये.

पालिका शिक्षकांवर कामाचा ताण; बीएलओ, एसआयआरनंतर आता प्रशिक्षणाचा नवा बोजा

लांब पल्ल्याच्या गाड्या 2-3 तास लेट

याचा फटका फक्त लोकल प्रवाशांनाच नाही तर लांब पल्ल्याच्या गाड्यांना पण बसणार आहे. अमृत भारत एक्सप्रेस सारख्या अनेक मोठ्या गाड्या वेगवेगळ्या स्टेशनवर 2 ते 3 तास थांबवून ठेवल्या जाणार आहेत. रेल्वे प्रशासनाने प्रवाशांना आवाहन केलं आहे की त्यांनी या बदलाची नोंद घ्यावी आणि त्यानुसार आपल्या प्रवासाचं प्लॅनिंग करावं.

शिक्षणमंत्र्याच्या अधिकाराला कात्री? तुकड्यांना मान्यतेचे अधिकार सचिव, शिक्षण आयुक्तांकडे

विशेष करून सकाळी प्रवास करणाऱ्यांनी गाडी आहे की नाही, वेळ बदलली आहे का हे तपासूनच घराबाहेर पडावं.रेल्वेचं हे काम जरी प्रवाशांसाठी त्रासदायक असलं तरी भविष्यात सुरक्षित प्रवासासाठी हे गरजेचं आहे. त्यामुळे एक दिवसाचा त्रास सहन करावा लागेल. रेल्वेच्या अधिकृत वेबसाईटवर किंवा रेल्वे चौकशी केंद्रावर तुम्ही नवीन वेळापत्रक बघू शकता.